ဝါယှေန်တာန်၊ ဂျောန် ၆
သွက်ဂွံစဵုဒၞါ ကောန်ဍုၚ်အမေရိကာန် နူကဵုဘဲကောန်ဍုၚ်သ္အာၚ် မၞုံကဵုအန္တရာယ်ဂှ်တုဲ ဒဒှ်ရသမ္မတအမေရိကာန် ဒဝ်နေဝ်ထြာမ် ထ္ပက်လဝ်စၟတ်တဲ တၚ်လလောၚ်တြးမကၟာတ်လဒဵု ပရေၚ်အာကၠုၚ်တရဴ လ္တူကၟိန်ဍုၚ်လ္ၚဵုဂှ် ပ္ဍဲဂိတုဂျောန် ၄ တေံ သ္ၚိဗု ဟီုကၠုၚ်လဝ်ရ။
ပ္ဍဲကဵုတၚ်လလောၚ်တြးဏံဂှ် ကုကောန်ဍုၚ်နူ ၁၂ ဍုၚ် မပ္တံကဵု အာဖဂါန်နေဿတာန်၊ ဍုၚ်ဗၟာ၊ ချက်၊ ကောန်ဂိုဝ်၊ အဳဂွဵုတဝ်ရဳယဴ ဂဳနဳယျာ၊ အဳရဳထြဳယျာ၊ ဟေတဳ၊ အဳရာန်၊ လေတ်ဖျာ၊ သဵုမာလဳယျာ၊ သူဒါန် ကေုာံ ယဳမေန်တံဂှ် ဒဒှ်ရကၟာတ်လဒဵုအခေါၚ်လုပ်စိုပ်ဍုၚ်အမေရိကာန် ပေၚ်ၚ် ဟွံသေၚ်မ္ဂး သၞောတ်ဗ္ၜတ်အာဂှ် ထ္မံက်ထ္ၜးလဝ်ရ။
ကောန်ဍုၚ် နူကဵု ၇ ဍုၚ် မပ္တံကဵု ဍုၚ်ဘူရောန်ဒဳ၊ ကျူပါ၊ လာအိုဝ်၊ သဳယာရာလဳယောန်၊ ကောန်ဂိုဝ်၊ တက်မာန်နေဿတာန်၊ ဗေန်နဳဇြဲလာ တံဂှ် ကၟာတ်လဒဵုအာ မွဲဒကုတ်မွဲဒကဴဏောၚ် ဂွံတီကေတ်ရ။
နကဵုကောန်ဍုၚ် မဒးဒုၚ်စၟတ်သမ္တီလဝ် ဒဒှ်မအန္တရာယ်ဂၠိုၚ် သွက်အမေရိကာန်ဂှ် ဒးဒုၚ်ကၟာတ်လဒဵုအာ အခေါၚ်လုပ်ဍုၚ်ပေၚ်ၚ်ရ။
တၚ်လလောၚ်တြးဏံဝွံ ပ္ဍဲဂိတုဂျောန် ၉ အခိၚ်ဍုၚ်ဗၟံက် ပယျာံဂယး ၁၂ နာဍဳ ၁ မိနေတ်မ္ဂး လမျီုလုပ်အာဏောၚ်တုဲ ဝဳဇြာမပ္တိတ်ကဵုလဝ် ကၠာအခိၚ်ဏံဂှ် ပလီုအာဟွံသေၚ်ပုဟ်ဂှ် သ္ၚိဗု ဟီုရ။
ညးထ္ၜးနဲကဲဝေၚ်ဇြဟတ် ကေုာံ ညးမဒှ်မသကလောကောဒေံဂမၠိုၚ် မပါလုပ် သၟာဝေၚ်ဇြဟတ် မကၠုၚ်စိုပ် သွက်ပေါဲပြိုၚ်သၠိုၚ်ဂၠးကဝ်၊ ပေါဲအိုဝ်လာံပေတ် ကေုာံ သွက်ပေါဲဝေၚ်ဇြဟတ်အဓိကတၞဟ်ဟ်တံဂှ်တှ်ေ ကဵုလဝ်အခေါၚ်ဗၠးၜးရောၚ် ဂွံတီကေတ်ရ။
အပ္ဍဲပေါဲထ္ၜးဆန္ဒ ဂကူဂျူ ပ္ဍဲတွဵုရး ကိုဝ်လိုဝ်ရာဒိုဝ်ဂှ် ကောန်ဍုၚ်အဳဂျေတ်မွဲတၠ ကြဴနူဗ္တိုက်လဝ် နကဵုမခတိုဟ်ပၟတ်တုဲဂှ် ဒဒှ်ရလလောၚ်ပ္တိတ်လဝ် တၚ်လလောၚ်တြးဏံဂှ် သမ္မတထြာမ် ဟီုရ။
အကာဲအရာမဒှ်ဒၟံၚ် ပ္ဍဲယူရောပ်ဂှ် ဟွံကဵုဒှ် ပ္ဍဲအမေရိကာန်ပုဟ်ဂှ် ထြာမ် ဟီုလဝ်ရ။
Ref: Agencies