သေန်ကာပေါဝ်၊ ဂျူလာၚ် (၁၃)
ကုမ္ပဏဳကၠေၚ်ဍေန် ဇြဝ်ဒဳဂှ် ပမာဏကၠေၚ်ဍေန်ဒမျိုၚ် မချုက်လဝ်လိက်ကသုက်တံဂှ် ပ္ဍဲဂိတုအဝ်ဂါတ်ဏံ ဒဒှ်ရကဵုအာ ကုရဲရာန် နူအာယှသၟဝ်ကျာ အောန်အိုတ် (၃) တၠဂှ်ရောၚ် ကဵုလဝ်ပရိုၚ်သာ်ဝွံဂှ် ပရိုၚ်တမ်ရိုဟ်မတီလဝ် စပ်ကဵုကိစ္စဏံ ဟီုဂးလဝ် ပ္ဍဲဂိတုဂျူလာၚ် (၁၂) ဂှ်ရ။
ပ္ဍဲယူရောပ် မၞိဟ်ပၠောပ်ကၠေၚ်ဍေန် ဇြဝ်ဒဳဟွံမွဲတုဲ အခိၚ်ဇြဟတ်ရာန် ကၠေၚ်ဍေန်ဇြဝ်ဒဳတိုန်ဒၟံၚ်ဂှ် မၞိဟ်ပလံၚ်ပ္တိုန်ကၠေၚ်ဍေန် ကဆံၚ်လ္တူစပ်ကဵုဂၠးတိ ဗွဲမဂၠိုၚ် ထပိုတ်ထောံလဝ် ပရေၚ်ပလံၚ်ပ္တိုန်ကၠေၚ်ဍေန် ကုမၞိဟ်ရာန်လ္ၚဵုတံ ဗွဲတၟေၚ် ကြုက် ဗွဲမဂၠိုၚ်ဂှ်တုဲ ကၠေၚ်ဍေန်ရုယှာ သာတုဲ ၚုဟ်မတန်တံဝွံ ပ္ဍဲဂိတုဂျူလာၚ်ဏံ ပ္တဝ်အာက္ဍိုပ် လ္ပာ်ညးပၠောပ်ကၠေၚ်ဍေန်က္ဆံၚ်လ္တူ ဂၠးတိတံရ။
“ဇြဟတ်ရာန်ကၠေၚ်စက် ၜိုန်ရဇြဟတ်ခိုဟ်ဒၟံၚ်ကီုလေဝ် ဗွဝ်ဖျာဂိတုဏံဂှ် ရံၚ်ကေတ်တေၚ်ဂြတ်ဒၟံၚ်ညိဏောၚ်” သာ်ဝွံ သၟာဗၞိက်ဖျေံသ္ဇိုၚ် သေန်ကာပေါဝ် မွဲတၠ ဟီုရ။
ဂကောံကၟိန်ဍုၚ်ပလံၚ်ပ္တိုန်ကၠေၚ်ဍေန်ဂမၠိုၚ် ကေုာံ ဂကောံမဟာမိတ်ညးတံ မကော်ဂး OPEC+ ဂှ်ဝွံ မွဲဂိတုမ္ဂး သွက်ဂွံသၠုၚ်ပ္တိုန် အပံၚ်စေဝ် (၆၄၈,၀၀၀) (bpd) ဂှ်ကီု ကေုာံ လ္တူနူအစဳဇန်ကၠာတေံဂှ် ပ္ဍဲဂိတုဂျူလာၚ် ကဵု ဂိတုအဝ်ဂါတ်ဏံ မွဲဂိတုမ္ဂး သွက်ဂွံသၠုၚ်ပ္တိုန် အပံၚ်စေဝ် (၄၃၂,၀၀၀) ဂှ် သ္ဂုတ်သွာတ်လဝ်ရ။
ကြုက်ကဵုအိန္ဒိယ ဒှ်ညးမပၠောပ်ကၠေၚ်ဍေန်အဓိက ပ္ဍဲအာယှဂှ်ဝွံ အထံက်အပၚ် နူကဵု ဇြဝ်ဒဳအာရေဗဳယျာ မပါလုပ် သီုကဵုကၟိန်ဍုၚ်သ္ကုတ်ဗၟံက်လဒေါဝ်တံဂှ် ကလေၚ်ထပိုတ်ထောံတုဲ ကၠေၚ်ဍေန်ဒမျိုၚ် နူရုယှာတံဂှ် နကဵုၚုဟ်မး မဖျေံလဝ် သာတုဲတန်တံဂှ် ဗ္ကန်ကေတ်ဒၟံၚ်အိုတ်ရ။
ဇြဝ်ဒဳအာရေဗဳယျာဝွံ ဂိတုအဝ်ဂါတ်ဏံ ၚုဟ်ဍေံတံ မသွံဒၟံၚ် မလုပ်သၞောဝ်တံဂှ် ကုမၞိဟ်ရာန် နူအာယှတံဂှ် ပ္တိုန်လဝ် နကဵုကဆံၚ်သၠုၚ်ၚ် ကြပ်ၜက်အာသၞောတ်ဗ္ၜတ်ရ။
Ref: CNA