သဓီု၊ ဂျောန် ၂
သ္ကိုပ်အုပ်ဓုပ်ကွာန်(တောင်စွန်း) ပွိုၚ်ဍုၚ်သဓီု တွဵုရးဍုၚ်မန် ဥူခေန်လေဝ်ဇြဝ်ဝွံ ပ္ဍဲဂိတုဂျောန် ၁ အခိၚ်နူဂယး ၜိုတ် ၈ နာဍဳဂှ် ဒးဒုၚ်ပန်ဂစိုတ်လဝ်ကဵုသေနာတ်တုဲ ချိုတ်အာလဝ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
သ္ကိုပ်အုပ်ဓုပ် ဥူခေန်လေဝ်ဇြဝ်ဝွံ နူကဵုသ္ၚိ အဃောတိတ်အာဝါညးဂှ် မၞိဟ်တြုံရပ်လဝ်လွဟ်ၜါတၠ ဗက်ပန်ဂစိုတ်လဝ်ကဵုသေနာတ် လ္ပာ်လက္ကရဴရ။
ဒးဒုၚ်ပန်ဂစိုတ်ကဵုသေနာတ်တုဲ ဥူခေန်လေဝ်ဇြဝ်ဝွံ ပ္ဍဲက္ဍဟ် ဒးအာမကမ် ကလိဂွံဝပ်တုဲ ချိုတ်အာလဝ် ပ္ဍဲဒၞါဲဒှ်ပရူဂှ်ရ။
ဥူခေန်လေဝ်ဇြဝ် မချိုတ်အာဂှ်ဝွံ ဒှ်ကောန်ဂကောံ လိက်ပတ်ယေန်သၞာၚ်ကရေၚ် ပွိုၚ်ဍုၚ်သဓီုမွဲတၠတုဲ သၞာံ ၂၀၂၃ ဂှ် ဒှ်ကၠုၚ်သ္ကိုပ်အုပ်ဓုပ် ကံၚ်ဇြဳပၞာန်ခါန်ကၞက်ပ္တိုန်လဝ်ရောၚ်ဂှ် ဂွံတီကေတ် ဇရေၚ်ညးဒေသတံရ။
ညးဝွံ ကၠာဒပ်ပၞာန်ဂွိုအ်သီအဝဵုတေံဂှ် ဒှ်ကောန်ဗော် NLD ကွာန် (တောင်စွန်း) တုဲ အခိၚ်ဒပ်ပၞာန်သီအဝဵု ပြဟ်ဟ်တေံဂှ် ဒှ်ညးကေၚ်ပါလုပ်လဝ် ပ္ဍဲပေါဲထ္ၜးဆန္ဒတၠအဝဵုပၞာန် က္တိုၚ်ၚ်ကၟဟ်ဟ်ရ။
စပ်ကဵုလၟေၚ်ဒဒှ် ဥူခေန်လေဝ်ဇြဝ် ဒးဒုၚ်ပန်ဂစိုတ်ဂှ်တုဲ မ္ၚးနူကဵုကံၚ်ဇြဳပၞာန်ဂှ် ဂကောံဇြဟတ်ပၠန်ဂတးတံလေဝ် ဒဵုကဵုအခိၚ်လၟုဟ် လလောၚ်ပ္တိတ်လဝ်ပရိုၚ်ဂှ် ဟွံဂွံဆဵုကေတ်ရ။
တုဲကၠုၚ် သၞာံ ၂၀၂၃ ဂိတုဂျာန္နဝါရဳ ၁၃ တေံဂှ်လေဝ် သ္ကိုပ်အုပ်ဓုပ်ကွာန် (တောင်စွန်း) ဥူသဵုတုၚ်ကဵု တခဳဗြဴ ဒဝ်တဟေမာမျာတ်တံ ၜါတၠဝွံ ဒးဒုၚ်ပန်ပှော်လဝ် အပ္ဍဲရုၚ်သ္ကိုပ်အုပ်ဓုပ်တုဲ ချိုတ်အာလဝ်ရ။
ပရိုၚ်−သြၚ်လောန်တိုၚ်(မ်)
ဗီု−SAC Telegram