တၚ်ဆက်စၠောံသၟာန်သွဟ်လဝ်ကဵု သလိုၚ်ထေတ်နဳ ညးမၞုံအခေါၚ်ဟီုဂး ဒပ်ကောန်ဂကူချေၚ် (CNF)။
ဒပ်ကံၚ်ဇြဳပၞာန်ဂှ် ပ္ဍဲဂိတုဂျာန္နဝါရဳ တုဲကၠုၚ်စၟတ်တ္ၚဲ (၁၀) ကေုာံ စၟတ်တ္ၚဲ (၁၁) တအ်ဂှ် ဟိုတ်နူဗတိုက်ကၠုၚ် ဌာန်ဂအုပ်ဒပ်ပၞာန်ကောန်ဂကူချေၚ် (CNF) နကဵုက္ၜၚ်ကျာတုဲ ကောန်ဒပ် CNF တအ် ဒးချိုတ်အာလဝ်နွံဒၟံၚ်ကီု စမြိုၚ်လ္ၚဵု ကေုာံဗ္ဒမ်ဂဥုဲပံက်ကဵုလဝ် သွက်ညးဍုၚ်ကွာန်တအ်လ္ၚဵုဂှ်လေဝ် ဇီုကပိုက်လီုလာ်ကၠုၚ်လဝ်ရ။ ဟိုတ်ဂှ်ရ မုဟိုတ် ဒပ်ကံၚ်ဇြဳပၞာန် ဂွံဂြာတ်ထောံဖျေံဗုမ် ပ္ဍဲဌာန်ဂအုပ် CNF ရော။ ပ္ဍဲလတူဏံ သာ်လဵုကလေၚ်ပလန်လဝ်တဲရော။ ပ္ဍဲပၠန်ဂတးက္ညၚ်ဂှ် ၜိုတ်ကဆံၚ်လဵု ထိၚ်ဒဝ်ကၠုၚ် တွဵုရးဍုၚ်ချေၚ်မာန်ကၠုၚ်ရော။ စပ်ကဵုအကာဲအရာဏံတုဲ သၟာန်သွဟ်လဝ်ကဵု ညးမၞုံအခေါၚ်ဟီုဂး ဒပ်ပၞာန်ကောန်ဂကူချေၚ် (CNF) သလိုၚ်ထေတ်နဳရ။
-အလန်ကိုပ်ကၠာအိုတ်ဏံ စပ်ကဵုပရေၚ်ကံၚ်ဇြဳပၞာန် ပန်ပှော်ကၠုၚ် ကဵုက္ၜၚ်ကျာတုဲ ဗီုလဵုမိက်ဂွံကလေၚ်ပလန်တဲရော။
ပရေၚ်ပန်ပှော်ဂြာတ်ထောံဖျေံဒၟံၚ်ဗုမ် ပ္ဍဲတိဍာ်ကောန်ဍုၚ်အရၚ်ပိုဲဂှ် ဒှ်ဒၟံၚ်သီုအလုမ်မွဲဍုၚ်ရ။ ၜိုန်ရပရေၚ်ဂြာတ်ထောံဖျေံဗုမ် ဟွံသေၚ်ကီုလေဝ် ကၠဵုတၠအဝဵုပၞာန်တအ်ဂှ် ပ္ဍဲကဵုဒေသကောန်ဍုၚ်အရၚ်တအ်ဂှ် နကဵုက္ၜၚ်ကျာဟွံသေၚ်မွဲသာ် ကၠောန်သ္ပဒၟံၚ် ပရေၚ်ပလီုပလာ်သ္ၚိဌာန် ပ္ဍဲကဆံၚ်သၟဝ်တေံဂှ် လၟိုန်ရ။ ဆဂးဂှ် နကဵုဂကောံကောန် ဂကူကောန်ဍုၚ်အရၚ်ရပ်လွဟ်တအ်ဂှ် နကဵုမူပိုဲဂှ်တှ်ေ ဃောဗတိုက်ဂှ် သိုၚ်၊ ဃောသိုၚ်ဂှ်ဗတိုက်ရ။
