တၚ်ဆက်စၠောံသၟာန်သွဟ်လဝ်ကဵု သ္ဇိုၚ်ဝန်CDM မွဲတၠ။
ကံၚ်ဇြဳပၞာန်သီအဝဵု သွက်ဂွံကေတ်အရေဝ် ကုသ္ဇိုၚ်ဝန် CDM ပ္ဍဲကဵုရးဒေသဇၞော် ကေုာံပွိုၚ်ဍုၚ်တၞဟ်ဟ်တအ်ဂှ် ဒက်ပ္တန်လဝ် ဂကောံစၟဳစၟတ် CDM မပါလုပ်သီု သ္ဇိုၚ်ဝန်ဆေၚ်စပ်ကဵု ဌာနကံၚ်ဇြဳပၞာန် ပါလုပ်သီုဒပ်ပၞာန်ရ။ ဂကောံစၟဳစၟတ်ဂှ် CDM ပ္ဍဲရုၚ်ဂဥုဲပုဂ္ဂလိက၊ ဗ္ဒမ်ဂဥုဲ ကေုာံဘာဗ္တောန်လိက်တအ် ခါန်ကၞက် CDM နွံ ဟၟဲ သွက်ဂွံစၟဳစၟတ်ကီု ယဝ်ရခါန်ကၞက်လဝ် CDM တအ် နွံဒၟံၚ်မ္ဂး သွက်ဂွံကၟာတ်ဒၞာကီု သီုကဵုသွက်ဂွံကေတ်အရေဝ် ပ္ဍဲပွိုၚ်မွဲဂိတု သွက်ဂွံဒုၚ်စဳရေၚ်ဂှ် စၞောန်ပ္ညုၚ်လဝ်ရ။ ဟိုတ်ဂှ်ရ ပ္ဍဲလတူကံၚ်ဇြဳပၞာန် ပလေဝ်ပလေတ်ဒၟံၚ် သွက်ဂွံကေတ်အရေဝ်ကဵု CDM တအ်ဂှ် သာ်လဵုပလန်တဲရော။ သုၚ်စောဲ နဲကဲဂၠံၚ်တရဴစုၚ်တုဲ ပရေၚ်ဗက်ကၟာတ်လဒဵုဒၟံၚ် အခေါၚ်သ္ဇိုၚ်ဝန် CDM တအ် ကၠောန်ၜိုတ်စသုၚ်တုဲ စပ်ကဵုအကာဲအရာ ဍဵုဍိုက်ဒၟံၚ်ဂှ် ဆက်စၠောံ သၟာန်သွဟ်လဝ်ကဵု သ္ဇိုၚ်ဝန် CDM မွဲတၠရ။
-ကိုပ်ကၠာအိုတ်အိုတ်ဏံ ပ္ဍဲလတူပရေၚ်ကံၚ်ဇြဳပၞာန် ပလေဝ်ပလေတ်ဒၟံၚ် သွက်ဂွံကၠောန်ပရေၚ်ကေတ်အရေဝ်ကဵု သ္ဇိုၚ်ဝန် CDMတအ်ဂှ် ဗီုလဵုမိက်ဂွံကလေၚ်ပလန်တဲ နွံကီုရော။
ၜိုတ်အဲဂွံမိၚ်လဝ်ဂှ်တှ်ေ လတူနူစွံလဝ်ပိုဲ တိုက်ရိုက်ဂှ် လၟုဟ်ဏံ မုဒှ်ကၠုၚ်ဂၠိုၚ်တိုန်ရောတှ်ေ ပိုဲသ္ဇိုၚ်ဝန်ပရေၚ်ပညာဟီုတှ်ေ ကၠောန်စပ္ဍဲကဵု ကပခ တအ်ဟွံဂွံပုဟ်။ သ္ဇိုၚ်ဝန်ဂဥုဲတအ်လေဝ် ကၠောန်စ ပ္ဍဲကဵုရုၚ်ဂဥုဲမ္ၚးမ္ၚးတအ် ဟွံဂွံပုဟ်။ ပရိုၚ် ကဵုမံၚ်ဇြဟတ်ဓရိုဟ်ကဵု တၠကမၠောန်တအ်ဂှ် မိၚ်လဝ်ဂၠိုၚ်မံၚ်။ ပရေၚ်ဍဵုဍိုက်ပိုဲဂှ်တှ်ေ ဗီုကၠာတေံရ။
