မဝ်သကိုဝ်၊ မာတ် ၂
သမ္မတရုယှာ ဗလာဒဳမာပူတေန်ဝွံ ပ္ဍဲဂိတုမာတ် ၄ ဏံ သွက်ဂွံဒုၚ်တဲဆဵုဂဗ က္ဍိုပ်သ္ကိုပ်ပၞာန်ဗမာ သ္ကိုပ်ပၞာန်ဇၞော်မေန်အံၚ်လှာၚ် ပ္ဍဲမဝ်သကိုဝ်တုဲ ဂွံလလောၚ်ပ္တိတ်အာ တၚ်လလောၚ်တြးပံၚ်တောဲမွဲ နွံဂှ် ဌာနလလောၚ်ပရိုၚ် နန်ကရေမ္မလေန် ဟီုလဝ် ပ္ဍဲဂိတုဖေဖဝ်ဝါရဳ ၂၈ တေံရ။
က္ဍိုပ်သ္ကိုပ်ပၞာန် ဒဒှ်ရကၠုၚ်စိုပ်ရုယှာ နဒဒှ်လၟေၚ်တရဴမလုပ်သၞောဝ်ဏောၚ်ဂှ် ဌာန်ပရိုၚ် Tass မဒှ်ဌာန်ပရိုၚ်ဍုၚ်ရုယှာပိုၚ်ဂှ် ထ္မံက်ထ္ၜးလဝ်ရ။
အခိၚ်ညးတံၜါတၠ ဆဵုဂဗညးသ္ကအ်ဂှ် မ္ၚးနူကဵုကိစ္စပရေၚ်ဍုၚ်သ္အာၚ်တံဂှ် ပရေၚ်ပံၚ်တောဲရေၚ်တၠုၚ် အကြာရုယှာ−ဗၟာ မဒှ်ဖဵုသွက်ၜါဍုၚ် ညံၚ်ဂွံကၠောန်ဂလိုၚ်ပ္တိုန်အာမာန်ဂှ်လေဝ် သဳကၠဳအာဏောၚ်ဂှ် နန်ကရေမ္မလေန် ဟီုရ။
နကဵုညးတံၜါတၠ ထ္ပက်အာစၟတ်တဲ တၚ်လလောၚ်တြးပံၚ်တောဲမွဲတုဲ လလောၚ်ပ္တိတ်အာဏောၚ်တုဲ တၚ်တုပ်စိုတ်ၜါဍုၚ် ကေုာံ ဌာနဂမၠိုၚ်ဂှ်လေဝ် ထ္ပက်အာစၟတ်တဲဏောၚ်ဂှ် ဌာန်ပရိုၚ်ရုယှာဂမၠိုၚ် ထ္မံက်ထ္ၜးလဝ်ရ။
ကြဴနူဒပ်ပၞာန်သီအဝဵုတုဲဂှ် ပြဟ်ဟ်တေံဂှ် ကံၚ်ဇြဳပၞာန်ဝွံ ပရေၚ်ဆက်ဆောံကဵုုဍုၚ်ကြုက်ဂှ် သိၚ်စှ်ေအာတုဲ ဂတးကၠုၚ်က္ဍိုပ် လ္ပာ်ရုယှာရ။
ဗွဲကြဴဏံ ကလေၚ်ဂွံကၠုၚ်အထံက်အပၚ် နူဍုၚ်ကြုက်တုဲဂှ် လၟေၚ်တရဴမဝ်သကိုဝ်က္ဍိုပ်သ္ကိုပ်ကံၚ်ဇြဳပၞာန် အလန်ပထမကိုပ်ကၠာအိုတ် မံက်ကၠုၚ်လဝ်ရ။
ရုယှာဂှ်တှ်ေ ပလေဝ်ပလေတ်ဒၟံၚ် သွက်ဂွံသိုၚ်ခၞံ သၞေဟ်က္ၜၚ်ဇၞော်မွဲ ပ္ဍဲဍုၚ်ဗၟာသ္ကုတ်သၠုၚ်ကျာဂှ်တုဲ ကလိဂွံလဝ်တၚ်တုပ်စိုတ် ကုကံၚ်ဇြဳပၞာန် ညိညတုဲရ။
က္ဍိုပ်သ္ကိုပ်ပၞာန်ကဵု သမ္မတပူတေန်တံဝွံ အပ္ဍဲကဵုဝှဝ်ရာမ်ပရေၚ်ပိုန်ဒြပ်ရးဗၟံက် မကၠောန်ဗဒှ်လဝ် ပ္ဍဲဍုၚ်ဗလာဒဳဗအ်သတပ် ရာသဳသကတ်ဂှ် ဆဵုဂဗလဝ်မွဲဝါတုဲ မဒှ်ရ။
မဳဒဳယျာရုယှာတံဂှ်တှ်ေ စပ်ကဵုက္ဍိုပ်သ္ကိုပ်ပၞာန်တုဲ စကာလဝ်ဝေါဟာ သၟာပရေၚ်ဍုၚ်ကွာန်တုဲ တ္ၚဲကၠောံသၞာံ ၂၀၂၅ ဂှ် ဂွံဒုၚ်လဝ်တဲဂလာန်ပ္တိုန်စရာဲ ဇရေၚ်သမ္မတပူတေန်ရောၚ် ထ္မံက်ထ္ၜးလဝ်ရ။
Ref: TASS