လံၚ်လုၚ်၊ ဨဗြဴ(၁)
ပ္ဍဲရးဒေသဇၞော်တၞၚ်သဳ၊ ပွိုၚ်ဍုၚ်လံၚ်လုၚ်ဂှ် ဟိုတ်နူမာၚ်လုတ်ဒကုတ်ဒး ကေုာံ ဟိုတ်နူပရေၚ်ထတ်ယုက်တံတုဲ ကောန်သ္ဂံၚ် PDF (၂) တၠ ပြဟ်လလုဲအာလဝ်ဂှ် ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်လံၚ်လုၚ် (LLPDF) လလောၚ်ပ္တိတ်လဝ် ပ္ဍဲဂိတုမာတ်ချ် (၃၁) တေံရ။
တုဲကၠုၚ် ပ္ဍဲဂိတုမာတ်ချ် (၂၂) တေံ အဟိန်မအာပစူမာၚ် သွက်ဂွံဗ္တိုက် ဒပ်ကံၚ်ဇြဳပၞာန် မဖျေံလဝ်ကၚ်တောပ်ဗ္တိုက် ပ္ဍဲပွိုၚ်ဍုၚ်လံၚ်လုၚ် ဗ္ဒါဲဒဒန်ကမျောကေန်ဂှ် ကောန်သ္ဂံၚ် PDF ကျာကလေဝ်ဝွံ ဟိုတ်နူမာၚ်လုတ်ဒကုတ်ဒးတုဲ ပြဟ်လလုဲအာလဝ်ရ။
ကောန်သ္ဂံၚ်ကျာကလေဝ်ဝွံ အခိၚ်ပစူမံၚ်မာၚ်ဂှ် ဟိုတ်နူဖုၚ်ကၠုၚ်တုဲ မာၚ်ဗ္တိုဟ်အာဂှ်ရ ဒးကဝေက်မကမ်တုဲ ဒးပြဟ်လလုဲအာလဝ်ရ။
ကောန်ဂကောံဒပ် LLPDF ဒပ်စြေက်ဍာ် ဒုသ္ကိုပ်ဒပ် ကောန်သ္ဂံၚ်လူမေဝ်ဂှ်လေဝ် တုဲကၠုၚ် ပ္ဍဲဂိတုမာတ်ချ် (၂၀) တေံ ဟိုတ်နူအကာဲအရာပရေၚ်ထတ်ယုက်တုဲ ဒးပြဟ်လလုဲအာလဝ် ပ္ဍဲကဵုဗ္ဒိုပ်ရောၚ်ဂှ် သ္ဂးရ။
သွက်ကောန်သ္ဂံၚ် PDF (၂) တၠ မပြဟ်လလုဲအာတံဂှ် ဒဒှ်ရစိုတ်ဟွံခိုဟ်ဂှ်ကီု ကုကောန်သ္ဂံၚ်မသှ်ေတံဂှ် ဆက်လုပ်အာပေါဲဗ္တိုက် သွက်ဂွံပလှ်ဖျေံ တၠအဝဵုပၞာန်ရောၚ်ဂှ် ညးတာလျိုၚ်လလောၚ်ပရိုၚ် LLPDF ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
PDF လံၚ်လုၚ်ဝွံ ကြဴနူဒပ်ပၞာန်သီအဝဵုတုဲ ဒှ်ဂကောံဒပ်ဖျေံသ္ဇိုၚ်ရးတၞၚ်သဳ မတံၚ်ဂြဲရပ်ဂွံ လွဟ်လက်လက်နက်တံတုဲ မပၠန်ဂတးဒၟံၚ်မွဲရ။
ပရိုၚ်−သြၚ်လောန်တိုၚ်(မ်)
ဗီုဓာတ်−LLPDF