ထဝါဲ၊ မေ (၂၉)
ပ္ဍဲဂတမုက်ဘာတန်သၠုၚ် လၟေၚ်(၃) အရာပ်(မြောက်ရွာ) ၊ ဍုၚ်ထဝါဲ၊ ရးတၞၚ်သဳဂှ် ဗွဲကြဴဗုမ်ဗ္တိုဟ်တုဲ ညးဒေသမွဲတၠ ဂွံဝပ်ဇီုကပိုက်လဝ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲဂိတုမေ (၂၈) လဒေါဝ်တ္ၚဲ ဂတမုက်ဘာတန်သၠုၚ် လၟေၚ်(၃) ဍုၚ်ထဝါဲဂှ် ဗုမ် (၂) မ ဗ္တိုဟ်လဝ် အဆက်က်ရ။
ဟိုတ်နူဗုမ်ဗ္တိုဟ်ဂှ်တုဲ ညးဒဳကွဳစက်သၠာပိ လ္တူဂၠံၚ်မွဲတၠ ပ္ဍဲခန္ဓဇကု ကေုာံ ဗုၚ်ဂၞဴဂှ် ဒးကဝေက်ဗုမ်တုဲ ဂွံလဝ်ဝပ်ရ။
အတိုၚ်ဂလာန်ညးဒေသတံဂှ်မ္ဂး ဗုမ်ဗ္တိုဟ်ဂှ်ဝွံ ရမျာၚ်ထတ်ကွေံကွေံတုဲ ဟိုတ်နူမၞိဟ်အာကၠုၚ် အောန်ဒၟံၚ်တုဲ ပွမဇီုကပိုက် အောန်အာရဂှ် ဟီုရ။
ကြဴနူဗုမ်ဗ္တိုဟ်တုဲ ဒပ်ကံၚ်ဇြဳပၞာန်တံဝွံ ပ္ဍဲအရာပ်လ္တူဍုၚ်ထဝါဲ ဗွဲမဂၠိုၚ် ကၠောန်ၜိုတ်လဝ် ပွမဂၠိုက်ဂၠါဲစၟဳစၟတ် ဆိုအ်ဗတံရ။
ဒဒှ်မဗုမ်ဗ္တိုဟ် ဂတမုက်ဘာတန်သၠုၚ် လၟေၚ် (၃) ဂှ် ဂကောံလဵုကၠောန်လဝ်ရောဟီုဂှ် ဟွံတီကေတ်ဏီတုဲ လ္ပာ်ဒပ်စဵုဒၞါညးဍုၚ်ကွာန်ဒေသတံဂှ် အရာမွဲမွဲ လလောၚ်ပ္တိတ်လဝ် ဟွံမွဲဏီရ။
ပ္ဍဲဍုၚ်ထဝါဲဂှ် ကြဴနူဒပ်ပၞာန်သီအဝဵုတုဲ ပ္ဍဲရုၚ်စပ်ကဵုဌာနကံၚ်ဇြဳပၞာန်တံဂှ် ခြာဟွံလအ်ဟီုဂွံ ဗုမ်ကေၚ်ဗ္တိုဟ်ဒၟံၚ် နွံရ။
ပရိုၚ်−သြၚ်လောန်တိုၚ်(မ်)