ကျာ်ပိ-ဂျာန္နဝါရဳ(၂၅)
တွဵုရးကရေၚ်၊ ပွိုၚ်ဍုၚ်လှာဒကှ် ပ္ဍဲဍုၚ်ကျာ်ပိဂှ် တ္ၚဲဏံ ပ္ဍဲအခိၚ်ဗ္တံဂှ် ရုၚ်အုပ်ဓုပ်ကေုာံ ရုၚ်လဝကတအ် တူဒၟံၚ်ပၟတ်တုဲ ပေါဲဗတိုက်ဇီုကပိုက်တအ် က္တဵုဒှ်ဒၟံၚ်ရဂှ် ဂွံတီကေတ်နူညးဒေသတအ်ရ။
ပ္ဍဲမုက်လိက်ဇာနှိက် ညးဒေသမွဲတၠဂှ်မ္ဂး “ပရိုၚ်ခိုဟ်ဍုၚ်ကျာ်ပိ ကၠုၚ်ယျ ရုၚ်လဝကကံၚ်ဇြဳပၞာန် ဒှ်ပတေၚ်၊ ဇိုန်ပိုန်ရ မအလ သ္ပပၠန်ဏး ပေါဲရုဲမာဲ” ဂးတုဲ ပတိုန်လဝ်ဗီု ပၟတ်တူဒၟံၚ်ကဵုလိက်ဇမၠေံဂှ် ဂွံဆဵုကေတ်ရ။
ပ္ဍဲအခိၚ်လၟုဟ်ဏံဂှ် ရုၚ်ထံၚ်ပရိုၚ်ပၞာန် (စရဖ)၊ ရုပ်အုပ်ဓုပ်နာနာ၊ ရုၚ်လဝကတအ် တူဒၟံၚ်ပၟတ်ဖိုဟ်ရဂှ် ၜိုန်ရဓမံက်ထ္ၜးလဝ် နွံဒၟံၚ်ကီုလေဝ် သ္ပဒ္တန်တၞဟ်ခြာ ဟွံမာန်ဏီရ။
စပ်ကဵုအကာဲအရာ ပေါဲဗတိုက်ဍုၚ်ကျာ်ပိတုဲ နကဵုဌာန်ပရိုၚ်သြၚ်လောန်တိုၚ်(မ်) သွက်ဂွံဆက်စၠောံသ္ပဒ္တန် အကာဲအရာဗလးမုက်တိမာန်ဂှ် ပ္တိတ်ဒၟံၚ်ဇြဟတ်တုဲ ညံၚ်ဂွံဆက်ပတိုန်ထ္ၜးကဵု မွဲဒမြိပ်အခိၚ်မာန်ဂှ်လေဝ် ပ္တိတ်ဒၟံၚ်ဇြဟတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – CJ(ကမ်မွဲမ ဇွကၠဵုပၞာန်မွဲ)