မျာၚ်- ဨဗြဴ(၄)
ရးဒေသမဂွေ၊ ပွိုၚ်ဍုၚ်မျာၚ် ကောန်ပၞာန် ကေုာံ ဗၠာဲသၟိၚ် သၟဝ်တဲကံၚ်ဇြဳပၞာန် (၇)တၠ ဟိုတ်နူကၠုၚ်ဖျေံလွဟ် သီုကယျိုၚ်လွဟ်လက်နက်ပေၚ်ၚ် ပ္ဍဲဇရေၚ်ဒပ်စဵုဒၞာညးဍုၚ်ကွာန်ဂှ်ရ အပ်ပြာပ်ကဵုလဝ် သြန်ပတိုန်ဂုဏ်စရာဲရဂှ် ဗိုလ်လေတ်ကျာ ပ.က.ဖ မျာၚ် တံဒပ်လၟိဟ်(၁) ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ဂိတုဨဗြဴ စၟတ်တ္ၚဲ (၃) အခိၚ်နူဂယး အကြာၜိုတ်(၁၀)နာဍဳဂှ် ကောန်ဒပ်ကံၚ်ဇြဳပၞာန် နူၝောံဒပ်-၁၀၁ (၃)တၠ ကေုာံ ဗၠာဲသၟိၚ် နူဗ္ဒပ်ဗၠာဲသၟိၚ်ရးဒေသဇၞော်မဂွေ (၄)တၠတအ် ကၠုၚ်ဖျေံလဝ်လွဟ်ရ။
အတိုၚ်ကိစ္စဆက်စၠောံလဝ်ပ္ဍဲဒပ် နူအခိၚ်ကၠာတေံဂှ် လၟုဟ်မှ ဂွံလုပ်ကၠုၚ်ဖျေံလွဟ်ရ။ ညးလုပ်ကၠုၚ်ဖျေံလွဟ်တအ်ဂှ် မွဲတၠမ္ဂး ဖျေံကဵုလဝ်လာပ် (၁၀၆)ကိုတ်ဇဳတုဲ သီုဖအိုတ် ပံၚ်ကိုတ်(၇၂၄)ဒကေဝ် အပ်ပြာပ်ကဵုလဝ်ရဂှ် ဗိုလ်လေတ်ကျာ ဟီုသ္ဂးလဝ်ရ။
မွဲကရောံကဵု ညးကၠုၚ်စိုပ်ဖျေံလွဟ် ပံၚ်တောဲဇရေၚ်ဒပ်စဵုဒၞာညးဍုၚ်ကွာန်တအ်ဂှ် လွဟ်ဂကူ MA-3 (၃) ဒကိုအ်၊ ဂကူ G-3 (၂)ဒကိုအ်၊ ဂကူ G-4 (၂)ဒကိုဟ် အပံၚ်လၟိဟ် (၇)ဒကိုအ် ပါကၠုၚ်ရဂှ် ဂွံတီကေတ်ရ။
စဵုကဵုလၟုဟ်ဏံ ကောန်ဒပ်ကံၚ်ဇြဳပၞာန် သ္ပ CDM လုပ်စိုပ်ကၠုၚ် ဇရေၚ်ဒပ်စဵုဒၞာညးဍုၚ်ကွာန် ပွိုၚ်ဍုၚ်မျာၚ် (၃၀)တၠပြၚ် နွံကၠုၚ်ဒၟံၚ်တုဲ သီုမၞိဟ်လုပ်စိုပ်ကၠုၚ်လၟုဟ်ဏံမ္ဂး ဒှ်ကၠုၚ်လၟိဟ်ဗ္ဒာဲ (၄၀)တၠရဂှ် ဂွံတီကေတ်ရ။
ကြဴနူဒပ်ပၞာန်သီအဝဵုတုဲဂှ် ကောန်ဒပ် CDM ပံၚ်တောဲကၠုၚ်ကဵုညးဍုၚ်ကွာန်တအ် (၁၆၀၀၀) ပြၚ် နွံကၠုၚ်ဒၟံၚ်ရဂှ် အလဵုအသဳပရေၚ်ညဳသၟဟ်ကောန်ဂကူ NUG လလောၚ်တြးလဝ် ပရိုၚ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – (ပ.က.ဖ)မျာၚ်