ၜဳလေၚ် ၊ အံက်တဝ်ပါ ၁၈
ပ္ဍဲကဵုတွဵုရးမန် ပွိုၚ်ဍုၚ်ၜဳလေၚ် ဒးဘဲတံၚ်မါၚ် ပ္ဍဲကွာန်အလူလေဝ်တုဲ ဒပ်ပၞာန်ဗမာ ရပ်ဏာညးဍုၚ်ကွာန်ဟွံအောန်နူ ၃၀ တၠ သီုကဵု သီဏာဖုၚ် ၃၀ မပြင်ရဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုင်မ်ရ။
ပ္ဍဲအံက်တဝ်ပါ ၁၆ အခိၚ်နူဂယး ကရပ်ရုၚ်စက်ဆုဂတဵုကြဳ ဒပ်ပၞာန်ဗမာတံ ဂေတ်ဂေၚ်ကၠုၚ်ကၚ်ဂှ် နူကဵုဒပ်ပၠန်ဂတးတံ နကဵုမါၚ်ဟဇီု ၄ မ တံၚ်ဖတိုဟ်လဝ် မဒှ်ရ။
ဟိုတ်နူဒပ်ကဝ်မယှေန်ပၞာန် ဒးအာမါၚ်ဂှ်ရ ရပ်စၟဳစၟတ်ကော်ဏာ ကောန်သၟာကမၠောန် ကရပ်ရုၚ်စက်ဆုဂတဵုကြဳတံကဵု ကောန်ကွာန်အလူလေဝ် ဟွံအောန်နူ ၃၀ တၠတံရ။
တုဲပၠန် ဒပ်ကဝ်မယှေန်ပၞာန်တံ ရပ်ကော်လဝ် ညးဍုၚ်ကွာန် ၃၀ တၠပြၚ် ပွိုၚ်ၜိုတ်မွဲဟဂါပ် စၟဳစၟတ်သၟာန်သၟုက်တုဲ ကလေၚ်ဗလးကဵု ကီုလေဝ် ညးပံက်လဝ်ဆေင်စသုၚ် ကရပ်ရုၚ်စက်ဆုဂတဵုကြဳ ကိုဆာန်မျေအ်နံၚ် (ချမ်းမြေ့နောင်) ဂှ် ဒပ်ပၞာန်ဗမာ ၜုၚ်တက် ကၠေင်ဒက်ရပ်ဏာ ဟဂှ်ရ။
နကဵုတင်စောဲစပ် ဆက်စပ်မံၚ်ကဵု ဒပ်ပၞာန်ညးဍုၚ်ကွာန် PDF တံရောၚ်ဂးတုဲ ကိုဆာန်မျေအ်နံၚ် ဒးဒုၚ်ၜုၚ်တက်ဏာလဝ်ဂှ်တှ်ေ အဃောဒပ်ပၞာန်ဗမာရပ်ဏာဏံ ကွာ်ဂၠံၚ်ခိုဟ်ဟ်ဟွံမာန်ပုဟ် ညးဍုၚ်ကွာန်တံ သ္ဂးရ။
တုဲပၠန် ဆေင်စၞစသုၚ် ကိုဆာန်မျေအ်နံၚ် ဒးဒုၚ်ရပ်ဏာဂှ်လေဝ် အကြာပွိုၚ်ပိတ္ၚဲဏံ ညံၚ်ဂွံပါဲထောံနူဏံတုဲ ယဝ်ဟွံပါဲမ္ဂး စံၚ်ပလီုထောံရောၚ် ဒပ်ပၞာန်ဘပဠလဝ်ရ။
ပွိုၚ်ဍုၚ်ၜဳလေၚ် ကွာန်အလူလေဝ် ဒးဒုၚ်တံၚ်မာၚ်ဂှ်တှ်ေ နူကဵုဒပ်ကဝ်မယှေန်ပၞာန် အကြာပ်ဒပ်ဇၞော်မွဲတၠ ကောန်ပၞာန်မွဲတၠ ချိုတ်အာတုဲ ဟွံအောန်နူကဵု ၆ တၠတံ ဒးအာဝပ်နွံရ။
ပရိုၚ်-သြၚ်လောန်တိုင်မ်
Photo – Social Media