ဗေဂျေၚ်၊ အံက်တဝ်ပါ ၁၄
ပ္ဍဲကဵုသဝ်ဒဳအာရေဗဳယာ ဂကောံဟူတဳ နူကဵုဍုၚ်ယဳမေန် ဗတိုက်လဝ်သၞေဟ်ၜၚ်ကျာကဵု စမြိုၚ်ဒၞာဲသ္ဇိုၚ်ကၠေၚ်ဍေၚ်တံဂှ် ပ္ဍဲအံက်တဝ်ပါ ၁၂ ကြုက်တင်ဒုဟ်ပျုတ်ဗဒေက်ဏာရ။
စပ်ကဵုပရေၚ်ပဋိပက္ခ ဂကောံရဳယာဒ်ကဵု အဳရာန်ထံက်ပၚ်လဝ် ဟူတဳတံတုဲ ဒှ်ဒဝိၚ်ဗွဲမလောန် နူကဵုဗေဂျေၚ် ဟီုရ။
ပရေၚ်မၞိဟ်ဗွဲဂမၠိုၚ်ဒးချိုတ်အာ ဗတိုက်လဝ်ဗီုဏံဂှ် ကြုက်တင်ဒုဟ်ပျုတ်ဗဒေက်ဏာတုဲ ပရေၚ်ပဋိပက္ခသၠုၚ်တိုန်မံၚ်သာ်ဏံဂှ် ဒှ်ဒဝိၚ်ဗွဲမလောန် ညးနွံအခေါၚ်ဟီုဂး မဝ်နေၚ် နူကဵုဌာနပရေၚ်ဍုၚ်သအာၚ်ကြုက် သောၚ်ကလးလဝ် ပ္ဍဲကဵုပေါဲသှ်ဆာဲကလးပရိုၚ် လၟေၚ်ဓမ္မတာရ။
အပ္ဍဲဒေသ ၜိုန်ရပရေၚ်ကြံၚ်မ္ၚိဟ် ဒှ်မံၚ်ကီုလေဝ် ညံၚ်ဂွံဝေၚ်ပါဲ ဗီုပြၚ်တံဏံတုဲ နူကဵုပေါဲဆဵုဂဗတက်ကျာဂှ် ရဲလညာတ်ဟွံတုပ်တံ ညံၚ်ဂွံပ္ညဳပ္ညပ်သဳကၠဳအာညိ အပ္ဍဲဒေသ သွက်ဂွံဂွံပရေၚ်ၜိုဟ်လလမ်ကဵု ညိၚ်ဝပ်ပြဟ်ဟ်မာန် သဳကၠဳညးသ္ကံညိဂှ် ကြုက်ဗတိုက်ဖအောဝ်လဝ်ရ။
ပ္ဍဲအံက်တဝ်ပါ ၁၁ ဟိုတ်နူဟူတဳတံ ဗတိုက်လဝ် သၞေဟ်ၜၚ်ကျာ ရဳယာဒ်ဂှ် မၞိဟ်ချိုတ်အာမွဲတၠ ဒးဝပ် ၁၁ တံနွံရ။
တ္ၚဲကၠာနူဏံလေဝ် ဟိုတ်နူဟူတဳတံ ဗတိုက်တုဲ ပရေၚ်ကမၠောန် သၞေဟ်ၜၚ်ကျာ ရဳယာဒ်ဂှ် ဒေါအ်ဒေၚ်အာကီုရ။
စပ်ကဵုပရေၚ်ဂကောံဟူတဳ ဗတိုက်လဝ်ဏံ နူအမေရိကာန် ကဵုလဝ်သတိတုဲ သွက်ဂွံပါလုပ်အာနကဵုပရေၚ်ဂှ် ချပ်ဗစာမံၚ်ရောၚ် သ္ဂးရ။
ပ္ဍဲအံက်တဝ်ပါ ပရေၚ်ဗတိုက်လဝ် အကြာဗွဝ်စှ်သၞာံဏံ မၞိဟ်ချိုတ်လဝ်ဂၠိုၚ်အိုတ်ဒှ်တုဲ အသိၚ်ပေါဲဗတိုက် ယဳမေၚ်လေဝ် သၠုၚ်တိုန်ကၠုၚ် ကၠးမးမံၚ်ရ။
ပ္ဍဲကဵုဍုၚ်ယဳမေၚ် အလဵုအသဳဍုၚ်ဂၠးကဝ်တံ သ္ပလဝ်စၟတ်သမ္တီဂှ် နူကဵုသဝ်ဒဳ ကဵုလဝ်အထံက်ပၚ်ပရေၚ်ပၞာန် လအ်ကၠုၚ်ယျ။
အလဵုအသဳယဳမေၚ် သဝ်ဒဝ်ထံက်မံၚ်ဂလာန် သီလဝ်ဒၞာဲဟူတဳဂှ် သွက်ဂွံကလေၚ်သီအာမာန် နူခြာဟွံလံ ကၠောန်မံၚ်ပရေၚ်လဝေၚ်ပၞာန်တံရ။
သွက်ပရေၚ်ဟူတဳ ဗတိုက်လဝ်လၟုဟ်ဏံ ကလေၚ်ပလန်တဲ ဇၞော်ကဵုဇြဟတ်ရောၚ် သဝ်ဒဳ ဟီုလဝ်ရ။
Ref:AFP