တုဲပၠန်ဗက်အာရပ် စဵုကဵုစိုပ်ပါၚ်တြၚ်သ္ၚိဏောၚ်၊ မုဏောၚ် ဒဵုကဵုကဆံၚ်ဏံလေဝ်ဟွံသေၚ်တုဲ ညံၚ်ကၠောန်စဟွံဂွံဂှ် မွဲနဲမွဲဗီု ကဵုမံၚ်ဒဒိုက်ရ။ လၟုဟ်ဗွဲမဂၠိုၚ်တှ်ေ ဒးဒုၚ်ပ္တိတ်ထောံ နူကမၠောန် ဂွံမိၚ်လဝ်ဂၠိုၚ်ရ။ ပ္ဍဲကဵုပိုဲအ္စာ အ္စာၝောံတအ်ဂှ် မၞိဟ်လုပ်ကၠောန် ပ္ဍဲကပခတအ် အောန်မံၚ်ရ။ ဂဥုဲဂှ် နွံမံၚ်ဏောၚ်တှ်ေ။ ကဵုမံၚ်ဒဒိုက်ဗီုဏံဂှ် ကဵုဒၟံၚ်ဒဒိုက်စုၚ်ရ။ ဗီုလဵုဂွံဟီုရောတှ်ေ စကစဂှ် ဗီုဏံရ။ ဍေံကဵုဒၟံၚ်ဒဒိုက်စုၚ်ရ။ ကဵုမံၚ်ဒဒိုက်ကဵုပိုဲ ယဝ်ရဒးဟီုမွဲလပါ်ဂှ်တှ်ေ ထေက်ကဵုဒးကေတ်ဂုဏ်စရာဲဏောၚ်ဒးဟီုရ။ မုဒှ်ရောတှ်ေ မၞိဟ်ဟီုဂှ် ဇကုဇကု ဟွံစွံၚုဟ်မးရပုဟ်တှ်ေ ဇကုသုၚ်စောဲဟွံဂွံရ။ ဟွံစွံၚုဟ်မးကဵု ဇကုဇကုရပုဟ်။ အဲယဝ်ရဒှ် ဍေံတအ်ဏောၚ်တှ်ေ အစဳဇန်သွက်ဂွံဗက်ကၠောန်ဂှ် ဟၟဲရပုဟ်။ ညံၚ်မၞိဟ်ဇကုဂွံခိုဟ်ဂှ်ရ အစဳဇန်နွံဏောၚ်လေဝ်ဏး။ လၟုဟ်တှ်ေ ပိုဲဟၟဲတှ်ေ ပ္ဍဲဍေံတအ်ကမၠောန်ဟွံဒှ်ရ ဟွံဒှ်ကမၠောန်ဂှ်ရ စဵုကဵုလၟုဟ် ညံၚ်ကၠောန်စမ္ၚးဏံဟွံဂွံဂှ် ဗက်ကဵုဒၟံၚ်ဒဒိုက် ဖိုဟ်ဏီရ။ မုဂွံအာဟီုရောတှ်ေ မၞိဟ်ဇကု ဇကုဟွံသုၚ်စောဲပုဟ်ဂှ် ဒးဟီုရ။
-ဗက်ဂၠာဲကၟာတ်လဒဵုဒၟံၚ် ညံၚ်သ္ဇိုၚ်ဝန် CDM တအ် ညံၚ်ကၠောန်စဟွံဂွံဂှ် မုဟိုတ်ဂွံဗက်ကၟာတ်လဒဵုဒၟံၚ် ညာတ်ကေတ်ရော။ တုဲမွဲပၠန်ဂှ် သုၚ်စောဲနဲကဲစုၚ်တုဲ ပ္ဍဲလတူကမၠောန်ကံၚ်ဇြဳပၞာန် ဍဵုဍိုက်ဒၟံၚ် သ္ဇိုၚ်ဝန် CDM တအ်ဂှ် မုမိက်ဂွံဟီု နွံရော။