ကၠုၚ်လဝ်ဗီုပြၚ်ဏံ မွဲဒမြိပ်ရ။ တအ်ဏံဂှ် ဍေံတအ်ကၠောန်ဒၟံၚ်တွဵုရ။ ၜိုတ်သ္ပမာန်ဂှ်တှ်ေ စမြိုၚ်အခိၚ်ပရေၚ်ပၠန်ဂတးတအ်ဏံဂှ်တှ်ေ ပိုဲတအ်ဂှ် စမြိုၚ်ဇၞော်ဇၞော်ဇြိုၚ်ၚ် ကွေံကွေံကြာန်န်ဟွံသေၚ်တုဲ ဒှ်ဗီုပြၚ်ကၠောန်လောဲ၊ ပလေဝ်လောဲ၊ ပြံၚ်လောဲတအ်ရ။ မိက်ဂွံဟီုဂှ်တှ်ေ အရာတအ်ဏံ ကၠောန်ကၠုၚ်ဒၟံၚ် မွဲဒမြိပ်ဗီုဏံဂှ် ဃောဗတိုက်ဂှ်ပိုဲသိုၚ် ဃောသိုၚ်ဂှ် ဗတိုက်ကၠုၚ်တုဲ၊ ဃောသိုၚ်မံၚ်ဂှ် ပ္ဍဲပေါဲဗတိုက် အသိၚ်ယအ်ဍိုန်စှ်ေကၠုၚ် နွံရ။ ကၠောန်ကၠုၚ်ဒၟံၚ်ဗီုဏံဂှ် လၟိဟ်သၞာံဟွံအောန်ရပုဟ်။
-မုဟိုတ်ကံၚ်ဇြဳပၞာန် ဂွံဂြာတ်ထောံဖျေံဗုမ် ပ္ဍဲဌာန်ဂအုပ်ကောန်ဂကူချေၚ် CNF ကဵုက္ၜၚ်ကျာဂှ် ညာတ်ကေတ်ရော။
အရာဏံဂှ်တှ်ေ နူကဵုသီအဝဵု နူသၞာံတုဲကၠုၚ်တေံတုဲ ကြဴနူပရေၚ်ပၠန်ဂတးက္ညၚ် မံက်တိုန်ကၠုၚ်တုဲ ဒးဟီုရ။ ဟီုတှ်ေ ဂကောံရပ်လွဟ်ကောန်ဍုၚ်အရၚ် ပါလုပ်ကရောံညးဍုၚ်ကွာန်တအ်ဂှ် စွံလဝ်တၚ်ပ္တဝ်က္ဍိုပ် ပထမရ။ ပ္ဍဲသၞာံဏံ ကၠောန်ဗဒှ်ကေတ် ဟွံဗဗွဲဓဝ် အတိုၚ် PLAN ဍေံတုဲ သွက်ဂွံကၠောန်ပေါဲရုဲမာဲဂှ် ပရေၚ်အုပ်ဓုပ်တိဍာ်ဂှ် ဒှ်PLAN ဍေံရ။ ပ္ဍဲအလုံမွဲဍုၚ် ဒပ်ပရေၚ်စဵုဒၞာဒေသပိုဲ နွံဒၟံၚ်တုဲ တိဍာ်ဂှ် ဍေံဟွံၜိုဟ်သြိုဟ်၊ ပ္ဍဲဗလးမုက်တိ ဗတိုက်ဒၟံၚ်ဍေံတအ်ရ။ ပိုဲပံၚ်တောဲကဵု ညးတအ်တုဲ ဗတိုက်ဒၟံၚ်ရ။ ပ္ဍဲပရေၚ်အုပ်ဓုပ်တိဍာ်ဂှ် အတိုၚ်ဍေံတအ်ထေၚ်ခယျလဝ် ဟွံသေၚ်ရ။ အဓိကဂှ်တှ်ေ မိက်ဂွံကော်ဒေါံဇူပရေၚ်ပန်ပှော်တှ်ေ ကော်၊ မိက်ဂွံကော်သဳကၠဳပရေၚ်ၜိုဟ်လလံတှ်ေလေဝ် ကော် ဒၟာနူဟွံပါလုပ် ပ္ဍဲကဵုဂှ်ရ။ ဂကောံရပ်လွဟ်ကောန်ဍုၚ်အရၚ်ပိုဲဂှ် ဟီုမွဲနဲပၠန်တှ်ေ တံဒပ် ဒပ် PDF LOCAL၊ ပရေၚ်ပၠန်ဂတးက္ညၚ်ကဵု ဂကောံပံၚ်တောဲကဵု NUG တအ်ဂှ် စွံအဓိကတုဲ ကၠောန်ကၠုၚ်ဒၟံၚ်ရ။ ဟီုတှ်ေ ပ္ဍဲကဵုပရေၚ်ဒက်ပ္တန်ဇြဟတ် PDF ဒၞာဲဌာန်ဂအုပ် ကေတ်ဒၟံၚ်တန်ဗ္တောန်သ္ဇိုၚ်ပရေၚ်ပၞာန်ဂှ် ဂုဏ်နူကေတ် ပ္ဍဲကဵုဗလးမုက်တိဟွံဂွံတုဲ ကၠောန်ကၠုၚ်ပရေၚ်ပ္ကီုပရာပ် နူကဵုဗလးကျာ ဗီုလၟုဟ်ဏံရ။
မိက်ဂွံဟီုဂှ် ကၠောန်ဂှ်ကၠောန် ဟီုရ။ ဒပ်ပၞာန်ကဵုဒပ်ပၞာန်ရဒှ်။ ဆဂး ညံၚ်လမျီုသ္ၚိဌာန်ညးဍုၚ်ကွာန် မုလေဝ်ဟွံဆေၚ်ဆက်တအ် ဂွံဆောံလေၚ်အာဂှ်တှ်ေ အရာဏံဂှ် ဒှ်ပရေၚ်ပ္ကီုပရာပ်ရ။ အဲမိက်ဂွံဟီု ဗီုဏံရ။
-နကဵုဒပ်ကောန်ဂကူချေၚ်ဂှ် မုဟိုတ်ဂွံပါလုပ်ကၠုၚ် ပ္ဍဲပရေၚ်ပၠန်ဂတးက္ညၚ် ဗီုပြၚ်လဵုရော။ စပ်ကဵုအကာအရာဏံတုဲ သောၚ်ထ္ၜးကဵုညိ။
ပိုဲတအ်ဂှ် ပရေၚ်ပၠန်ဂတးက္ညၚ်ဏံ ဒှ်ကၠုၚ်တုဲမှ ပ္ဍဲကဵုဂကောံရပ်လွဟ်ကောန်ဍုၚ်အရၚ်ဏံ ဂကောံရပ်လွဟ်ကောန်ဍုၚ်အရၚ်ကောဒေံဗၟာပိုဲ ပါလုပ်ဒၟံၚ် ကောန်ဂကူကောန်ဍုၚ်အရၚ်ပိုဲ ပါလုပ်ဒၟံၚ်ဟီုဂှ် ပ္ဍဲပရေၚ်ပၠန်ဂက္ညၚ်ဂှ် ဒှ်ပေါဲထ္ၜးဆန္ဒတအ်ရ။ ညးတအ်ကညာၚ်ကရေဲ နကဵုနဲကဲၜတ်တ်ရ။ ၜုၚ်တက်စေဝ်ပသဲ၊ လကြဴအိုတ် စဵုကဵုဒးရပ်လွဟ် ဒှ်ကၠုၚ်ရ။ ဆဂးဂှ် တၚ်ရန်တၟံတိုၚ်ပ္ကဴညးတအ် တၚ်ပတဝ်က္ဍိုပ်ညးတအ်ဂှ် ဒှ်ပရေၚ်ဗတိုက်သရိုဟ်ကုတ်ဗပိုတ် တၠအဝဵုပၞာန်၊ ပရေၚ်ဒက်ပ္တန် ကၟိန်ဍုၚ်ပံၚ်ကောံ ဖေတ်ဒရေဝ်ဒဳမဝ်ကရေဇြဳ ဂွံဒှ်ကၠုၚ်ဂှ် ပိုဲတအ် ထ္ပက်ကၠုၚ်လဝ်စၟတ်တဲ တၚ်တုပ်စိုတ်ကဵု NUG ဏံရ။ ဍာံဍာံတေံဂှ် သီအဝဵုတုဲ မွဲတ္ၚဲဂှ်ဗက် ပတိတ်ကၠုၚ်လဝ် တၚ်လလောၚ်တြးတုဲ ပရေၚ်ပတှ်ေစှ်ေစိုတ်ဟၟဲရပုဟ်ဂှ် ဟီုဂးလဝ်ပိုတ်တ်သ္ကုတ်တ်ရ။
ပ္ဍဲကာလတ္ၚဲဏံဂှ် ပေါဲသဳကၠဳပရေၚ်ဍုၚ်ကွာန်တအ်၊ ပရေၚ်ဒေါံပန်ပှ်ော တအ်ဂှ် သောၚ်ကလးကဵု ပြသၞာပရေၚ်ကၟိန်ဍုၚ်ဗၟာမာန်ဟွံသေၚ်ရပုဟ်။ ဒၟာနူဒှ်ပရေၚ်ပၠန်ဂတး အလုံမွဲဍုၚ်၊ အလုံညးဍုၚ်ကွာန်သီုဖအိုတ်ပါလုပ်ဒၟံၚ်ဂှ်ရ ဂကောံရပ်လွဟ်ကောန်ဍုၚ်အရၚ်ပိုဲကဵု ကံၚ်ဇြဳပၞာန်သဳကၠဳတုဲ ဂၠာဲသွဟ်ပရေၚ်ဍုၚ်ကွာန် ဂွံဟွံသေၚ်ရ။ ပိုဲဟွံပတှ်ေ NCA ရပုဟ်။ ဂုဏ်နူဒှ်ပရေၚ်ကြေပ်ဂြတ် ပရေၚ်ဍုၚ်ကွာန် ပြသၞာဒးပသောၚ်သီုဖအိုတ် ပါလုပ်ဒၟံၚ်ဂှ်ရ ပ္ဍဲပရေၚ်ဍုၚ်ကွာန် ကံၚ်ဇြဳပၞာန်ကော်ကော်ဒၟံၚ်ဂှ် ညံၚ်ဂွံဒတူလာၚ်အာဍာ်ဇမၠိၚ်မာန် ညံၚ်ဂွံပျးမုတ်မတ် ပ္ဍဲအကြာကၟိန်ဍုၚ်နာနာတုဲ ညံၚ်ဂွံဂွံပရေၚ်ထံက်ဂလာန် နူကၟိန်ဍုၚ်နာနာတုဲ ကၠောန်ဗ္ဂေတ်ဒၟံၚ်မွဲလ္ပာ်ဂှ်ရ အရာဏံဂှ် ကၠောန်သ္ပဒၟံၚ် သွက်ဒတုဲဖိုလ် ဒပ်ပၞာန်ဍေံရ။ ဒၟာနူဒှ်ပရေၚ်သဳကၠဳ ပရေၚ်ဒေါံပန်ပှော် စေတနာဟွံပါမွဲသာ်ဂှ်ရ ဓဝ်ပတှ်ေပိုဲလတူဏံဟွံမွဲတုဲ ဟွံဒုၚ်ကၠုၚ်လဝ်တဲရ။
-ပ္ဍဲပရေၚ်ပၠန်ဂတးက္ညၚ်ဂှ် နကဵုဂကောံဇြဟတ်ပၠန်ဂတးတအ် ၜိုန်ကဆံၚ်လဵု ထိၚ်ဒဝ်ကၠုၚ်တိဍာ် ပ္ဍဲတွဵုရးချေၚ်မာန်ကၠုၚ်ရော။
