ယျေသဂျိုဝ် – ဨဗြဴ(၂)
ရးဒေသမဂွေ၊ ဗ္ဒပ် PDF မၞုံပွိုၚ်ဍုၚ်ယျေသဂျိုဝ်မွဲဗ္ဒပ်ဂှ် ဒးဒုၚ်ဗတိုက်လဝ်ကဵု ဒပ်ကံၚ်ဇြဳပၞာန်ဂှ်ရ သ္ဂံၚ် PDF (၅)တၠ ဒးပြဟ်လလုဲအာလဝ်တုဲ ပ္ဍဲကဵုဂှ် သ္ဂံၚ်နေထေတ်ဝေန်(က)မိုဝ်ဒဳ အာယုက်(၂၆)သၞာံ နူဒပ်ဒမၠုက် Y.L.K ဂှ် ဂိတုဨဗြဴ စၟတ်တ္ၚဲ(၁) တ္ၚဲဏံ ကၠောန်ဗဒှ်လဝ် အခန်ကၞာစံၚ်ဇွ ဂြးဇုတ်ရဂှ် ဂွံတီကေတ်လဝ်ရ။
ကရောၚ်ပၞာန်ကံၚ်ဇြဳ ဇြဟတ်မၞုံ (၇၀)တၠ လုပ်စိုပ်ဗတိုက်လဝ် ဗ္ဒပ်ဒပ်လ္ပာ်၊ ဒပ်စဵုဒၞာညးဍုၚ်ကွာန် ဖျေံသ္ဇိုၚ်ပွိုၚ်ဍုၚ်ယျေသဂျိုဝ်ရ။
ပ္ဍဲပေါဲဗတိုက်ဂှ် သ္ဂံၚ်လုပ်ဂကောံ ဒပ်စဵုဒၞာညးဍုၚ်ကွာန် (ပ.က.ဖ) ပွိုၚ်ဍုၚ်ယျေသဂျိုဝ် (၄)တၠ ကေုာံ သ္ဂံၚ်နူဒပ်ဒမၠုက် Y.L.Kမွဲတၠတအ်ဂှ် ဒးပြဟ်လလုဲအာလဝ်တုဲ မွဲကရောံကဵုညးတအ်ဂှ် လွဟ်လက်နက်တအ်လေဝ် ဒးဆောံလေၚ်အာလဝ်ရဂှ် ဂွံတီကေတ်ရ။
သ္ဂံၚ် ပ.က.ဖ ဒးပြဟ်လလုဲလဝ် ပ္ဍဲပေါဲဗတိုက်တအ်ဂှ် ပ္ဍဲဂိတုမာတ်ချ် စၟတ်တ္ၚဲ (၃၁) အခိၚ်ဇိုၚ်သဝ်တ္ၚဲတေံ စံၚ်ဂြးကဵုလဝ်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – CJ