နေပျဳဒဝ်-ဨဗြဴ(၆)
ပ္ဍဲအတးသၚ်္ကြာန် ကံၚ်ဇြဳပၞာန်ထ္ၜးဗီုပြၚ် ပ္တိတ်ဒၟံၚ်ဇြဟတ် ညံၚ်ဂွံပြံၚ်အာရီု ကၟိန်ဍုၚ်နာနာ ကေုာံညးဍုၚ်ကွာန်တအ်ဂှ် ဟိုတ်နူပတိုန်ထ္ၜးအာ ဒွက်ဂမၠိုၚ်ဂှ်ရ သွက်ဂွံကဵုအခေါၚ်သုၚ်စောဲ ဒွက်ပါလုပ် ပ္ဍဲကဏ္ဍလဟိၚ်စိုတ် ဗွဲမသက္ကုၚုဟ်မးဂှ် အာတ်မိက်ကၠုၚ် နူကဵုလိက်ပရိုၚ်တြးဝါဒ မွဲကဆံၚ်ရ။
သွက်ဂွံကဵုအခေါၚ်သုၚ်စောဲ ဗွဲမေတ္တာမသက္ကုၚုဟ်မးဂှ် ဌာနဝန်ဇၞော်လလောၚ်ပရိုၚ်သၟဝ်တဲကံၚ်ဇြဳပၞာန် အာတ်မိက်လဝ် တၠပညာ ညးပိုၚ်ပြဳမူအခေါၚ် မဆေၚ်စပ်တအ် နကဵုမေတ္တာ ဗွဲမရှ်ေသှ်ေရဴဂဴဂှ် ဟီုသ္ဂးလဝ်ရ။
အတးသၚ်္ကြာန်သၞာံဏံ ကံၚ်ဇြဳပၞာန်ကၠောန်ရေၚ်တၠုၚ်ဒၟံၚ် သွက်ဂွံကၠောန်ဗဒှ်ဂဵုလဟဵု ပ္ဍဲဍုၚ်ဇၞော် ညံၚ်ရဴ ဍုၚ်လဂုၚ်၊ ဍုၚ်အၚ်ဝ၊ ကေုာံနေပျဳဒဝ်တအ်ရ။
ဒွက်ပါလုပ် ပ္ဍဲကဏ္ဍဒယှ်ေထ္ၜးလဟိၚ်စိုတ်၊ ပရေၚ်ဗလးပ္တိတ်တအ်ဂှ် ရန်တၟံလဝ် သွက်ပရဲပရေၚ်ပိုန်ဒြပ်ဟွံသေၚ် သွက်ဂွံလဟိၚ်စိုတ် ညးဍုၚ်ကွာန်တအ်ဂှ်ရ ညံၚ်ဂွံသ္ပကဵုအခေါၚ်သုၚ်စောဲ ဗွဲမသက္ကုၚုဟ်မးဂှ် အာတ်မိက်လဝ် ညးပိုၚ်ပြဳမူအခေါၚ်မဆေၚ်စပ်တအ် နကဵုမေတ္တာဗွဲမရှ်ေသှ်ေရဴဂဴဂှ် သ္ဂးလဝ်ရ။
ပ္ဍဲသ္ဘၚ်အတးသၚ်္ကြာန် ကံၚ်ဇြဳပၞာန်ကၠောန်ဗဒှ်လဝ် သၞာံတုဲကၠုၚ်တေံလေဝ် သၟာဒယှ်ေဒွက်ယၟုဒယှ်ဗွဲမဂၠိုၚ် ဟိုတ်နူဟွံပါလုပ်ဂှ်ရ ၜိုန်ရဖ္အောဝ်စကာလဝ် ညးတၞဟ်သ္အာၚ် တိုန်လဟိၚ်စိုတ် လ္တူစၚ်ကီုလေဝ် မုက်ဂွနှဳတုဲ ဟိုတ်နူသတ်ဒွက်ဗၠေတ်မှာလဝ်ဂှ်ရ ဒးဒုၚ်ဟီုဗျံက်လဝ်ကဵု ညးဍုၚ်ကွာန်တအ်ရ။
သ္အာၚ်နူဂှ်ပၠန် ညးပိုၚ်ပြဳမူအခေါၚ်မဆေၚ်စပ်တအ်လေဝ် ပလီုပလာ်လဝ် ဒွက်တမ်မူလရဂးတုဲ ပရေၚ်ဒစဵုဒစးလေဝ် နွံကၠုၚ်ဒၟံၚ်ကီုရ။
လ္ပာ်ဂကောံဇြဟတ်ပၠန်ဂတးတအ်ဂှ် ညံၚ်ညးဍုၚ်ကွာန်တအ် ဟွံဂွံပါလုပ် ပ္ဍဲသ္ဘၚ်အတးသၚ်္ကြာန် ကံၚ်ဇြဳပၞာန်ပ္ကီုပရာပ်ကၠောန်ဗဒှ်ဂှ် ဟီုဗတိုက်ဖ္အောဝ်လဝ်ရ။
ပရိုၚ်/ဗီုရုပ်-သြၚ်လောန်တိုၚ်(မ်)