သေတ်တွေ – ဨဗြဴ(၁၁)
ဗှ်ဗၞုဟ် သ္ပဏာရှ်ေသှ်ေ ကုအာဇာနဲတၠအစောန် ကေုာံညးဍုၚ်ကွာန်ရခေၚ် သၠးပွးကၠုၚ်လဝ်လမျီု၊ သ္ၚိဌာန်၊ အဝယ်ကာယ ပ္ဍဲတရဴဇမ္ၚောဲပရေၚ်ပၠန်ဂတးဏံ အလုံသီုဖအိုတ်ရဂှ် ဌာနဝန်ဇၞော်ပရေၚ်စဵုဒၞာ အလဵုအသဳပရေၚ်ညဳသၟဟ်ကောန်ဂကူ ပလံၚ်ဗစိုပ်လဝ် လိက်သဝဏ်ရ။
ဓမံက်ထ္ၜးလဝ် ပ္ဍဲကဵုလိက်သဝဏ် ပလံၚ်ဗစိုပ်လဝ် တ္ၚဲဒပ်ပၞာန်ရခေၚ် မရနုက်ကဵု (၁၄)ဝါ စိုပ်ကၠုၚ် ပ္ဍဲတ္ၚဲဏံ ဂိတုဨဗြဴ စၟတ်တ္ၚဲ (၁၄)ဂှ်ရ။
သွက်ညးဍုၚ်ကွာန်ရခေၚ်တအ် သ္ဂောံက္လိဂွံ အခေါၚ်အုပ်ဓုပ်ပိုၚ်ပြဳဇကု အခေါၚ်ပျးဌာန်ဇကု အခေါၚ်ဖန်ဖက် ကံကုသဵုဇကု ဍိုက်က်ပေၚ်ၚ်မာန်ဂှ် ဒက်ပ္တန်ကၠုၚ်လဝ် ဒပ်ပၞာန်ရခေၚ်တုဲ ပၠန်ဂတးလုပ်ကၠုၚ်လဝ်ပေါဲဗတိုက် ပေၚ်ကၠုၚ် ပွိုၚ်(၁၄)သၞာံတုဲဂှ်ရ ကေတ်ဒၟံၚ်ဂုဏ်စရာဲ မိပ်ဒၟံၚ်စိုတ် မွဲကရောံကဵု ကောန်ညးဍုၚ်ကွာန်ရခေၚ်တအ်မွဲစွံရဂှ် ဟီုသ္ဂးလဝ်ရ။
အခိၚ်လၟုဟ်ဏံမ္ဂး ပ္ဍဲကဵုပၞာန်ပၠန်ဂတးညးဍုၚ်ကွာန် ဝေၚ်ဒၟံၚ်ပၞာန် ပၞောန်ဒစေၚ်ဟွံသှ်ေ သီုကွဳသီုဂၠုၚ် အလုံမွဲကၟိန်ဍုၚ်ဂှ် ဒပ်ပၞာန်ရခေၚ် ဒတူလာၚ်လဝ် မွဲကရောံမွဲစွံကဵု ညးဍုၚ်ကွာန် ဒးဒုၚ်ဍဵုဍိုက်ဒၟံၚ်ဂှ်တုဲ ပၠန်ဂတးဒၟံၚ်ကဵုသၞဒတန်ကဝ်သ္ကာတ်တ်မြဟ်ဟ်ကီု ကဵုဂကောံဇြဟတ်ပၠန်ဂတးတအ်လေဝ် ပံၚ်တောဲထ္ၜလဘာ်ကဵုဒၟံၚ်ကီုရဂှ် ဓမံက်ထ္ၜးလဝ် ပ္ဍဲလိက်သဝဏ်ဂှ်ရ။
သ္အာၚ်နူဏံပၠန် သွက်ဂွံဗတိုက်သရိုဟ် သၞဒ္တန်ကဝ် ကံၚ်ဇြဳပၞာန်မာန်ဂှ် ဒးပ္တိတ်ဇြဟတ်ရုန်ဂစာန်အာ မွဲကရောံမွဲစွံ ညဳညဳသာသာရောၚ်ဒှ်တုဲ နကဵုဒပ်ပၞာန်ရခေၚ် ညံၚ်ဂွံရေၚ်တၠုၚ် ဓမံက်အာရုပ်ရဴ တၚ်ရန်တၟံပရေၚ်ဍုၚ်ကွာန်၊ ပရေၚ်ကောန်ဂကူ ညးဍုၚ်ကွာန်ရခေၚ်တအ် ဍိုက်က်ပေၚ်ၚ်မာန်ဂှ်လေဝ် ရာဒၞာမိက်လဝ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – MOD