ဒဵုကဵုတ္ၚဲဏံတှ်ေ ပ္ဍဲကဵုတွဵုရးဍုၚ်ချေၚ်ပိုဲဂှ် ပြဟ်ဟ်ဏံ နွံဒၟံၚ် (၉)ပွိုၚ်ဍုၚ်ရ။ မိက်ဂွံဟီုဂှ်တှ်ေ ပ္ဍဲကဵုတွဵုရးဍုၚ်ချေၚ်ဂှ် ဒပ်ပရေၚ်စဵုဒၞာတအ်နွံမံၚ်။ ညးတအ်ကဵုပိုဲဂှ် ကဝ်မတဳ (CJDC) Chinland Joint Defense Committee ဂးတုဲ ပံၚ်တောဲကဵု ညးတအ်တုဲ က္ဍိုက်က္ဍိုပ်တုဲ ကၠောန်ရေၚ်တၠုၚ်ကၠုၚ်ရ။ ပ္ဍဲကဵုတွဵုရးဍုၚ်ချေၚ်နွံမံၚ် (၉)ပွိုၚ်ဍုၚ်ဂှ် ကံၚ်ဇြဳပၞာန် ကေတ်လဝ်အဓိကဂှ်တှ်ေ ပ္ဍဲကဵု (၉)ပွိုၚ်ဍုၚ်ဂှ် ၜိုတ်လတူဍုၚ်ရ အုပ်ဓုပ်မာန်မံၚ်ဏီ ဒးဟီုစရ။ ပ္ဍဲကဵုဂှ်တှ်ေ ပ္ဍဲလတူဍုၚ်ထာန်တလာန် ဒးဒုၚ်စံၚ်လဝ် နူသၞာံတုဲကၠုၚ်တေံဂှ်တှ်ေ မၞိဟ်မွဲတၠ ဟၟဲရပုဟ်။ ပ္ဍဲဒၞာဲဂှ်တှ်ေ ကံၚ်ဇြဳပၞာန်ကီု၊ ပိုဲတအ်ကီု ကေတ်လဝ်ဒၞာဲတုဲ ကၠောန်လဝ်ဗီုဏံရ။ ယဝ်ရဒးသရောပ်ဟီု အလုံတွဵုရးတှ်ေ ဒးဟီုကဵုတိဍာ်တှ်ေ ပ္ဍဲကဵု(၁၀၀)ဂှ် ပိုဲတအ်ကဵု ဒပ်ပရေၚ်စဵုဒၞာတအ် အုပ်ဓုပ်လဝ် (၇၀)မာန်ကၠုၚ်ရ။ တုဲပၠန် ယဝ်ဒးရံၚ်ကဵုလၟိဟ်မၞိဟ်တှ်ေ တၚ်တၟေၚ်တွဵုရးဍုၚ်ချေၚ်ဂှ်တှ်ေ လတူနူလတူဍုၚ်ဇၞော်ဂှ် ညးဍုၚ်ကွာန် ပ္ဍဲကွာန်ရးတအ် သာတုဲဂၠိုၚ်။ ညးဍုၚ်ကွာန် ပ္ဍဲဍုၚ်တအ်ဂှ်ဟွံတီုမံၚ်ပုဟ်။ နွံဒၟံၚ်ညိညဓဝ်ရ။ ဒှ်ဒၟံၚ်အကာဲအရာဏံရ။ ယဝ်ရဒးဟီုတှ်ေ ပ္ဍဲကဵု(၁၀၀) ဂှ် ၜိုတ်(၇၀) ဂှ်တှ်ေ ဒဵုကဵုစိုပ်တ္ၚဲဏံ ထိၚ်ဒဝ်လဝ်မာန်ရဂှ် ဟီုစဂွံရ။
-တုဲမွဲပၠန်ဂှ် သွက်ဂွံစဵုဒၞာသၞက္ၜၚ်ကျာကံၚ်ဇြဳပၞာန်ဂှ် မုပလေဝ်ပလေတ်လဝ်ကီုရော။ ကဵုလဝ်သမ္တီကဵု ကောန်ညးအရာပ်တအ် ဗီုလဵုနွံကီုရော။
စပ်ကဵုပၞာန်ကျာတုဲ ၜိုတ်ပိုဲသ္ပမာန်ဂှ် နူကၠာကၠာတေံရ သွက်ညးဍုၚ်ကွာန် ကောန်ဒေသဇကု ဂွံစဵုဒၞာသၞကျာ မပ္တံဗီုဏံ ပ္ဍဲဗလးမုက်တိ ဒေသဒၞာဲပရေၚ်ဂီုကၠီုပၞာန်၊ တုဲပၠန်ဇွောံမစၞစတအ် မုပါလုပ် ပ္ဍဲဒၞာဲဂှ်ရော။ တုဲပၠန် ဗီုလဵုဂွံကေတ်ပရိုၚ် ဗွဲမဂတာပ်အခိၚ်ရော၊ ညံၚ်ပိုဲဂွံကၠောန် ပရေၚ်ဆက်စၠောံနွံနွံမာန်ကီု၊ အဓိကဂှ်တှ်ေ ညံၚ်ညးတအ်ဂွံကၠောန် ပရေၚ်ပံၚ်တောဲကဵုပိုဲ အဓိကဂှ် ညးဍုၚ်ကွာန်တအ်တှ်ေ က္ၜၚ်ကျာဂှ် ကၠုၚ်နူလပါ်လဵု။ အာလပါ်လဵုဟွံတီပုဟ်။ ဂုဏ်နူဂှ်ရ ပိုဲတအ် ၜိုတ်သ္ပမာန်ရေၚ်တၠုၚ်ဆက်စၠောံဒၟံၚ် တွဵုရ။ အရာဏံဂှ် တွဵုရးချေၚ်သၟး ဟွံသေၚ်ပုဟ်။ PDF,NUG ပိုဲတအ် ကောဒေံကောန်ဍုၚ်အရၚ်ပိုဲတအ်မွဲစွံ ဂၠံၚ်တရဴက္ၜၚ်ကျာ ကၠုၚ်နူလပါ်လဵု မပ္တမ်ဗီုဏံ အရာဏံဂှ်တှ်ေ မၚ်ရံၚ်ကျောဝ်စုက်က်လုက်က်တုဲ သွက်ဂွံစဵုဒၞာသၞကျာ ကရောံညးဍုၚ်ကွာန်တအ်ဂးတုဲ ပ္ဍဲကဵုညးဍုၚ်ကွာန်တအ်ကီု၊ ပ္ဍဲကဵုဒပ်ပိုဲတအ်ကီု ၜိုတ်သၟဟ်အစောန်ဂှ် ရေၚ်တၠုၚ်ဒၟံၚ်ရ။
-ကံၚ်ဇြဳပၞာန်ဂှ် ဒဒှ်ရဒေါံဇူလဝ် ပရေၚ်ပန်ပှော် အလုံပွိုၚ် သၞာံ ၂၀၂၃ ဏံဂှ် လလောၚ်တြးလဝ်ရ။ ဆဂး ဂကောံပၞာန်ဂှ် ဌာန်ဂအုပ် EROs တအ်ကီု သီုကဵုလတူဗ္ဒပ်ပၞာန်တအ် ကၠောန်ကၠုၚ်ပရေၚ်ဂြာတ်ထောံဖျေံဗုမ် အဆက်က်ဂှ် ဂွံဆဵုကေတ်လဝ်ရ။ ပ္ဍဲလတူဏံ ဗီုလဵုညာတ်ကေတ်ရော။
