တၞၚ်သဳ၊ ဨဗြဴ(၁၆)
ရးဒေသဇၞော်တၞၚ်သဳ၊ ကောန်ဒပ်ကံၚ်ဇြဳပၞာန်မွဲတၠ သ္ပ CDM တုဲ ကၠုၚ်စိုပ်ဖျေံလဝ်လွဟ် ဇရေၚ်ဒပ်စဵုဒၞာညးဍုၚ်ကွာန် (ပကဖ) ပွိုၚ်ဍုၚ်တၞၚ်သဳ သီုကဵုလွဟ်လက်နက်ရဂှ် ညးတာလျိုၚ်ပကဖ ပွိုၚ်ဍုၚ်တၞၚ်သဳ ဟီုကဵုဌာန်ပရိုၚ်သြၚ်လောန်တိုၚ်(မ်)ရ။
ပွိုၚ်ဍုၚ်တၞၚ်သဳ ကောန်ဒပ် နူကဵုဒပ်- ၅၆၁ ဖျေံသ္ဇိုၚ်ညံၚ်ပေန်ကွေန် မၞုံယၟုအောၚ်နိုၚ်မိုဝ်ဂှ် သီုကဵု MA 3 မံၚ်ကလေၚ်မွဲဒကိုအ်၊ ဗုမ်ကၠဟ် ၁ မ၊ မကမ် ၂၀၀ မ၊ သီုဗွိုက်လတက်ခြပ်လ္ၚဵု ကၠုၚ်စိုပ်လုပ်ဗ္ဒဗ္ဒာဲ ဇရေၚ်(ပကဖ)ပွိုၚ်ဍုၚ်တၞၚ်သဳရ။
သ္ဂံၚ်လုပ်လဝ် CDM သီုကဵုလွဟ်လက်နက်ဂှ် ဂကောံကောပ်ကာဲဒေသပၞာန်တၞၚ်သဳ သွက်အပ်ပြာပ်ပတိုန်ဂုဏ်စရာဲ သြန်ဟွံအောန်နူ ၃၀ ကိုတ်ဒ္ကေဝ်နွံတုဲ အတိုက်ပၟိက်ဆန္ဒသ္ဂံၚ်ဂှ် ကၠောန်ရေၚ်တၠုၚ်ကဵုရောၚ်ဂှ် ဟီုသ္ဂးလဝ်ရ။
အခိၚ်လၟုဟ်ဏံမ္ဂး သ္ဂံၚ် CDM ဂှ် စွံလဝ်ကဵု ပ္ဍဲဒၞာဲဂွံဖျေံစိုတ် သွက်ပရေၚ်ဂီုကၠီုတုဲ ဖ္ဍိုက်ဗပေၚ်ကဵုလဝ် သွက်ပရေၚ်မံၚ်စံၚ်စသုၚ်ရဂှ် ဟီုသ္ဂးလဝ်ရ။
ကြဴနူဒပ်ပၞာန်သီအဝဵုတုဲ ကောန်ဒပ်ကံၚ်ဇြဳပၞာန် လုပ်စိုပ်ဗ္ဒဗ္ဒာဲ သ္ပကၠုၚ် CDM ပ္ဍဲဇရေၚ် ပကဖပွိုၚ်ဍုၚ်တၞၚ်သဳ ၁၀ တၠလ္ပာ်လ္တူနွံဒၟံၚ်တုဲ ပ္ဍဲကဵုဂှ်ဗွဲမဂၠိုၚ်မ္ဂး ဒှ်ညးကလေၚ်ဗတိုက်ဒၟံၚ်ကဵု ကံၚ်ဇြဳပၞာန်ရဂှ် ဂွံတီကေတ်ရ။
အတိုၚ်အလဵုအသဳပရေၚ်ညဳသၟဟ်ကောန်ဂကူ NUG ဟီုသ္ဂးလဝ်မ္ဂး ပ္ဍဲမွဲကာလဒပ်ပၞာန်သီအဝဵု ကောန်ဒပ်ကံၚ်ဇြဳပၞာန် သ္ပကၠုၚ် CDM ဗ္ဒာဲ ၁၀၀၀၀ တၠ နွံဒၟံၚ်ရဂှ် လလောၚ်တြးလဝ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် -Thanintharyi PDF