မနဳလာ အံက်တဝ်ပါ ၁၇
သွက်အနှေန်ၚုဟ်ကသိုန် ဂွံသၠုၚ်တိုန်စိုပ်ကၟဳတေံ နူကဵုကာန်ပနဳ စပရဲဇၞော်ဇၞော် ၆ ဂကောံတံ ဒက်ပတန်လဝ် ဂကောံပရေၚ်ကမၠောန် ကသိုန်တုဲ ညးတာလျိုၚ်ဖိလေတ်ပိုၚ်တံ တပ်ဒဏ်ဖျေံဒုဟ်သြန်ပဳသို ၁ ဒဿမ ၇၆ ဗဳလဳယာန်( ဒဝ်လာအမေရိကာန် ၂၈ ပြကောတိကိုတ်) ရ။
အပ္ဍဲကဵုပါၚ်ဖဴဍုၚ်ဖိလေတ်ပိုၚ်မ္ဂး ကသိုန်ဟွံပါဟွံတုဲဒှ်မံၚ်တုဲ ပ္ဍဲသၞာံ ၂၀၂၂ ဂှ် ၚုဟ်ကသိုန်ဗကေတ် မွဲကဳလဵု တိုန်အာဒဵုကဵု ၈၀၀ ပဳသိုၜက်အာသၞောတ်တုဲ ဂၠိုၚ်နူကဵုစရိတ်ကၠောန်ကမၠောန်ပွိုၚ်မွဲတ္ၚဲ၊ ပဵုၜက်တိုန်အာနူကဵု အနှေန်ၚုဟ်ဖျုန်တံရ။
ပရေၚ်ကပေါတ်ဍၚ်တိုန်မံၚ်တံ ညံၚ်ဂွံယအ်စှ်ေ ကၠောန်ကဵုရောၚ် သမ္မတ ဖာဒဳနာန် မာကိုအ်ကဵုလဝ် ဂတိတံဂှ် ဟိုတ်နူပရေၚ်ပြဿနာဏံတုဲ လျိုၚ်ဍိုက်ကၠုၚ်ရ။
ဖျေံဒဏ်သြန်ကု ဂကောံကာန်ပနဳ ရဲပၠုပ်နၚ်ကသိုန်တံ၊ ရဲခြိုၚ်စွံလဝ်တံ ပရေၚ်ပလံၚ်ဗစိုပ်တံပါမံၚ်တံဂှ် စနူဒက်ပတန်လဝ် ဂကောံ သၞာံ ၂၀၂၆ တုဲ ဗွဲကြဴဏံ ဒဏ်သြန်ဇၞော်အိုတ်ရောၚ် ကဝ်မယှေန် ဗွဝ်ဖျာပြိုၚ်ပကာန် ဖိလေတ်ပိုၚ် ဟီုရ။
ပ္ဍဲအကြာကၞောတ်သၞာံ နူ ၂၀၂၂ – တမ်သၞာံ ၂၀၂၃ ဂိတုဗွဲမဂၠိုၚ် ပ္ဍဲကဵုဆေၚ်စသုၚ် စၞစတံဂှ် စရၚ်ကသိုန်ဗကေတ်ကၠေံအာတုဲ ဒှ်အာ စၞစဒးစာန်ပၠုပ်နၚ်ဂၠံၚ်ဒမၠုတံရ။
နကဵုပရေၚ်ကာမံက်တိုန် ညးတာလျိုၚ် ကဵုအခေါၚ်ထပၠုပ်နၚ် ကသိုန်ဗကေတ်တုဲ ကေတ်အာအရေဝ် ရဲခြိုၚ်စွံလဝ်တံရောၚ် မာကိုအ် ဟီုရ။
ဟိုတ်နူပွ ရဲဒေပ်ခြိုၚ်စွံလဝ် စၞစဇွောံမတံကၠောန်လဝ်ဂှ် ကောန်ဍုၚ်ဖိလေတ်ပိုၚ်တံ အေၚ်ကၠောဝ် ဝါတ်ကျာတ်အာတုဲ ဒှ်အာကြပ်ချိုတ်မံၚ်ကီုရောၚ် သ္ဂးရ။
အပ္ဍဲကၞောတ်သၞာံ ၂၀၂၃ ဗွဲကြဴ ဟိုတ်နူ ကသိုန်အပ္ဍဲဍုၚ်တိတ်ကၠုၚ်ဂှ် ၚုဟ်မးကလေၚ်ညိၚ်စှ်ေတုဲ ပရေၚ်ပြဿနာဏံ ကၠေံအာရ။
ကၠောန်လဝ်ပရေၚ် ၚုဟ်ကသိုန်ဂွံဍၚ်တိုန်အာ နနဲဟွံဍာံဟွံပြဏံ ဂကောံအုပ်လဝ်ဂတာတဲတံ ပါဗက်မံၚ်လပါ်လက်ကရဴရောၚ် ကမ္မတဳ ပရေၚ်စၟဳစၟတ်ၚုဟ်ကပေါတ်တံ ဟီုရ။
အပ္ဍဲအရာပရေၚ်ဂၠိုက်ဂၠာဲဂှ် အကြာသၞာံ ၂၀၂၀-၂၀၂၂ နူကဵု ၆ ကာန်ပနဳဏံ ပံၚ်ကောံထိၚ်ချုက်စွံလဝ် ကသိုန်ဗကေတ် ဂွံလဝ်အခေါၚ်လိုၚ်သေၚ်ပၠုပ်တုဲတုဲ ၜိုတ် ၅၀% ဂှ် ဆဵုညာတ်လဝ်ရ။
ထိၚ်ချုက်ဗွဝ်ဖျာတုဲ ရဲကၠောန်လဝ် ပရေၚ်ၚုဟ်ကပေါတ်ဂွံဍၚ်တံဂှ် နူကဵုဌာနပရေၚ်သၞောဝ်ဓဝ်လေဝ် နကဵုဥပဒေ သွက်ဂွံကေတ်အာအရေဝ်နွံရောၚ် ဂွံတီရ။
Ref:BBC