ဒး၊ ဗၠေတ်
မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရအဴ။
တ္ၚဲဏံ ပရူပရာ ရဲထံက်ဂလာန်ဒပ်ပၞာန်တံ မတြးဒၟံၚ် ညးဒုၚ်ကာပရေၚ်ပညာ ကေုာံ ကောန်ဇာတ်ဂမၠိုၚ် မရီုပ္တိတ်ထိၚ်ဒက်လဝ် နူကဵုအကြာပေါဲဗ္တိုက် တက္ကသိုလ်လွိုၚ်ကဝ်ဂှ် လ္ပထိၚ်လဝ်လအ်အ်မွဲသာ် သွက်ဂွံကလေၚ်ဗလးကဵု ဗွဲမပြဟ်ဂှ် အလဵုအသဳ NUG အာတ်မိက် KNDF ဂှ် စၟဳတ်ကဵုအာရောၚ် မဒှ်ရ။
ပရူပရာဏံဂှ် ပ္ဍဲဂိတုနဝ်ဝေမ်ဗာ ၂၂ တေံ နူကဵုအကံက်သၟဝ်ဂကောံပၞာန်တံ မပ္တံကဵု KO THETS, ဟာန်ညုၚ်ဥူတံ ချူတြးလဝ်ဝါဒ ပ္ဍဲကဵုဇာဇၞိက်ပရေၚ်မၞိဟ်၊ ထလဳဂရာမ်ချာန်နေဝ် ကေုာံ Tiktok တံရ။
စပ်ကဵုပရူပရာ မပါလုပ် ပ္ဍဲပသ်ထ်ဏံဂှ်တုဲ နူကဵုသြၚ်လောန်တိုၚ်(မ်) စၟဳတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ်တြးဝါဒမွဲဂှ် စၟဳတ်ဂွံဆဵုကေတ်ရ။
လၟေၚ်ဒဒှ်ဍာံဂှ် ပ္ဍဲကဵုမုက်လိက် ဇာဇၞိက်ပရေၚ်မၞိဟ် အလဵုအသဳညဳသၟဟ်ဂကူ NUG ဂှ်လေဝ် တၚ်လလောၚ်တြး မချူလဝ်ပရူပရာသာ်ဏံပါလုပ်ဂှ် ဟွံဂွံဆဵုကေတ်တုဲ ထ္မံက်ထ္ၜးလဝ် ပ္ဍဲကဵုဌာန်ပရိုၚ်ဗၠးၜးဂမၠိုၚ် ကေုာံ ဒပ်စဵုဒၞါကောန်ဂကူကရေၚ်ဍာဲ KNDF တံလေဝ် ဟွံမွဲပုဟ်ဂှ် စၟဳတ်ဂွံဆဵုကေတ်ရ။
မုက်လိက်ဇာဇၞိက်ပရေၚ်မၞိဟ် NUG မလုပ်သၞောဝ်ဂှ်
http://surl.li/nuuqj
အခိၚ်လၟုဟ် ကြဴနူကံၚ်ဇြဳအုပ်ဓုပ်ကာလအကြာ ရးကရေၚ်ဍာဲ ဂၠိုက်ဂၠါဲစၟဳတ် အ္စာ၊ အ္စာၝောံ Non-CDM ဂမၠိုၚ် ကေုာံ ကောန်ဇာတ်ညးတံ မရီုပ္တိတ်နၚ် နူကဵုတက္ကသိုလ်လွိုၚ်ကဝ်တံတုဲဂှ် ၁၉၃ တၠဂှ် သ္ကဵုစဴလဝ်ဌာန်ဒၟံၚ်တုဲ ကဵုလဝ်ဒဏ် ဗက်ဗဒဴကၠေံ မ္ၚးတွဵုရးကရေၚ်ဍာဲ ဒတုဲဂှ် ကံၚ်ဇြဳအုပ်ဓုပ်ကာလအကြာကရေၚ်ဍာဲ လလောၚ်ပ္တိတ်လဝ်ပရိုၚ် ပ္ဍဲဂိတုနဝ်ဝေမ်ဗာ ၂၉ တေံရ။
ဌာန်ပရိုၚ် (ဆီသို့- Towards) ထ္မံက်ထ္ၜးလဝ်ဂှ်
http://surl.li/nuuri
ကံၚ်ဇြဳအုပ်ဓုပ် ကာလအကြာရးကရေၚ်ဍာဲ (IEC) လလောၚ်ပ္တိတ်လဝ်ဂှ်
http://surl.li/nuuro
ဟိုတ်နူတၚ်နၚ်တံဏံတုဲ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ညးဒုၚ်ကာပရေၚ်ပညာ ကေုာံ ကောန်ဇာတ်ဂမၠိုၚ် မရီုပ္တိတ်ထိၚ်ဒက်လဝ် နူကဵုအကြာပေါဲဗ္တိုက် တက္ကသိုလ်လွိုၚ်ကဝ်ဂှ် လ္ပထိၚ်လဝ်လအ်အ်မွဲသာ် သွက်ဂွံကလေၚ်ဗလးကဵု ဗွဲမပြဟ်ဂှ် အလဵုအသဳ NUG အာတ်မိက် KNDF” ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။
သြၚ်လောန်တိုၚ်(မ်)