ဝါယှေန်တာန် – ဂျာန္နဝါရဳ(၂၈)
သွက်ရာဇဝတ်ပၞာန် ကံၚ်ဇြဳပၞာန် ကလိလောန်လဝ် လတူညးဍုၚ်ကွာန် ကၟိန်ဍုၚ်ဗၟာတအ်ဂှ် သ္ပအစာံကဵုသ္ဇိုၚ်ဗီုပြၚ် R2P တုဲ စိုပ်အခိၚ်ဒးကေတ်အရေဝ်ရဂှ် အမာတ်ကလုတ်တမာန် ညးစၞးကၟိန်ဍုၚ်ဗၟာ ဆေၚ်ရာကဵုကုလသမဂ္ဂဒ္တန် ဥူကျဝ်မိုဝ်ထောန် ဟီုသ္ဂးလဝ်ရ။
နကဵုက္ဍိုပ် လၟေၚ်ကမၠောန်ရေၚ်တၠုၚ် စဵုဒၞာပရေၚ်မၞိဟ် ကေုာံပရေၚ်ပိုန်ဒြပ် စဵုဒၞာပရေၚ်ဂစိုတ်ကမၠက်ဂကူ၊ ဒုဟ်ရာဇဝတ်ပၞာန်၊ ဂဗုတ်ပသောၚ်သ္အးဂကူ ကေုာံဒုဟ်ရာဇဝတ် ကလိလောန်လဝ် ပ္ဍဲလတူကောန်ဂကူမၞိဟ်တအ်ဂှ် ဟီုဂးလဝ် ပ္ဍဲပေါဲကောံဓရီုတၟေၚ် ကံၚ်ဇြဳပရေၚ်ပိုန်ဒြပ် ကေုာံပရေၚ်မၞိဟ် ကုလသမဂ္ဂ ကၠောန်ဗဒှ်လဝ်ဂှ်ရ။
“အခိၚ်ကာလလၟုဟ်ဂှ် နူကုလသမဂ္ဂ ဂိုၚ်ရပ်သ္ပအစာံကဵုသဘဴဓဝ်မူသ္ဇိုၚ် R2B တုဲ ကိစ္စပရေၚ်ဍုၚ်ကွာန်ကၟိန်ဍုၚ်ဗၟာကဵု သွက်ဒုဟ်ရာဝတ် ဒပ်ပၞာန်ဗၟာ ကလိလောန်လဝ်ဂှ် ညံၚ်ပရေၚ်ဒုၚ်လျိုၚ်ဂွံနွံကီု ညံၚ်ယန္တရာဍေံတအ် ဂွံဒုၚ်စဒၟံၚ်သိုၚ် သီုဟွံဒးဒုၚ်သ္ပဒုဟ်ဒဏ်ဂှ် ဂွံတန်ဒေါံအာမာန်ကီုဂှ် တိတ်ဟီု ပ္ဍဲကုလသမဂ္ဂ မွဲရမျာၚ်တုဲ စိုပ်အခိၚ် ဒးရေၚ်တၠုၚ်ကေတ်အရေဝ် နကဵုဇြဟတ်ပံၚ်ကောံရ” ဂှ် အမာတ်ကလုတ်တမာန် ဥူကျဝ်မိုဝ်ထောန် ဟီုသ္ဂးလဝ်ရ။
သ္အာၚ်နူဂှ်ပၠန် ကံၚ်ဇြဳပၞာန်ဂှ် ပ္ဍဲလတူကောန်ညးဍုၚ်ကွာန်ကၟိန်ဍုၚ်ဗၟာ ပါလုပ်သီုကောန်ဍုၚ်အရၚ် လၟိဟ်မၞိဟ်အောန်တအ်ကီု သီုကဵုရိုဝ်ဟေန်ဂျာတအ်ဂှ် ကလိလောန်လဝ် ကမၠောန်ပွဓဇန်ကြာန်ကီု ကမၠောန်ကြာန်ဓဇန် ကလိလောန်လဝ် လတူရိုဝ်ဟေန်ဂျာ ပ္ဍဲသၞာံ ၂၀၁၇ တေံ ပ္ဍဲကဵုကမၠောန်ဒပ်ပၞာန်ဗွဲမဂၠိုတအ် ဒှ်မွဲဂကူရဂှ် ညးဟီုသ္ဂးလဝ်ဏီရ။
ပ္ဍဲအခိၚ်ဒပ်ပၞာန်သီအဝဵု ဟွံလုပ်ကဵုသၞောဝ် လအ်ကၠုၚ်ပွိုၚ်(၂)သၞာံတုဲဂှ် ဒၟာနူပလီုပလာ်ကၠုၚ်လဝ် ပရေၚ်အုပ်ဓုပ်သၞောဝ်ပ္ဍဲဍုၚ် ပေၚ်ၚ်ဂှ်ရ လတူကောန်ညးဍုၚ်ကွာန်တအ်ကီု လတူအကာဲအရာ ပ္ဍဲဒေသကီု က္တဵုဗဒှ်ကဵု ဖိုလ်အဆက်လကြဴ ဇၞော်ကဵုဇြဟတ်ရဂှ် သ္ဂးလဝ်ရ။
သွက်ဂွံစဵုဒၞာကဵု ညးဍုၚ်ကွာန်ကၟိန်ဍုၚ်ဗၟာ နူကဵုဒုဟ်ဒဏ်ရာဇဝတ် ဂစိုတ်ကမၠက်ဂကူ၊ ဒုဟ်ရာဇဝတ်ပၞာန်၊ ဒုဟ်ရာဇဝတ်ပသောၚ်သ္အးဂကူ ကေုာံဒုဟ်ဒဏ်ရာဇဝတ် ကလိလောန်လဝ် လတူကောန်ဂကူမၞိဟ် ပ္ဍဲလတူ အလုံကောန်ညးဍုၚ်ကွာန်တအ်ဂှ် အမာတ်ကလုတ်တမာန် အာတ်မိက်လဝ် ကုလသမဂ္ဂရ။
ညးထံက်ဂလာန်ကဵု ကံၚ်ဇြဳပၞာန်သီအဝဵုတအ်ဂှ် ဒၟာနူဟွံသ္ပဂရု ဟွံသ္ပကာ ပ္ဍဲလတူပရေၚ်ဗဗွဲဗက်ကဵုမၞိဟ်ဂှ်ရ နကဵုကုသလမဂ္ဂ သုၚ်စောဲမူ R2B တုဲ သွက်ဂွံကဵုရီုဗၚ်ကဵု ကၟိန်ဍုၚ်ဗၟာဂှ် စပ်ကဵုပရေၚ်ကဵုစၟတ်သမ္တီ No Fly Zoneတုဲ ပရေၚ်အာတ်မိက်လဝ်နူဝါဒိကၠာတေံဂှ် ဒှ်ကၠုၚ်ဒတုဲဖိုလ်ဟွံမွဲရဂှ် ထံက်ထ္ၜးလဝ်ရ။
ပရိုၚ်-သြၚ်လောန်တိုၚ်(မ်)