ဝါယှေန်တာန်၊ အံက်တဝ်ပါ ၁၉
စွံလဝ်ပွန်ကဵု ပရေၚ်ပိုန်ဒြပ်ရတ်ယှာတုဲ အစဳဇန်စၠတ်ထဝ် သ္ပလဝ်ဒတန် ဖျေံပရေၚ်တပ်ဒဏ်ကၟာတ်ဆိုအ်တၟိတံ ထရ ဒေါအ်လဝ်တုဲ ဗဒေါအ်လဝ် တင်သ္ပဒတန်ဥပဒေ စၠတ်ထဝ်သီု ၂ တံဂှ် ဒှ်သွက်အရၚ်ပရေၚ်ဂုဏ်ဖဵု ရးနိဂီုဍုၚ်ရောၚ် ဟီုရ။
ပ္ဍဲကဵုလိက်အမိၚ်တၟေၚ် ပတိတ်လဝ် အံက်တဝ်ပါ ၁၆ မ္ဂး ဖျေံပရေၚ်တပ်ဒဏ်ကၟာတ်ဆိုအ်တၟိ ပရေၚ်အကံက်အခေါန် ပတေၚ်ထရတ်လဝ် လ္တူရတ်ယှာတံဂှ် နူကဵုသမ္မတ အမေရိကာန် ကဵုလဝ်အခေါၚ်သက်သာအာ ဗွဲမဂၠိုၚ်ရ။
လ္တူပရေၚ်ကိစ္စဏံ သမ္မတယူခရုၚ် ပိုလိုဒဳမာ ဇဳလန်သကဳ ပါ်ပါဲဂတအကြာမၞိဟ်ဂမၠိုၚ်တံတုဲ သွက်ယူခရုၚ် နွံမံၚ်ပၟိက်ကဵု က္ဍိုပ်သ္ကိုပ်တၟိမွဲယျ တင်လဟီုလဂးဏံလေဝ် ပါလုပ်ရ။
စၠတ်ထဝ်သီုကဵုၜါအဆံၚ်တံ တုပ်လဝ်စိုတ်အစဳဇန်ဏံ သ္ပဒတန်တုဲ ထရ ထပက်လဝ်စၟတ်တဲ စပ်ကဵုဥပဒေဏံ မဒှ်ရ။
ရိုဟ်ကၞက်ပရေၚ်ဘဏ္ဍာ နွံပၟိက်တံ ဟဳဇွောဝ်စှ်ေအာ သွက်ရတ်ယှာ ဂွံဗတိုက် ယူခရုၚ်မာန်ဂှ် ဥပဒေဏံ တက်ပလီုလဝ် မဒှ်ရ။
ဥပဒေဏံ စွံလဝ်ပွန်ကဵု ဗာန်ကဵုမံၚ်အရီုဗၚ် သွက်ကၠေၚ်ဍေၚ်ရတ်ယှာတံ ဂွံဟဳဇွောဝ်အာမာန်ကီု ဂကောံၜၚ်ကမၠေအ်လဝ်ယၟုတံ မဒှ်ရ။
တုဲပၠန် အကြာပွိုၚ်ၜါတ္ၚဲ ဒးထမံက်အာရုပ်ရဴ ဥပဒေဏံရောၚ် ဖျေံလဝ်သ္ဂုတ်သွာတ်ရ။
သွက်ရတ်ယှာ ကာန်ပနဳ ပလံၚ်မံၚ်သၟုဟ်ဓါတ်သဘာဝ ၅ ဂကောံတံဂှ် ညံၚ်ဂွံကံက်အခေါန် ၁၀၀% ပေၚ်ၚ် ဥပဒေဏံ ကဵုလဝ်စၞောန်ပ္ညုၚ်ရ။
တၚ်တၞဟ်ခြာဗွဲတၟေၚ်မ္ဂး သွက်ဍုၚ်ရာန်ကေတ်မံၚ် သၟုဟ်ဓါတ်သဘာဝ နူကဵုရတ်ယှာ ၁၅% တံ ဟွံပါအပ္ဍဲ ဥပဒေဏံပုဟ်။
သွက်င္ၚုဟ်မးကၠေၚ်ဍေၚ်ဂၠးကဝ် ညံၚ်ဂွံယအ်စှ်ေအာ အမေရိကာန် သွက်ဂွံရာန်ကၠေၚ်ဒဳဇြေလ်ရတ်ယှာတံဂှ် တုပ်လဝ်စိုတ်ရောၚ် ထရ ဟီုလဝ်တုဲ အကြာပွိုၚ်မွဲသတ္တဟ တၚ်လလောၚ်ဏံ မံက်တိတ်ကၠုၚ် မဒှ်ရ။
နူကဵုရတ်ယှာ ဗွဲမပြဟ် ထံက်ပၚ်ကဵုအာ ကၠေၚ်ဒဳဇြေလ်လျိုၚ်တာန် ၃ ကိုတ်ပြၚ်ရောၚ် အပ္ဍဲသတ္တဟတုဲဏံ ထရ ဟီုဂးလဝ်ရ။
ပ္ဍဲဂိတုနဝ်ဝမ်ပါ ရတ်ယှာ ရတ်ယှာ ပလံၚ်အာ လျိုၚ် ၅ ကိုတ်တာန်တုဲ ဗွဲကြဴမ္ဂး ထပ်ထံက်ပၚ်ပလံၚ်အာ လျိုၚ်တာန် ၁ ပြကောတိကိုတ်ရောၚ် ထရ ဟီုလဝ်ရ။
ဗွဲကြဴမ္ဂး အခိၚ်ဗွဲဇမၠိမွဲ ရတ်ယှာ ပလံၚ်ကဵု လျိုၚ် ၃ ပြကောတိကိုတ်တာန်ရောၚ် ထရ ဟီုလဝ်ရ။
ဟိုတ်နူပရေၚ်တုပ်စိုတ် သွံကၠေၚ်ဒဳဇြေလ်ဏံဂှ် သြန်ရတ်ယှာတံ ကလေၚ်လုပ်ပၠန်ရောၚ် အဟိန်ဇဳလန်သကဳ ဆဵုဂဗ က္ဍိုပ်သ္ကိုပ်ဂကောံယူရောပ် ပ္ဍဲကဵုဍုၚ်ဗရာတ်သေလ်ဂှ် ဟီုလဝ်ရ။
Ref:TheGuardian