ဒဳလဳ၊ အံက်တဝ်ပါ ၁၆
ဟိုတ်နူ ပရေၚ်ပၟတ်ဂြိုပ် နူအေန်ဒိုနဳယှာတံတဴဂှ် ယက်လက်ကၠိုက်ဟဳကၠုၚ်တုဲ စနူအံက်တဝ်ပါ ၁၅ ဘာဗတောန်လိက် တဳမဝ်ဗမံက်တံ ဒးကၟာတ်ထောံလဝ် ပွိုၚ်ပိတ္ၚဲရ။
သၟဝ်ဗလးအကး ပြံၚ်လှာဲအာအရံၚ်ဍာ်မိတ် ပ္ဍဲကဵဵုဍုၚ်ဇၞော်မဟာ ဒဳလဳဂှ် မၞိဟ်တံတိတ်မံၚ်ဂၠံၚ် အတိုၚ်ဓမ္မတာကီုလေဝ် ဗွဲမဂၠိုၚ်တံ စုတ်လဝ်ယာတ်ကၟာတ်မုဟ်တံရ။
နူကဵုကၠာပွိုၚ်မွဲတ္ၚဲတေံဂှ်ရ ကၟာတ်ထောံဘာဗတောန်လိက်တံရောၚ် အလဵုအသဳ ကဵုလဝ်ကသပ် မဒှ်ရ။
ညးဒေသတံ ဒုၚ်တၠုၚ် တၚ်သ္ဂုတ်သွာတ်ဏံကီုလေဝ် ပရေၚ်ဗလးကျာကၠိခန်ပပ်ပဳဗီုတံဏံဂှ် ပရေအ်လောန်အာ နူကဵုသတ္တဟကၠာကၠာတေံဏီ သ္ဂးရ။
အခိၚ်ဥတုရာသဳကှ်ကတဴဏံ ပ္ဍဲအေန်ဒိုနဳယှာ အတိုၚ်လၟေၚ်ဓမ္မတာ ပၟတ်ဂြိုပ်တံတဴလေပ်ကီုလေဝ် ပ္ဍဲကဵုသၞာံဏံ အခိၚ်ဥတုရာသဳ အေလ်နဳညို ဗြဴဟွံဂူကျာတ်ဍာ်တံဒှ်တုဲ ပရေၚ်ပၟတ်တဴ ဇြဟတ်ဇၞော်တိုန်မံၚ်ကွေံကွေံရ။
ပၟတ်ဂြိုပ်တံ တတ်လဝ်ဗလးဂြိုပ်ဟက်တာလ္ၚီဗွဲမဂၠိုၚ် ဗလးတဵုလွဳ သူမတြာ၊ ဗဝ်နဳယော ကဵု ပါပူအာတံ တတ်အာတုဲ တဴအာမံၚ်ဖိုအ် မဒှ်ရ။
ဟိုတ်နူ ပၟတ်ဂြိုပ်တံဏံ ပရေၚ်ဗလးကျာကၠိခန်ပပ်ပဳအကြာဒေသ ပ္ဍဲကဵုမလေဝ်ယှာ၊ ဖိလေတ်ပိုၚ်ကေုာံ တဳမဝ်ဗမံက်တံ ပဵုပရေအ်အာရ။
အတိုၚ်ဍာ်ဒကေဝ် ပရေၚ်အကာဲအရာဗလးကျာမ္ဂး သွက်ဂွံစဵုဒၞာအာ ပရေၚ်ထတ်ယုက် ကွးဘာတံ အစာ အစာဗြဴတံ ကဵု သၞာဲဒါယိုက်ဝန်ပရေၚ်ပညာတံတုဲ ထေက်ကဵုဒးကၟာတ်လဝ် ဘာဗတောန်လိက်တံရောၚ် အလဵုအသဳ တဳမဝ်ဗမံက် ဟီုလဝ် ပ္ဍဲအံက်တဝ်ပါ ၁၄ ရ။
ကောန်ၚာ်တံ ညံၚ်ဂွံစွံလဝ် ပ္ဍဲစမြိုၚ်ဒၞာဲတံကီု ညးဍုၚ်ကွာန်တံ တိတ်မ္ၚးမ္ဂး စုတ်လဝ်ယာတ်ကၟာတ်မုဟ်အိုတ်ညိဂှ် အလဵုအသဳ ဗတိုက်ဖအောဝ်လဝ်ရ။
ပရေၚ်ဗလးကျာကၠိခန်ပပ်ပဳ ပ္ဍဲကဵုတဳမဝ်ဗမံက် စိုပ်မံၚ်အကာဲအရာအန္တရာဲဂၠိုၚ်လောန်အာတုဲ သွက်မၞိဟ်တံ ဒှ်ယဲဘဲမာန်ရောၚ် ညးဒေသတံ ဟီုမံၚ်အိုတ်ရ။
Ref:AFP