အရာဏံဂှ် ဖံက်ပ္ကဝ်ဒၟံၚ် အခေါၚ်အရာမၞိဟ်ရ။ အဲမိက်ဂွံသ္ပ သ္ဇိုၚ်ဝန်မှ အဲသ္ပဏောၚ်လေဝ်။ ပိုဲဟီုမံၚ် မၞိဟ်တှ်ေတုဲ သွက်ဂွံဒးသ္ပသ္ဇိုၚ်ဝန် ဟွံသေၚ်ပုဟ်လေဝ်။ မၞိဟ်တှ်ေတုဲ တၚ်သ္ဂုတ်သွာတ်ဇကုကဵုဇကု နွံဒၟံၚ်ဖအိုတ်ဏောၚ်။ ပိုဲဟွံစှ်ေကမၠောန်ရပုဟ်။ ဂုဏ်နူဟွံစှ်ေကမၠောန်တုဲ ပ္ဍဲသၞာံတုဲကၠုၚ်တေံ စပဒေါံဗျူကၠုၚ်ပိုဲ ယာယဳရ။ ဣဏံဂှ်လအ် မံၚ်ယျ။ သၞာံတုဲကၠုၚ်တေံ ဟွံသေၚ်ပုဟ်။ တေံနူသၞာံကၠာတေံရ။ ဗဒေါံဗျူထောံယာယဳ။ ဣဏံဂှ်ဍေံတအ်ကၠောန်အတိုၚ်သၞောဝ်စေဝ်သ္ဇိုၚ်ဝန်တအ်ရ ဍေံတအ်ဟီုရ။
ပိုဲမုလေဝ်ဟွံတိုန် COMPLAIN ပုဟ်။ ဗဒေါံဗျူထောံယာယဳဂှ်ရ ပိုဲဂှ် သွက်ဂွံပံၚ်တောဲကဵု ပ္ဍဲဌာနပရေၚ်စၟဳစၟတ်ဍေံတအ်ဂှ် ကော်ဒၟံၚ်ရ။ ပိုဲဟွံသ္ပစၟတ်သမ္တီပုဟ်။ ပိုဲဟွံအာပုဟ်။ ဗီုမိက်ဂွံကၠောန်ဂှ် ကၠောန် ဟီုကဵုပိုဲရ။ ဂုဏ်နူဟီု ဗီုမိက်ဂွံကၠောန်ဂှ် ကၠောန်ဂှ်ရ ပတိတ်ထောံပိုဲ နူဌာန်ဌာနန္တရရ။ ပ္တိတ်ထောံပိုဲတုဲ ပ္ဍဲကဵု (၆) ဂိတုဂှ် ကလေၚ်လုပ်ဒေါံဇူဂွံမံၚ်ရဂးတုဲ ဟီုကၠုၚ်ရ။ ပိုဲတအ်ဟွံလုပ်ဒုၚ်ကေတ်လဝ်ရ။ ကိစ္စ သွက်ဂွံဒုၚ်ကေတ်လေဝ် ဟၟဲပ္ဍဲက္ဍဟ်ပိုဲပုဟ်။ ဟီုတှ်ေ ဟီုထောံကဵု အရေဝ်သၞောဝ်ဥပဒေဍေံတအ် ဟီုဒၟံၚ်လၟိုန်ဂှ်ရစိုအ်။ ပိုဲတအ်ဂှ် စွံထောံရ ဖံက်ပ္ကဝ်လဝ် အတိုၚ်ဍေံတအ်ဟီုလဝ်ဂှ် စွံထောံရ။ ယဝ်ရဖံက်ပ္ကဝ်လဝ်တှ်ေ ပိုဲဟွံလုပ်ဒုၚ်ကေတ်ရပုဟ်။ ပ္တိတ်ထောံပိုဲဂှ်လေဝ် ဒုၚ်မံၚ်တဲရ။ တုဲအာယျလေဝ်။ ဗီုအဲမိက်ဂွံဟီုဂှ်တှ်ေ အတိုၚ်သၞောဝ်စေဝ်ပၞောန် သ္ဇိုၚ်ဝန်မိက်ဂွံရံၚ်ရံၚ်၊ အတိုၚ်သၞောဝ်ဥပဒေသ္ဇိုၚ်ဝန်ကၟိန်ဍုၚ် မိက်ဂွံရံၚ်ရံၚ် တုဲအာယျ။ ဇာတ်ဏံ ပိုတ်အာယျလေဝ်။ ဗီုအဲမိက်ဂွံဟီုဂှ် ပိုဲတအ်ကၠောန်စမ္ၚးကီု ဟွံကၠောန်စကီု