မဂေါ၊ ဒဳဇြေမ်ဗာ (၂၆)
ပ္ဍဲဂိတုဒဳဇြေမ်ဗာ (၂၅) ပယျာံဂယးၜိုတ် (၃) နာဍဳဂှ် ဒပ်ကံၚ်ဇြဳပၞာန်တံ ကၠုၚ်စိုပ်ရပ်ဒက်ဏာလဝ် သ္ကိုပ်အေဝ်ဒဳတာ ဌာန်ပရိုၚ်ကာမ္ဗောဇတိုၚ်(မ်) ဥူကျဝ်ဇြေယျ ပ္ဍဲကဵုသ္ၚိမွဲမ မၞုံ(ကြို့ပင်ကောက်)ဂှ်ရောၚ် ညးမစုက်လုက်ကဵု သ္ၚိကၟိန်ညးမွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ဒပ်ကံၚ်ဇြဳပၞာန် ပ္တိတ်လဝ်ဝရာန်ရပ် ဥူကျဝ်ဇြေယျ နကဵုၝောံပိုဒ် ၅၀၅ ဂှ်ရ နူသၞာံ ၂၀၂၁ ဂိတုမာတ်တေံရ ညံၚ်ဂွိုအ်ဒးဒုၚ်ရပ်ဂှ် ဒးပါဲဒလေတ်မံၚ်တန်တဴလဝ်ရ။
ညးမစုက်လုက်ကဵု ကောန်သ္ၚိကၟိန်မွဲတၠဂှ် ဒးဒုၚ်ရပ်ဖျေံထံၚ်ဂှ် ဟွံဒှ်ဓဝိၚ်ကီုလေဝ် ဖေက်ဒးဒုၚ်ကလေံထောံ ပ္ဍဲကဵုဒၞါဲစၟဳစၟတ်ဂှ် ဂွိၚ်ဒၟံၚ်ရောၚ် ဟီုရ။
သီုကဵုပါလုပ် ညးတက်တြးပ္တိတ် ဌာန်ပရိုၚ်ကမ္ဗောဇတိုၚ်(မ်) ကေုာံ ဂကောံအေဝ်ဒဳတာတံဂှ် ကံၚ်ဇြဳပၞာန် ရပ်လဝ် နကဵုၝောံပိုဒ် ၅၀၅ တုဲ ပ္ဍဲဂိတုနဝ်ဝေမ်ဗာ သၞာံ ၂၀၂၂ ဂှ် တ္ၚဲဗၠးပေၚ်တုဲ မၞိဟ်ဒးဒုၚ်ရပ်လဝ် သီု (၄) တၠ ကလေၚ်ဗၠးကၠုၚ်လဝ်ရ။
ပ္ဍဲဍုၚ်ဗၟာ ကြဴနူဒပ်ပၞာန်သီအဝဵုတုဲဂှ် သၟာပရိုၚ်ဗ္ဒါဲ (၁၅၀) ဒးဒုၚ်ရပ်လဝ်တုဲ ပ္ဍဲကဵုဂှ် (၉၀) ပြၚ် ကလေၚ်ဗၠးကၠုၚ်လဝ်တုဲ (၅၀) ပြၚ် ဒးဒုၚ်ဖျေံလဝ်ဒဏ်ထံၚ်ရ။
သ္အာၚ်နူဂှ်ပၠန် ကံၚ်ဇြဳပၞာန်တံ ဂစိုတ်လဝ် အ္စာပရိုၚ်ဗီုဓာတ်မွဲတၠ ကိုဝ်သဵုနာၚ် ပ္ဍဲကဵုဒၞါဲစၟဳစၟတ်ဂှ်လေဝ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)