အရာဏံဂှ်တှ်ေ ဒှ်ကိစ္စအလုံမွဲဍုၚ်၊ အလုံညးဍုၚ်ကွာန်တအ်သီုဖအိုတ် သီုကဵုကၟိန်ဍုၚ်နာနာတအ် တီဒၟံၚ်သီုညးဖအိုတ်ရ။ ပရေၚ်ဍေံတအ်ဟီုဒၟံၚ် သွက်ပိုဲ မုလေဝ်တၟေၚ်ၚ်တၟဟ်ဟ် ဟၟဲပုဟ်။ ဍေံကၠောန်ကၠုၚ်ဒၟံၚ် ဗီုဏံရရ။ သွက်ဂွံပတှ်ေဟွံမာန်လေဝ် ဟၟဲပုဟ်။ အဲ မိက်ဂွံသၟာန်စဍေံတအ်မွဲရ။ ဍေံတအ်ဂှ် အတိုၚ်ဗီုပြၚ်ဍေံ ကၠောန်ဗီုဏံ၊ သ္ပဗီုဏံ၊ ယဝ်ကၠောန်ဗီုဏံတှ်ေ ဟွံပန်ပုဟ်၊ ဟွံပှော်ပုဟ်။ ဟွံကလၚ်အရေဝ်အဲတှ်ေ ပန်ဏောၚ်၊ ပှော်ဏောၚ်။ ဣဏံဂှ် လၟုဟ်မံၚ်ရ ဟွံသေၚ်ပုဟ်။ အပံၚ်သၞာံ(၇၀)ပြၚ် ကောန်ဍုၚ်အရၚ်တအ် ဒးဒုၚ်ကၠုၚ်တုဲတုဲဒၟံၚ်ရ။ ဂုဏ်နူဒှ်ဒၟံၚ်ဗီုဏံဂှ်ရ။ မွဲပၠန်ဂှ် နကဵုCNF ဂှ် ကေၚ်ထ္ပက်လဝ်စၟတ်တဲ ပ္ဍဲ NCA ၊ ကေၚ်သဳကၠဳလဝ် ပေါဲပရေၚ်ဍုၚ်ကွာန်ရ။ ကၠောန်ဂှ်တၞဟ်၊ ဟီုဂှ်တၞဟ် ဒှ်ဒၟံၚ်ဂှ်ရ နဇိုၚ်နတဲပိုဲ စိုတ်ဟွံမိပ်လးလးရ။ သ္ၚိသ္ကိုပ်ဗိုလ် DKBA ကၠောန်သ္ပဒၟံၚ်ပေါဲသဳကၠဳလၟုဟ် မွဲတၠဂှ် ဂြာတ်ထောံဖျေံလဝ်ဗုမ်ရ။ အရာဏံဂှ် ဂွံဆဵုကေတ်ဒၟံၚ်ဂတမတ်ရ။ အာဒၟံၚ်အတိုၚ်NCA လၟုဟ်ဏံဂှ် မုကၠဵုပၞာန်တအ် ကံၚ်ဇြဳပၞာန်တအ် ဟီုရောတှ်ေ။ ကၠောန်တှ်ေကၠောန် ဒပ်မၚ်ပယျဵုတအ်၊ ပၞာန်ညးဍုၚ်ကွာန်တအ်ရ။ ဟိုတ်ဂှ်ရ ပရေၚ်ဒေါံပန်ပှော်ဍေံတအ်၊ ပရေၚ်သဳကၠဳ ပရေၚ်ဍုၚ်ကွာန်ဍေံတအ်ဟီုဂှ် အတိုၚ်ဍေံတအ်ဓဇက် ဒးဗက်အာဒၟံၚ်ဂှ် ဒးဟီုစ အရာဏံ ဒှ်ဒၟံၚ်နဇိုၚ်နတဲ ဂတမတ်ရ။ ၜိုတ်ဂလိုၚ်လဵု ဍေံတအ်မိက်ဂွံဟီုဟီု ဟွံကိတ်ညဳကဵု ပၟိက်ဆန္ဒပိုဲတွဵုရ။ အရာဏံဂှ် မုလေဝ်တၟေၚ်တၟဟ်မံၚ်ဟွံသေၚ်ပုဟ်။ သွက်ဂွံပတှ်ေဟွံမာန်လေဝ် ဟၟဲပုဟ်။ ကမၠောန်ကံၚ်ဇြဳပၞာန်ဂှ် သွက်ကောန်ဍုၚ် မၞုံဒၟံၚ်ပ္ဍဲကၟိန်ဍုၚ်ဏံ ဂွံဒုၚ်တဲမာန် ဟၟဲပုဟ်။ အဲမိက်ဂွံဟီုဆၜိုတ်ဏံရ၊
