မတ်မလီု၊ မေ (၂၈)
နကဵုသၞာဲဒဴ Non CDM မတိုန်ဒၟံၚ်ရုၚ်တံ စနူဂိတုဂျောန် (၁) ကၠုၚ်စိုပ်ဏံတုဲ နကဵုကယျိုၚ်ဗွိုက်လတက်တုပ်ပ် ဍိုက်က်ပေၚ်ၚ် သွက်ဂွံကလေၚ်တိုန်ရုၚ်ဂှ် ကံၚ်ဇြဳပၞာန်သီအဝဵု စၞောန်ပ္ညုၚ်ကၠုၚ်ရ။
ကံၚ်ဇြဳပၞာန်ဂှ် သၞာဲဒဴဇၟာပ်ပ်ဌာန သၟဝ်တဲတံ သွက်ဂွံကလေၚ်တိုန်ရုၚ် နကဵုကယျိုၚ် uniform ဍိုက်က်ပေၚ်ၚ်ဂှ် ပ္ဍဲဂိတုမေ သတ္တာဟဒုတိယဂှ် နူကဵု ဌာနက္ဍိုက်ပ်မဆေၚ်စပ်တံ မွဲကဆံၚ် စၞောန်ပ္ညုၚ်ကၠုၚ်ရ။
ကံၚ်ဇြဳပၞာန် ဟိုတ်နူစၞောန်ပ္ညုၚ်ကၠုၚ် သွက်ဂွံကလေၚ်တိုန်ရုၚ် နကဵုကယျိုၚ် uniform ဍိုက်က်ပေၚ်ၚ်ဂှ်ရ ပရေၚ်ပါ်ပါဲတံ နွံဒၟံၚ်တုဲ ဗွဲမဂၠိုၚ် လ္တက် uniform တုဲ ဒးကလေၚ်တိုန်ရုၚ် လ္တူကိစ္စဏံဂှ် ဟွံမိက်ဒုၚ်တဲအိုတ်ပုဟ်ဂှ် သၞာဲဒဴ Non CDM မွဲတၠ ဟီုရ။
တုဲပၠန် လ္တက်ကယျိုၚ် uniform တုဲ လ္တူမဒးကလေၚ်တိုန်ကဵုရုၚ်ဂှ် ကံၚ်ဇြဳပၞာန် ဟိုတ်နူ ကဵုပရေၚ်ဂီုကၠီု ဟွံမာန်တုဲ ပွမဂွိၚ်ဂွါဲ သွက်အန္တရာယ်လမျီုတံ နွံဒၟံၚ်ရောၚ်ဂှ် သ္ဂးရ။
အခိၚ်လၟုဟ်ဂှ် ကံၚ်ဇြဳပၞာန်ဝွံ နကဵုသၞာဲဒဴတံ ပ္ဍဲပွမစှ်ေလ္ၚတ်ဗလးတိ ကေုာံ ပ္ဍဲဂၠံၚ်တရဴ မၞိဟ်ဇၞာ်ဇၞော်တံဂှ်လေဝ် ဟွံဒေါအ်ဟွံဂွံ သွက်ဂွံလတက်ကဵု uniform အိုတ်ဂှ် စၞောန်ပ္ညုၚ်ကၠုၚ်ရ။
ဒပ်ပၞာန်သီအဝဵုဝွံ စနူဂိတုဖေဖဝ်ဝါရဳ သၞာံတုဲကၠုၚ်တေံ သီလဝ်အဝဵုတုဲဂှ် သၞာဲဒဴ နူဌာနမဆေၚ်စပ်တံအိုဿီု ညံၚ်ဂွိုအ်ဒး Social Punishment မကော်ဂး ဒုဟ်ဒဏ်ပရေၚ်မၞိဟ်ဂှ် လ္တက်ကယျိုၚ်ကယျဝ် မပြေပြံၚ်တံဂှ်တုဲ သွက်ဂွံတိုန်ကဵုရုၚ်ဂှ် စၞောန်ပ္ညုၚ်လဝ်ရ။
ပရိုၚ်−သြၚ်လောန်တိုၚ်(မ်)