ကိစ္စဍေံတအ်ဟွံသေၚ်ပုဟ်။ ကွတ်ပညာပိုဲလေပ်လဝ်ဂှ် ပိုဲမိက်ဂၠာဲကၠောန်စမ္ၚးလေဝ် ကၠောန်ဏောၚ်။ ကမၠောန်ပိုဲဂှ် တုဲအာယျ။ မုဟွံဆေၚ်ဆက်ကဵုဍေံတအ်ရပုဟ်။ ဟီုတှ်ေ အရာဏံဂှ် ဗက်ကဵုဒၟံၚ်ဒိုက် စဵုကဵုလပါ်မ္ၚးတေံဂှ် ယဝ်ရဒးဟီုကဵု အရေဝ်ညးအရာပ်တှ်ေ သ္ပလဝ်သၞကဵုပိုဲ ဇၞော်ဇၞော်ရ။ ဗီုလဵုဂွံဟီုရောတှ်ေ ကမၠောန်အလဵုအသဳ ဒးကၠောန်ဟွံသေၚ်ပုဟ်။ အလဵုအသဳလ္ပဟီုဏီ ကမၠောန်မၞိဟ်ကဆံၚ်သၠုၚ်တအ် ထေက်ကဵုဒးကၠောန်ဟွံသေၚ်ပုဟ်။ ယဝ်ရဒးဟီုတပ်ပ်တှ်ေ ပရေၚ်ဖံက်ပ္ကဝ်အခေါၚ်အရာမၞိဟ်ဗီုဏံဂှ် ပိုဲမၞိဟ်ဒးဒုၚ် ဒးဒုၚ်ညိညဓဝ်ရဏောၚ်။ မၞိဟ်ဒးဒုၚ်လတူနူပိုဲဂှ် နွံဟွံအောန်ပုဟ်။ ဟွံဟီုဂၠိုၚ်ရပုဟ်။။
-အလန်လကြဴအိုတ်ဏံ မုမိက်ဂွံထပ်ဟီုဗပေၚ်နွံမံၚ်ဏီရော။ ဟီုကဵုညိ။
ယဝ်ရဒးဟီုတပ်ပ်တှ်ေ သ္ပဟွံမာန်ဏောၚ်။ မၞိဟ်ဟီုဂှ် မုပဂွံဂစာန်ဓဇန်ကြာန်ယုတ်မာဒၟံၚ် လတူညးမွဲလပါ်ရော ယဝ်ရဟီုတှ်ေ ယဝ်ဖေက်ဒၟံၚ် လပါ်တေံတှ်ေ ဖေက်မတ်ကၠက်က်ရ။ ဇေတ်ဇေတ်တေံ ယဝ်ဒးဟီုတပ်ပ်တှ်ေ ပ္ဍဲကဵုသၞေဟ်က္ၜၚ်ကျာလေဝ် ရပ်မံၚ် CDM တအ်ရ။ သွက်ဂွံတိတ်လပါ်မ္ၚးဂှ် ခက်ခုဲနွံမံၚ်ဟွံအောန်ပုဟ်။ ဂွံတိတ်ကဵုဂၠံၚ်တရဴလုပ်သၞောဝ်ဂှ် ဟွံပြေပြံၚ်ပုဟ်။ ဟိုတ်ဂွံဟွံပြေပြံၚ်ဂှ် နွံဂၠိုၚ်ဂၠေၚ်ဒၟံၚ်ရ။ ဂုဏ်နူမိက်ဂွံကၟာတ်လဒဵုပိုဲတအ်ရ။ ယဝ်ရဒးဟီုထ္ၜး ကဵုဥပမာတှ်ေ CDM တအ် ဘာသာဍေံ မ္ၚးဍေံမိက်ဂွံတိတ်တ်ရ။ ပြသၞာဟၟဲပုဟ်လေဝ်။ တိတ်အာဗီုဏံလေဝ် ဇကုဖေက်ဒၟံၚ် ကွေံကွေံဏောၚ်။ ဟီုတှ်ေ ဒှ်အာဗီုဏံလေဝ် ဍေံတအ်ဖေက်မံၚ်ဏောၚ်။ မံၚ်ဒၟံၚ်ပ္ဍဲတေံလေဝ် ညံၚ်ဂွံကၠောန်စဂွံဂှ် စွံလဝ်ဟာတှ်ေ ဗီုဂှ်လေဝ်ဟွံသေၚ်ပုဟ်။ ဗက်ဂၠာဲသ္ပမံၚ် ဗီုပြၚ်ဗှ်ေတအ်ဟွံကိတ်ညဳကဵုအဲဂှ်ရ ဗှ်ေတအ်ဒးဒှ်ဒၟံၚ်ဒဒိုက်ဗီုဏံရဂးတုဲ။ ဗက်ဂၠာဲသ္ပဒၟံၚ်ရ။ ရံၚ်ကေတ်တှ်ေဍေံတအ်ဂှ် တုပ်မံၚ်ကဵု သတာဂိုဏ်တအ် မာဖဳယာတအ် ကွေံကွေံဏောၚ်။ ဍေံတအ် တုပ်မံၚ်ဗီုဂှ် ကွေံကွေံမွဲတဲဏောၚ်။ တုပ်မံၚ်ကဵုဂိုဏ်သတာတအ် ဇေတ်ဇေတ်ရ။ ဟီုတှ်ေ ဗီုလဵုဂွံဟီုရောတှ်ေ ၜိုတ်ဏံရ ဖံက်ပ္ကဝ်ဒၟံၚ် အခေါၚ်အရာမၞိဟ်ဇေတ်တ်ရ။ ကဆံၚ်သဝ်လောန်အာဟဂှ်၊ မိက်ဂွံဒှ်အလဵုအသဳလောန်အာရ ကမၠောန် ထေက်ကဵုဍေံတအ် ဒးကၠောန်ဟွံသေၚ်ပုဟ်။ ဗီုဏံဂှ် တုပ်မံၚ်ကဵုမၞိဟ်ပရမ် ဂိုဏ်သတာတအ်ရ။ ဒှ်ဒၟံၚ်ဗီုပြၚ်ဏံလောန်အာဟဂှ်ရ။
-အလန်လကြဴအိုတ်ဏံ မုမိက်ဂွံထပ်ဟီုဗပေၚ်နွံဏီရော။ ဟီုထ္ၜးကဵုညိ။
ဟၟဲရပုဟ်။ ဍေံတအ်ဂှ်တုပ်မံၚ်ရ။ ပိုဲဂှ် ဒးဒုၚ်ဖံက်ပ္ကဝ်ဒၟံၚ် အခေါၚ်အရာမၞိဟ်ရ CDM ပိုဲဂှ်တှ်ေ ဗီုဟီုနူကၠၚ်ဂှ်ရ ညံၚ်ကၠောန်စဟွံဂွံ ညံၚ်ဂွံကၠောဝ်အာဂှ် ပရေၚ်ဖံက်ပ္ကဝ်ဒၟံၚ် လတူပိုဲ။ အရာဏံဂှ် ဖံက်ပ္ကဝ်ဒၟံၚ်လတူပိုဲရ၊ ဖံက်ပ္ကဝ်ဒၟံၚ် လတူညးတၞဟ်လေဝ် နွံစုၚ်ရ။ ဆဵုညာတ်ဒၟံၚ် ညးသ္ကအ်သီုဖအိုတ်ရ။ ဍေံတအ်ဖံက်ပ္ကဝ်ဒၟံၚ် အခေါၚ်အရာမၞိဟ်ရ။ မၞိဟ်ကဆံၚ်သဝ်ဝ်ဟီုဂှ် ရံၚ်ကဵုသွာၚ်ဇဳတုဲ ယဝ်ရပိုဲဒးဟီုတှ်ေ ယဝ်ဒးဟီု မၞိဟ်မွဲ မွဲဗီုတှ်ေ ဟီုရုမ်ဟွံသေၚ်ပုဟ်။ ဟီုတှ်ေ ဟွံမိက်ဟီုဂၠိုၚ်ရ။ ဍေံတအ်သ္ပမာန်ကဵုပိုဲဟွံသေၚ်ပုဟ်ဟာ။ ကၠောန် ဃောဗြဲခိုဟ် ဍေံတအ်ဂူ။ အခိၚ်မိက်ဂွံဂၠာဲ အကုသိုလ်ဂှ် ဂၠာဲ။ ၜိုတ်မိက်ဂွံဂၠာဲဂှ်ကေတ်လဝ်။ အခိၚ်အကုသိုလ် ကလေၚ်ကဵုဖိုလ်တှ်ေ ညံၚ်ဂွံဒုၚ်ဒဏ်ဂှ်မာန် ဂစာန်လဝ်ညိ။