-အလန်လကြဴအိုတ်ဏံ စပ်ကဵုပရေၚ်ပၠန်ဂတးက္ညၚ်တုဲ မုမိက်ဂွံထပ်ဟီုဗပေၚ်နွံဏီရော။
နကဵုပိုဲတအ်ဂှ် ဂကောံပၠန်ဂတးကောန်ဍုၚ်အရၚ်တၞဟ် ပါလုပ်သီုပိုဲတအ်ကီု၊ တုဲပၠန် မပ္တံကဵုဒပ်ပရေၚ်စဵုဒၞာဒေသပိုဲ PDF, CDF တအ်ကီု ပိုဲတအ်ဂှ် ပရေၚ်ပၠန်ဂတးက္ညၚ်ဏံဂှ် ဒှ်ပေါဲဗတိုက်ပိုဲ အလန်လကြဴအိုတ်ရ။ အလန်ဏံမှ ယဝ်ရပိုဲဟွံဂွံ တၚ်ရန်တၟံ တၚ်ပ္တဝ်က္ဍိုပ်ပရေၚ်ဍုၚ်ကွာန်ပိုဲ ဏီပုဟ်တှ်ေ အခိၚ်လဵုလေဝ် ပိုဲဂွံမာန်ဟွံသေၚ်ရပုဟ်။ ဖျေံလဝ်သန္နိဌာန် ဗတိုက်ဒဵုကဵုတုဲဒှ်ဏောၚ်ဂှ် ဖျေံလဝ်စိုတ်တုဲတုဲဒၟံၚ်ရ။ အတိုၚ်ဗီုပြၚ်ဏံ ပိုဲလုပ်ကၠုၚ်ဒၟံၚ်ပေါဲဗတိုက်ရ။ ပ္ဍဲဒၞာဲကၠောန်ရေၚ်တၠုၚ်ဂှ် အတိုၚ်အဲဟီုကၠုၚ်လဝ် နူကၠာဏံဂှ်ရ ဂုဏ်နူဒှ်ပေါဲဗတိုက်တၞုၚ်တၞးဂှ်ရ ပိုဲဆက်တုဲအာဏောၚ်။ ပ္ဍဲအကြာဏံဂှ်တှ်ေ ဒးဆဵုဂဗကဵုတၚ်ကော်ချဴ အခက်ခုဲဗွဲမဂၠိုၚ်ဏီတွဵုရ။ ဆက်တုဲဆဵုဂဗကၠုၚ်လဝ် တုဲတုဲဒၟံၚ်ရ။ ဗီုလဵုမိက်ဂွံဒှ်ဒှ်၊ နကဵုပိုဲဂှ် သ္ဂုတ်သွာတ်လဝ်စိုတ် ပိုတ်တ်သ္ကုတ်တ်တုဲဒၟံၚ်ရ။ ဆက်တုဲ အာဏောၚ်။ အခက်ခုဲၜိုတ်လဵု မိက်ဂွံဆဵုဂဗဆဵုဂဗ။ နကဵုစိုတ်ဓာတ်ဏံ ပိုဲဆက်လုပ်အာဒၟံၚ်ပေါဲဗတိုက်ဖိုဟ်ရ။ နဲမဟာဗျူဟာဍေံတအ်သုၚ်စောဲဒၟံၚ်တွဵုတွဵုဂှ်တှ်ေ အရာတအ်ဏံ ဒှ်အရာဒးဆဵုဂဗတွဵုဂှ်ရ သွက်ပိုဲတှ်ေ မုလေဝ်ဍေံဟွံတၟေဟ်တၟဟ် မွဲသာ်ရ။ သွက်ဂွံဆက်အာ ဂတတေံရနွံဏောၚ်။