ဒး၊ ဗၠေတ်
မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရအဴ။
တ္ၚဲဏံ ပရူပရာ ရဲထံက်ဂလာန်ဒပ်ပၞာန်တံ မတြးဒၟံၚ် “ဗ္ဒိုပ်ဇိုၚ်ဒဵုယှိုဲကျေန် ဂကောံပၞာန်တံဂှ် ဒးဒုၚ်သီလဝ်ဟွံသေၚ်ပုဟ်။ PDF ၇၀ တၠပြၚ် ချိုတ်လဝ်” ဂှ် စၟဳတ်ကဵုအာရောၚ် မဒှ်ရ။
ပရူပရာဏံဂှ် ပ္ဍဲဂိတုနဝ်ဝေမ်ဗာ ၂၀ တေံ နူကဵုအကံက်မှိုၚ်ဝေ၊ Kyaw Swars၊ ဟာန်ညုၚ်ဥူတံ တြးလဝ်ဝါဒ ချူတြးလဝ် ပ္ဍဲကဵုဇာဇၞိက်ပရေၚ်မၞိဟ်ဝှေတ်ဗော်၊ ထလဳဂရာမ်ချာန်နေဝ်၊ Tiktok တံရ။
စပ်ကဵုပရူပရာ အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ်ဂှ်တုဲ နူကဵုသြၚ်လောန်တိုၚ်(မ်) စၟဳတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ် တြးဝါဒမွဲဂှ် စၟဳတ်ဂွံဆဵုကေတ်ရ။
လၟေၚ်ဒဒှ်ဍာံဂှ် ပ္ဍဲဂိတုနဝ်ဝေမ်ဗာ ၁၇ တေံ ဂကောံဒပ်ပံၚ်ကောံမဟာမိတ် ဒပ်ပၞာန်ဗၠးၜးကောန်ဂကူကရေၚ် KNLA ကဵု ဒပ်ပၞာန်ဗၠးၜးညးဍုၚ်ကွာန်ဗၟာ BPLA တံ ပါလုပ်ဂှ် ဒဒှ်ရဗ္တိုက်သီဂွံလဝ် ဗ္ဒိုပ်ဇိုၚ်ဒဵုမွဲ တမ်ဒပ်ခမရ ၃၅၁ သၟဝ်ဌာန်ဂအုပ်ပၞာန်ရးသၠုၚ်ကျာ မၞုံဗ္ဒါဲကွာန်ကျာချံၚ်၊ ပွိုၚ်ဍုၚ်ယှိုဲကျေန်၊ ရးဗဂေါဂှ် စၟဳတ်ဂွံဆဵုကေတ် အတိုၚ်ဌာန်ပရိုၚ်ဗၠးၜးဂမၠိုၚ် ကေုာံ တၚ်လလောၚ်တြး BPLA ရ။
ဗ္ဒိုပ်ဒပ်ဂကောံပၞာန် မၞုံဗ္ဒါဲကွာန်ကျာချံၚ် ခြာဇမ္ၚောဲ ဗၞတ် ၁၅ မိုၚ် နူကဵုသၠုၚ်ကျာဍုၚ်ယှိုဲကျေန်ဂှ် ဂကောံဒပ်ပၠန်ဂတး KNLA ကေုာံ BPLA တံ လုပ်စိုပ်ဗ္တိုက်လဝ်တုဲ က္တဵုဒှ်လဝ်ပေါဲဗ္တိုက် လလအ်ပွိုၚ် ၂၀ မိနေတ်တုဲ ကောန်ဒပ်ကံၚ်ဇြဳပၞာန်သီုဖအိုတ် ဒဒှ်ရထောံလသာဗ္ဒိုပ် ဂြိပ်တိတ်အာဂှ် စၟဳတ်ဂွံဆဵုကေတ် တၚ်လလောၚ်တြးပရိုၚ် BPLA မပါလုပ်လဝ် ပ္ဍဲပေါဲဗ္တိုက်ဂှ်ရ။
တၚ်လလောၚ်တြး BPLA
ဌာန်ပရိုၚ် Irrawaddy ထ္မံက်ထ္ၜးလဝ်ဂှ်
ဌာန်ပရိုၚ် Myanmar Now ထ္မံက်ထ္ၜးလဝ်ဂှ်
ဟိုတ်နူတၚ်နၚ်တံဏံတုဲ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ဗ္ဒိုပ်ဇိုၚ်ဒဵုယှိုဲကျေန် ဂကောံပၞာန်တံဂှ် ဒးဒုၚ်သီလဝ်ဟွံသေၚ်ပုဟ်။ PDF ၇၀ တၠပြၚ် ချိုတ်လဝ်” ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။
သြၚ်လောန်တိုၚ်(မ်)