သေတ်ဂါၚ် – မေ (၃၀)
ပ္ဍဲသၞာံ ၂၀၂၃ ဂိတုဨဗြဴဂှ် ပ္ဍဲကဵုပေါဲဗတိုက်ဆေၚ်မုက် ကံၚ်ဇြဳပၞာန် ကေုာံဒပ်စဵုဒၞာညးဍုၚ်ကွာန်တအ်ဂှ် လ္ပာ်ကံၚ်ဇြဳပၞာန် ဒးချိုတ်လဝ် (၅၂၇) တၠတုဲ ဒးလဝ်ဘဲဝပ် (၈၀၁) တၠရဂှ် ဌာနဝန်ဇၞော်ပရေၚ်စဵုဒၞာ NUG ဒေသပၞာန်စၟတ် (၁) လလောၚ်တြးလဝ်ပရိုၚ်ရ။
ကံၚ်ဇြဳပၞာန်ကဵု ဒပ်စဵုဒၞာညးဍုၚ်ကွာန်တအ် ပံၚ်လၟိဟ်ပေါဲဗတိုက် (၄၁၅)ဝါ က္တဵုဒှ်လဝ်တုဲ ပ္ဍဲကဵုပေါဲ ဗတိုက်ဂှ် လ္ပာ်ကံၚ်ဇြဳပၞာန် ဒးဂိလဝ်ရ။
ဂကောံပံၚ်တောဲ PDF၊ ပ.က.ဖ သၟဝ်ပရေၚ်ကောပ်ကာဲ ဒေသပၞာန်စၟတ် (၁)ကဵု EROs တအ် ဗတိုက် လဝ်ကံၚ်ဇြဳပၞာန်တုဲ ပ္ဍဲပေါဲဗတိုက်ဂှ် လ္ပာ်ဒပ်စဵုဒၞာညးဍုၚ်ကွာန် ဒးသၠးပူဇဴဏာလဝ်လမျီု (၃၉)တၠတုဲ (၁၃၅)တၠ ဇီုကပိုက်ဒးလဝ်ဘဲဝပ်ရဂှ် ဂွံတီကေတ်ရ။
ဓမံက်ထ္ၜးကဵု တၚ်ဂၞၚ်က္တဵုဒှ်လဝ် ပ္ဍဲရးသေတ်ဂါၚ်၊ ရးမဂွေ၊ တွဵုရးသေံသၟဝ်ကျာ၊ မဒှ်ဒေသပၞာန် အလဵုအသဳပရေၚ်ညဳသၟဟ်ကောန်ဂကူ စၟတ်(၁)ဂှ်တုဲ သီဂွံလဝ်လွဟ်လက်နက်နူသၞ ဂကူစုၚ် (၄၉)ဒကိုအ်ကီု သီုမကမ်ဗွဲမဂၠိုၚ်ရဂှ် ဟီုသ္ဂးလဝ်ရ။
ပ္ဍဲဂိတုမာတ်ချ် တုဲကၠုၚ်တေံလေဝ် ပ္ဍဲဒေသပၞာန်စၟတ် (၁)ဂှ် ပံၚ်လၟိဟ်ပေါဲဗတိုက် က္တဵုဒှ်လဝ် ကဵုကံၚ်ဇြဳပၞာန် (၄၃၇)ဝါတုဲ လ္ပာ်ကံၚ်ဇြဳပၞာန် ဒးချိုတ်လဝ် (၆၁၂)တၠရဂှ် ဌာနဝန်ဇၞော်ပရေၚ်စဵုဒၞာ NUG လလောၚ်တြးလဝ်ပရိုၚ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – MOD
sanlontai