အပ္ဍဲကျာ်ထဝ် အဃောသိုၚ်မံၚ် ဂိက်ပရေၚ်ဂီုကၠီု ဒးဒုၚ်စံၚ်ပလီု

ကျာ်ထဝ်၊ အံက်တဝ်ပါ ၁၉

အပ္ဍဲတွဵုရးမန် ပွိုၚ်ဍုၚ်ကျာ်ထဝ် အဃောသိုၚ်မံၚ် ဂိက်ပရေၚ်ဂီုကၠီု ဗၠာဲသၟိၚ် ပ္ဍဲကဵုကွာန်မယာန်ဂျံၚ် ဂၠံၚ်ပါ်ကၠအ်ဗဳဂှ် ရဲပၠန်ဂတးမွဲဂကောံ စံၚ်ပလီုထောံလဝ်ရောၚ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။

အဃောသိုၚ်မံၚ် ဂိက်ပရေၚ်ဂီုကၠီုဗၠာဲသၟိၚ် ပ္ဍဲအံက်တဝ်ပါ ၁၆ အခိၚ်ဗတမ်ၜိုတ် ၇ နာဍဳ ရဲပၠန်ဂတးမွဲဂကောံ လုပ်ကၠုၚ်စံၚ် ပလီုထောံလဝ် မဒှ်ရ။

ဟိုတ်နူဒးဒုၚ်စံၚ်ပလီုတုဲ စမြိုၚ်ဒၞာဲ ၅ မ သိုၚ်ခၞံမံၚ် နကဵုသီုကၟဳသီုစဵုဒၞာ တၞံတာဒဵု ၁၀ ပေပန်ကၠၚ် ပၟတ်တဴလီုအာလဝ် သ္ဂးရ။

အခိၚ်စံၚ်ပလီုမံၚ် ဂိက်ပရေၚ်ဂီုကၠီုဗၠာဲသၟိၚ်ဂှ်တှ်ေ ဂၠံၚ်ကွဳစက် လ္ဂုၚ်-မတ်မလီု ဒှ်အာပရေၚ်ကၟာတ်ဆိုအ် အကြာကဝက်နာဍဳပြၚ်တုဲမှ ကွဳစက်တံ ဂွံကလေၚ်အာ အတိုၚ်လၟေၚ်ဓမ္မတာမာန်ပၠန်ရဂှ် ဂွံတီရ။

သွက်ကပေါတ်နာနာဂမၠိုၚ် ဂွံအာဗွဲမလောဲသွာမာန် စၞောန်လဝ် ညံၚ်ဂွံကၟာတ်ထောံ ဂိက်သၞေဟ်ကၚ်ဟွံဒးသုၚ်စောဲတံကီုလေဝ် ပ္ဍဲအဆံၚ်သၟဝ်တံဏံဂှ် ဂိက်တြေံလေဝ်ဟွံကၟာတ်တုဲ သီုကဵု ထပ်သၠဲပတိတ်ပံက်မံၚ် ဂိက်တၟိတၟိတံနွံရ။

စနူ တုဲကၠုၚ်ဂိတုအဝ်ဂတ်တေံ မွဲဒမြိပ်ဂၠံၚ်ကွဳစက် လ္ဂုၚ်-မတ်မလီု အကြာပွိုၚ်ဍုၚ်ကျာ်ထဝ်ဂှ် ထပ်သိုၚ်ခၞံလဝ် ဂိက်သၞေဟ်ကၚ်တၟိတၟိ ၅ မ နွံတုဲ ပံၚ်အာကဵုဂိက်မူလတြေံတြေံတံမ္ဂး ဒှ်အာ ဂိက်သၞေဟ်ကၚ် ၁၀ ဒၞာဲပြၚ်နွံမံၚ် ဂွံတီရ။

ပရိုၚ်-သြၚ်လောန်တိုၚ်မ်

Photo – Social Media