ပါတ်ယှဝါ၊ ဂျာန္နဝါရဳ (၃၁)
ပ္ဍဲဒိုဟ်ပလိုတ်သၟဝ်ကျာ ဍုၚ်ပါကေဿတာန် ဂၠုၚ်မွဲ မဖ္ဍိုက်နၚ် ကွးဘာပရေၚ်ဘာသာဂမၠိုၚ်ဝွံ ပ္ဍဲတ္ၚဲအဒိုတ် (ဂိတုဂျာန္နဝါရဳ ၂၉) ဂှ် ဗြံအာလဝ်တုဲ ကောန်ၚာ်သၟတ် အောန်အိုတ် (၁၀) တၠ ချိုတ်အာလဝ်ဂှ် သၟိၚ်တၠတံ ဟီုဂးလဝ်ရ။
အတိုၚ်ဂလာန် သၟိၚ်တၠ မၞုံဒေသန္တရခရိုၚ် ခိုၚ်ဗာ ပက်ထောန်ခွါ မဒှ်လဝ်ဟိုတ်ဂှ်မ္ဂး အခိၚ်မပလံၚ်ဒၟံၚ် ကောန်ၚာ် (၇) တၠ ဗ္စိုပ်ရုၚ်ဂဥုဲဂှ် ကောန်ၚာ် (၈) တၠ ကၠေံဒၟံၚ်ပၠန်ဂှ် ဂွံတီကေတ်ရ။
ကဝ်မယှေန်နာ မာမတ်အက်သ်လာမ် ခရိုၚ်ပါ်ကဝ်ဟက်ဂှ် ကောန်ၚာ်သၟတ် ဗၞတ် (၅၀) တၠ နူကဵုဘာပရေၚ်ဘာသာ အပ္ဍဲဒေသတံဝွံ ကောံလဝ်ညးသ္ကအ် သွက်ဂွံတိတ်တရဴဍောတ်မွဲရောၚ်ဂှ် သ္ဂးရ။ ပ္ဍဲကဵုကောန်ၚာ်တံဏံဂှ် ကောန်ၚာ်သၟတ် (၂၅) တၠဝွံ တိတ်အာလဝ် ပ္ဍဲဍာ် နကဵုဂၠုၚ်တုဲ ဂၠုၚ်ဂှ်ဗြံအာလဝ်ရ။
အတိုၚ်စရၚ် ကဝ်မယှေန်နာခရိုၚ် ပလံၚ်ဗစိုပ်ကဵုလဝ် ဌာန်ပရိုၚ်ရာ်တာဂှ်မ္ဂး ကောန်ၚာ်သၟတ် မချိုတ်အာတံဝွံ နူအာယုက် (၇) သၞာံ စဵုကဵု (၁၂) သၞာံ နွံဂှ် ဂွံတီကေတ်ရ။
ညးစိုန်သ္ကီုပရေၚ်ဗၠိုပ်ဍာ် ဒပ်ပၞာန်ပါကေဿတာန်တံ ဒဒှ်ရဂ္စါန်လဝ် သွက်ဂွံဂၠိုက်ဂၠါဲ ကေုာံ ဟံၚ်ပြာ်တံကီုဂှ် ညး သ္ဂးရ။
လၟေၚ်ဒဒှ်ဂၠုၚ်ဗြံသာ်ဏံဂှ်ဝွံ ဒဒှ်ရဒှ်မံၚ်မွဲတ္ၚဲဓဝ် ကုဗာဿကာဒှ်ဟိုတ် နူကဵုသ္ကုတ်သၠုၚ်ကျာပါကေဿတာန် အပံၚ်မၞိဟ် (၄၀) ပြၚ် မ္ဒးချိုတ်အာလဝ်ဂှ်လေဝ် ဂွံတီကေတ်ရ။
Ref: Reuters