ၜဳကလေၚ်၊ မေ ၇
ဂၠံၚ်ကွဳပၟတ် လ္ဂုၚ်−မတ်မလီု နွံအကြာကွာန်(နှၚ်းပလဲ) ကဵု ကွာန်(အနိုၚ်းပွန်) ပွိုၚ်ဍုၚ်ၜဳကလေၚ် တွဵုရးဍုၚ်မန်ဂှ် ဒးဒုၚ်ခတိုဟ်မာၚ်တုဲ သရိုဟ်လီုစှ်ေအာလဝ်ရောၚ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲဂိတုမေ ၅ အခိၚ်ဗ္တံ ၜိုတ် ၁၀ နာဍဳဂှ် ဒဒန်ဂၠံၚ်ကွဳပၟတ် ဇမၠိၚ်နွံ ၈၀ ပေ၊ စၟတ်ဒဒန် ၆၅ အကြာမိုၚ်တိုၚ် ၁၁၂/ ၁၀−၁၁ အကြာသၞေဟ်ကွဳပၟတ် (နှၚ်းပုလဲ) ကဵု သၞေဟ်(တောၚ်စွန်း) ဂှ် ဒးဒုၚ်ဖံက်ခတိုဟ်လဝ်မာၚ်ရ။
ဟိုတ်နူဒးဒုၚ်ခတိုဟ်လဝ်မာၚ်တုဲ ဒဒန်ဂၠံၚ်ကွဳပၟတ်ဂှ် သရိုဟ်လီုအာ ၜိုတ် ၄၀ ပေပြၚ်တုဲ လၟေၚ်တရဴကွဳပၟတ်ဂမၠိုၚ်လေဝ် ဒးရုပ်ပလီုလဝ် ယာယဳရ။
လ္ပာ်သၞေဟ်ကွဳပၟတ်မတ်မလီုဂှ်တှ်ေ ဟိုတ်နူဂၠံၚ်ကွဳပၟတ်လီုအာဂှ်တုဲ ရုပ်သီထောံလဝ် လၟေၚ်တရဴကွဳပၟတ် မတ်မလီု−လ္ဂုၚ်၊ လ္ဂုၚ်−မတ်မလီု မသ္ဂောံဓရိပ် ပ္ဍဲဂိတုမေ ၆ ဂှ် ဗွဲယာယဳရောၚ် ကဵုသမ္တီလလောၚ်ပ္တိတ်လဝ်ရ။
သ္အာၚ်နူဂှ်ပၠန် ကလေၚ်ကဵုအာၚုဟ်စၟတ်တဲကွဳပၟတ် မရာန်လဝ်တံ ပ္ဍဲကဵုရုၚ်စၟတ်တဲ သၞေဟ်ကွဳပၟတ်မတ်မလီုဂှ်ဏောၚ်ဂှ် လလောၚ်တြးလဝ်ရ။
ပ္ဍဲဂိတုမေ ၃ တေံဂှ်လေဝ် ဟိုတ်နူဒဒန်မိုဝ်ကံၚ် မၞုံလ္တူဂၠံၚ်ကွဳစက် လ္ဂုၚ်−မတ်မလီု ပ္ဍဲကဵုကွာန်မိုဝ်ကံၚ် ပွိုၚ်ဍုၚ်သဓီုဂှ် ဒးဒုၚ်ဖံက်ခတိုဟ်မာၚ်တုဲ သရိုဟ်လီုလာ်အာလဝ်ကီုရ။
ပရိုၚ်−သြၚ်လောန်တိုၚ်(မ်)
ဗီုရုပ်−သၞေဟ်ကွဳပၟတ်မတ်မလီု