ဗြဝတဳ၊ အံက်တဝ်ပါ ၁၀
အပ္ဍဲတွဵုရးကရေၚ် ပွိုၚ်ဍုၚ်ဗြဝတဳ ဒၞာဲရုၚ်စမြိုၚ်ဒၞာဲကျဖျ ဟွံလုပ်သၞောဝ် ပ္ဍဲဒေသယှိုဲကုက်ကိုတံဂှ် စနူအံက်တဝ်ပါ ၆ ဂှ် ဆက်ရိုဟ်သရိုဟ်ပလီုမံၚ်ရောၚ် အလဵုအသဳပၞာန် လလောၚ်ပတိတ်လဝ်ပရိုၚ်ရ။
ဒပ်မၚ်ပယျဵုကရေၚ် BGF ပြံၚ်လဝ်ဗီုပြၚ် ဒပ်ပၞာန်ဂကူကရေၚ် KNA နွံသၟဝ်တဲ ပရေၚ်ကောပ်ကာဲ က္ဍိုပ်သ္ကိုပ်သဝ်ချေတ်တူ သိုၚ်ခၞံလဝ်ရုၚ်စမြိုၚ်ဒၞာဲ ဟွံလုပ်သၞောဝ် ၁၄၀ မ ကၠောန်လဝ်ကမၠောန် ပရေၚ်လီဠာန်သြန်အန်လိုၚ် ဝိုၚ်ဝေၚ် ပ္ဍဲဒေသယှိုဲကုက်ကိုတံဂှ် အလန်ပထမကိုပ်ကၠာတေံ ပလီုရိုဟ်သရိုဟ်ထောံလဝ် ၇၇ မ တုဲအာရဂှ် ချူထမံက်လဝ် ပ္ဍဲကဵုလိက်လလောၚ်တြးရ။
သွက်ဂွံထပ်သရိုဟ်ပလီုအာ စမြိုၚ်ဒၞာဲနွံမံၚ် ၆၃ ဏီတုဲ အပ္ဍဲဂှ် ဒးပလီုကဵုစက်ယန္တရာ ၂၅ မ၊ ဒးဖံက်ဗတိုဟ်အာ စမြိုၚ်ဒၞာဲ ၄ မ၊ နွံမံၚ် အကြာအရာပ်သ္ၚိ မၞိဟ်မံၚ်တံတုဲ ဒးဗက်သရိုဟ်အာမွဲထပ်တုဲမွဲထပ်ဂှ် နွံမံၚ် ၃၄ မရောၚ် သ္ဂးရ။
စကာသုၚ်စောဲအာ စက်ယန္တရာတုဲ ဆက်ပလီုမံၚ်စမြိုၚ်ဒၟံၚ် ၅ ထပ် မွဲမ တုဲအာ ၆၅% ကီု သွက်ဒးဖံက်ခတိုဟ် စမြိုၚ် ၆ ထပ်မွဲမပၠန်ဂှ် ဖံက်ခတိုဟ်ဏာလဝ် ချိုတ်တ်ပၠိုတ်တ်မာန်ရဂှ် အလဵုအသဳပၞာန် တြးလဝ်ဝါဒရ။
ရုၚ်စမြိုၚ်ဒၞာဲကျဖျ ပ္ဍဲဒေသယှိုဲကုက်ကိုတံဂှ် အလဵုအသဳပၞာန် ပလီုသရိုဟ်ထၜးစမံၚ် ဗွဲလ္တူကျာကီုလေဝ် အကြာကွာန် အကြာအရာပ် ဒေသယှိုဲကုက်ကိုမ္ဂး ကမၠောန်ကျဖျတံ ဆက်ဂေတ်မံၚ်ဖိုဟ်ရောၚ် ညးဒေသယှိုဲကုက်ကို မွဲတၠ သ္ဂးရ။
ပြဟ်ဟ်ဏံ ပ္ဍဲကဵုဒေသယှိုဲကုက်ကို လပါ်သၟဝ်ကျာ ဇိုၚ်ဒဵုဒဝ်န ဒၞာဲသ္ကိုပ်ဒေသပၞာန် ဒုသ္ကိုပ်ပၞာန်သဝ်တေန်ဝေၚ် ထိၚ်ချုက်လဝ် ကွာန်တေံကတေဂှ် ကမၠောန်ကျာဖျတံ ပြံၚ်လုပ်အာတုဲ ထပ်သိုၚ်ခၞံလဝ် စမြိုၚ်ဒၞာဲတၟိတၟိတံဂှ် ဆက်ကၠောန်မံၚ် ကမၠောန်ကျာဖျ ဖိုဟ်ရောၚ် တမ်ရိုဟ်ကၞက်ပရိုၚ်ဒေသတံဟီုတုဲ ဂွံတီရ။
ပရိုၚ်-သြၚ်လောန်တိုၚ်မ်
Photo – Social Media