ဝါယှေန်တာန်၊ ဂျာန္နဝါရဳ (၂၆)
အမာတ်ကၠတ်ထဝ် ရဳပါပလေတ်ကာန် မဆေၚ်စပ်ကဵုကြုက် ကၠတ်ထဝ်လ္တူအမေရိကာန် ဂျတ်(ယှ်)ဟဝ်လေဝွံ ဆက်မိတ်လဝ်ကဵု သၞောဝ်ဥပဒေမွဲ ပရေၚ်သ္ဂောံတာဒၞါကၟာတ် ပွမရပ်စပ်ထေတ်ထံခ် အပလဳကေယှေန် မတက်ပ္တိတ်ဗဳဒဳယောမာန် အပ္ဍဲကဵုဍုၚ်ဂှ် ဂွံတီကေတ်ရ။
နကဵုညးဒုၚ်ကာ အလဵုအသဳအမေရိကာန်တံ ဒဒှ်မရပ်စပ် ဟွံသေၚ်မ္ဂး ဂြဲဖျေံ ထေတ်ထံခ် ကမ္ပဏဳကြုက်ပိုၚ် ByteDance ပ္ဍဲကဵုကိရိယာအလဵုအသဳတံဂှ် ဒးဒုၚ်ကၟာတ်လဒဵုရောၚ် မဒှ်ရ။
“ထေတ်ထံခ်ဝွံ ဒှ်ပါၚ်တြၚ်လ္ပာ်လက္ကရဴကြုက် မလုပ်စိုပ်ကၠုၚ် ဘဝအမေရိကာန်တံရ။ သပ်ဝဴလ်ဏံဝွံ ဘပဠဒၟံၚ် ပရေၚ်ပူဂဵုကောန်ၚာ်သၟတ်ပိုယ်တံ၊ ပရေၚ်ထတ်ယုက်စပ်ကဵုလ္ပာ်စိုတ်ဍေံတံဏောၚ်။ အခါလၟုဟ် နကဵုအဲ ဆက်မိတ်အာကဵု စၟိန်ပြမာန်သၞောဝ် ပရေၚ်တာဒၞါထေတ်ထံက်ခ် အလုံကၟိန်ဍုၚ်မွဲဂှ်ရောၚ်” သာ်ဝွံ အမာတ်ကၠတ်ထဝ်လ္တူ ဟဝ်လေ ဟီုဂးလဝ်ရ။
ဆ္ဂး သၞောဝ်ဥပဒေအပြောံဏံဂှ် အခိၚ်လဵု ပၠောပ်ပ္တိုန်ရောဟီုဂှ် ဟီုဂးစုတ်ဏာလဝ် ဟွံမွဲရ။ ပ္ဍဲကဵုတၚ်လလောၚ်တြး ထေတ်ထံက်ခ်မွဲဂှ် အမာတ်ကၠတ်ထဝ်ဟဝ်လေဝွံ ရပ်လဝ်ဒဒှ်မဆိုက်ညောန် ဗၠေတ်တ်ဂှ် ထ္မံက်ထ္ၜးလဝ်ရ။
ညးမၞုံအခေါၚ်ဟီုဂး ပရေၚ်ဆက်ဆောံညးဍုၚ်ကွာန် ထေတ်ထံက်ခ် ဘရူကဳ အဵုဗာဝါတာဂှ် “ပ္ဍဲကဵုပရေၚ်တာဒၞါ ရပ်စပ်ထေတ်ထံက်ခ် ညးစၞးကၠတ်ထဝ်လ္တူ ဟဝ်လေဂှ် ဒှ်ပွဆိုက်ညောန် ဟွံမွဲကဵုတၚ်ပ္တဝ်က္ဍိုပ် ဗွဲမစှ်ေကဵုသၞောတ် ကုပရေၚ်ဂီုကၠီု ကၟိန်ဍုၚ်ရ။ တုဲတှ်ေ ပွမဆိုက်ညောန် ဟွံစှ်ေကဵုသၞောတ် သွက်ပြသၞာ ကမၠောန်ထေတ်ထံက်ခ် မဇၞော်သၠဲလးဂမၠိုၚ် မပ္တံကဵု ပရေၚ်ဂီုကၠီုတၚ်နၚ်၊ တၚ်ပၞုက်ပရေၚ်ပူဂဵု ကေုာံ အန္တရာယ်လပှ်ကျာတံဂှ်ဟေၚ် ဂွံဆဵုကေတ်ရ။ လ္တူနူကဵုသ္ပပၞ ဒဒှ်မကၟာတ်တာဒၞါ စၟအ်အ်ပရေၚ်ဒုၚ်ကာ ညးမဂွိၚ်ဒၟံၚ် သွက်ဂွံသောၚ်ကလး ပြသၞာတံဏံ ဟွံသေၚ်မ္ဂး သွက်ဂွံကၠောန် ညံၚ်ကောန်ဍုၚ်အမေရိကာန်တံ ဂွံဗၠးဘဲဂှ် ပိုယ်စၟဳကေတ် ညးသ္ပအာရီု ကုဇြဟတ်ညး လ္တူပွမကၠေံစိုတ် သွက်ဂွံသောၚ်ကလး ပြသၞာဂမၠိုၚ်ဂှ်ရောၚ်” သာ်ဝွံ ဟီုဂးလဝ်ရ။
Ref: Reuters