ဒး၊ ဗၠေတ်
မ္ၚဵုရအဴ။
ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရအဴ။
တ္ၚဲဏံ ပရူပရာ ရဲထံက်ဂလာန်ဒပ်ပၞာန်တံ မတြးဒၟံၚ် “ ဒုသ္ကိုပ်က္ဍိုက်ပ်ပၞာန် KNDF မာဝဳ ကလိဂွံဝပ်သ္ကာတ်မြဟ်” ဂှ် စၟဳတ်ကဵုအာရောၚ် မဒှ်ရ။
ပရူပရာဏံဂှ် ပ္ဍဲဂိတုဒဳဇြေမ်ဗာ (၁) တေံ နူကဵုထလဳဂရာမ်ချာန်နေဝ် မှိုၚ်ဝေ၊ Kyaw Swar မလေပ်တြးကၠေံ ပရူထံက်ဂလာန်ဒပ်ပၞာန်တံ ဗွဲမဂၠိုၚ်ဂှ် စတြးကၠုၚ်လဝ်ရ။
စပ်ကဵုပရူပရာ မပါလုပ် ပ္ဍဲပသ်ထ်ဂှ်တုဲ နူကဵုသြၚ်လောန်တိုၚ်(မ်) စၟဳတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ်တြးဝါဒမွဲဂှ် စၟဳတ်ဂွံဆဵုကေတ်ရ။
လၟေၚ်ဒဒှ်ဍာံဂှ် ဒုသ္ကိုပ်က္ဍိုက်ပ်ပၞာန် KNDF မာဝဳဂှ် ဒဒှ်ရထတ်ယုက်ဒၟံၚ်ဂှ် ပ္တိုန်လဝ် Video Clip ပ္ဍဲကဵုအကံက်ဝှေတ်ဗော် အလဵုညးမသုၚ်စောဲဒၟံၚ်ဂှ်တုဲ ကဵုလဝ်ပရိုၚ် ကုညးဍုၚ်ကွာန်ဂမၠိုၚ် လလောၚ်ပ္တိတ်လဝ်တုဲ ပ္ဍဲကဵုပေါဲဗ္တိုက်သီဗ္ဒိုပ် ကေုာံ ပရေၚ်ပၞာန် လ္တူဍုၚ်လွိုၚ်ကဝ်တံဂှ် သ္ကိုပ်သ္ကပါလုပ်ဒၟံၚ်ဖိုဟ်ရောၚ် လလောၚ်ပ္တိတ်လဝ် ဗွဲမလုပ်သၞောဝ် ပ္ဍဲကဵုတၚ်လလောၚ်တြးပရိုၚ် ပရေၚ်ပၞာန် KNDF တံဂှ် စၟဳတ်ဂွံဆဵုကေတ်ရ။
မုက်လိက်အကံက်ဝှေတ်ဗော် ဒုသ္ကိုပ်က္ဍိုက်ပ်ပၞာန် KNDF မာဝဳ
မုက်လိက်ဝှေတ်ဗော် KNDF
ဌာန်ပရိုၚ် PVTV ထ္မံက်ထ္ၜးလဝ်ပရိုၚ်ဂှ်
ဟိုတ်နူတၚ်နၚ်တံဏံတုဲ ပရိုၚ်ဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ်ညံၚ်ကဵု “ဒုသ္ကိုပ်က္ဍိုက်ပ် KNDF မာဝဳ ကလိဂွံဝပ်သ္ကာတ်မြဟ်” ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။
သြၚ်လောန်တိုၚ်(မ်)