ဇျှၚ်မာဲ-ဨဗြဴ(၄)
ဟိုတ်နူ PM2.5 တိတ်ကၠုၚ်အခိၚ်စံၚ်ဝါဗ္ၚဂှ်တုဲ သွက်ဂွံယှအ်ဖ္အောန်ဖျေံ ကျာကၠိခ္ဍက်ဂှ် ဘာဗ္တောန်လိက် ခရိုၚ်ဇျှၚ်ရာဲ သ္ကုတ်သၟဝ်ကျာဍုၚ်သေံမွဲဘာ ကွက်စုတ်လဝ် မလိက်ကဵုသတိ ကုသၟာဗ္ၚတအ်တုဲ ပဝ်တိုန်လဝ်ရ။
ပ္ဍဲကဵုဒရုမ်ဂှ် ပိုဲယီုဟွံဂွံရ။ သ္ပဂုဏ်တုဲ ဒေါံကဵု ပွမစံၚ်ပၟတ်ဂြိုပ်အိုတ်ညိ၊ ဟံၚ်ပြာ် သ္ကုတ်သၟဝ်ကျာညိဂးတုဲ ကွက်စုတ်လဝ်မလိက်တအ်ရ။
မတ်ပိုဲသၠာန်မံၚ်ယျ၊ ကအ်ပိုဲလေဝ် ဂိဒၟံၚ်အိုတ်ယျ မပ္တံဗီုဏံ လိက်သ္ပပြာကတ်ကဵု ဖိုလ်အဆက်ပရေၚ်ထတ်ယိုတ် က္တဵုဒှ်ကၠုၚ် ဟိုတ်နူကျာကၠိခ္ဍက်တအ်လေဝ် ပါလုပ်ဒၟံၚ်ကီု မအက္ခရ်လိက် သွက်ဂွံစုတ် Mask ပ္ဍဲခရိုၚ်ဂှ်လေဝ် ပါလုပ်ဒၟံၚ်ရ။
ကၠောန်ဗဒှ်အစဳဇန်လၟုဟ်ဏံဂှ် ဒၟာနူပရေၚ်မၞိဟ်တအ် ဂိကၠုၚ်ဒၟံၚ်ယဲ ဟိုတ်နူကျာဟွံသ္အးဇ္ၚးတုဲ ဆေၚ်စပ်ဒၟံၚ်ကဵု PM2.5 ပ္ဍဲဒေသတုဲ ကၠောန်သ္ပလဝ်ရဂှ် ဂွံတီကေတ်ရ။
သ္အာၚ်နူဏံပၠန် ပရေၚ်ကၠိခ္ဍက် PM2.5 ဂှ် က္တဵုဗဒှ်ကဵု စဵုဒးအိုတ်လမျီုမာန်ဒၟံၚ်ကီု ခၞိက်တအ်ဂှ် ဍောတ်နူ ၂.၅ မိုက်ခရိုဝ်မဳတာတုဲ ပြးသဝဝ်ဒၟံၚ် ပ္ဍဲဗလးကျာရဂှ် ဂွံတီကေတ်ရ။
စဵုကဵုတ္ၚဲလကြဴအိုတ် ဂိတုဨဗြဴ စၟတ်တ္ၚဲ (၂) တုဲကၠုၚ်ဏံဂှ် PM2.5 ဂှ် ဒှ်ကၠုၚ်ဒၟံၚ် အကာဲအရာသ္ပကဵုအန္တရာယ် ပ္ဍဲဇျှၚ်ရာဲ ကေုာံဇျှၚ်မာဲတအ် နွံဒၟံၚ်ရဂှ် ဟီုသ္ဂးလဝ်ရ။
အတိုၚ်တၚ်လလောၚ်တြး ဌာနက္ဍိုက်က္ဍိုပ်ပရေၚ်ထိၚ်ဒဝ်ကျာဟွံသ္အးဇ္ၚး လလောၚ်တြးလဝ်မ္ဂး PM2.5 ပ္ဍဲခရိုၚ်ဇျှၚ်ရာဲ ကေုာံ ဇျှၚ်မာဲတအ်ဂှ် ပ္ဍဲ(၁)ကုဗမဳတာကျာဂှ် စဵုကဵု(၁၉၄) ကေုာံ (၁၇၂) မိုက်ခရိုဝ်ဂရာမ် နွံဒၟံၚ်ရဂှ် ဂွံတီကေတ်ရ။
ပ္ဍဲကၟိန်ဍုၚ်သေံ စပ်ကဵု PM2.5 တုဲ ဗ္ၜတ်ဗၠးဘဲအန္တရာယ်ဂှ် ပ္ဍဲကျာမွဲကုဗမဳတာဂှ် ဒှ်ဆၜိုတ် (၅၀) မိုက်ခရိုဝ်ဂရာမ်ဟေၚ်ရဂှ် ဂွံတီကေတ်ရ။
အစဳဇန်ဏံဂှ် ဂကောံ Radio Control Airplane Modeller Sport၊ ကံၚ်ဇြဳသုတေသနကောန်ဂကူ ဍုၚ်သေံ ကေုာံဌာနဝန်ဇၞော်ပရေၚ်ပညာကဆံၚ်သၠုၚ်တအ် ပံၚ်တောဲရေၚ်တၠုၚ်လဝ်ရဂှ် ဂွံတီကေတ်ရ။
Ref,Straits Times