ၜဳကလေၚ်၊ ဨပရဴ (၁၈)
ပ္ဍဲတွဵုရးဍုၚ်မန်၊ ပွိုၚ်ဍုၚ်ၜဳကလေၚ်၊ ပ္ဍဲကွာန်ဒံၚ်ကျဳကဵု ကွာန်ဒံၚ်သောန်တံဂှ် ပ္ဍဲဂိတုဨပရဴ (၁၆) တေံ ကြဴနူမာၚ် (၂) မ ဗ္တိုဟ်တုဲဂှ် ဒပ်ကံၚ်ဇြဳပၞာန် ရပ်ဒက်ဏာ ညးသၟတ် (၈) တၠဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲကဵုဂှ် အခိၚ်နူဂယး ပ္ဍဲကဵုကွာန်ဒံၚ်ကျဳ ဇိုၚ်ဒဵုကေလာသ ဗ္ဒါဲသ္ၚိဗဴဇု မာၚ်တဲ မွဲမဗ္တိုဟ်အာလဝ်တုဲ ပ္ဍဲဗ္ဒါဲကၠအ်ပ္ကဴဒံၚ်သောန် မၞုံအရာပ်ၝောံဍုၚ် ကွာန်ဒံၚ်သောန်တံဂှ်လေဝ် အဃောညးဒေသတံ ဝေၚ်ဒၟံၚ်ဍာ်ဂှ် မာၚ်ထပ်ဗ္တိုဟ်ထ္ကးအာလဝ်ရ။
ကြဴနူမာၚ်ဗ္တိုဟ်ထ္ကးတုဲ ဒပ်ကံၚ်ဇြဳပၞာန် ရပ်ဒက်ဏာ ညးသၟတ် နူကဵုကွာန်ဒံၚ်ကျဳဂှ် (၄) တၠ ကေုာံ ညးသၟတ် ဒၟံၚ်ကွာန်ဒံၚ်သောန်ဂှ် (၄) တၠ အပံၚ်ဖအိုတ် ညးသၟတ် (၈) တၠ ရ။
ညးသၟတ် (၈) တၠ နူကဵုဒပ်ကံၚ်ဇြဳပၞာန်တံ မရပ်ဒက်ဏာဂှ်ဝွံ ဒဵုကဵုအခိၚ်လၟုဟ် ဟွံဂွံအဆက်ကဵုသ္ၚိကၟိန်ဏီဖိုဟ်ဂှ် ညးဒေသမွဲတၠ ဟီုရ။
ဟိုတ်နူမာၚ်ဗ္တိုဟ်ထ္ကးတုဲ ကောန်ၚာ်အာယုက် (၁၀) သၞာံမွဲတၠပါလုပ်ကီု ညးဒေသ (၄) တၠ ကလိဂွံလဝ်ဝပ်တုဲ စမြိုၚ်လ္ၚဵု ဇီုကပိုက်လီုလာ်အာလဝ်တံ က္တဵုဒှ်လဝ်ဂှ် ဂွံတီကေတ်ရ။
ပ္ဍဲပွိုၚ်ဍုၚ်ၜဳကလေၚ်ဂှ် ကြဴနူဒပ်ပၞာန်သီအဝဵုတုဲ မွဲဏှမွဲဏှဟီုဂွံ ဗမ်ဗ္တိုဟ်ထ္ကးတံကဵု ပရေၚ်ပန်ပှော်မွဲလ္ပာ်ကုမွဲလ္ပာ်တံ က္တဵုဒှ်ဒၟံၚ်တုဲ ဟိုတ်နူလၟေၚ်ဒဒှ်ဏံတုဲ ညးဍုၚ်ကွာန်ကောန်အရာပ် ဇီုကပိုက်ချိုတ်ဂျိုၚ်တံလေဝ် နွံဒၟံၚ်ရ။
ပရိုၚ်−သြၚ်လောန်တိုၚ်(မ်)
ဗီုဓာတ်−CJ