ကျံက်ဂျဳ၊ အံက်တဝ်ပါ ၂၀
ပ္ဍဲရးဗဂေါ နူကဵုပွိုၚ်ဍုၚ်ကျံက်ဂျဳ ကောန်ဒပ်ယိုက်ဝန်ပၞာန် ၇ တၠ ဂြိပ်ပြံၚ်ကၠောံလုပ်ကၠုၚ် လပါ်ဒပ်ပၞာန်ဗၠးၜး ကောန်ဂကူကရေၚ် KNLA တမ်ဒပ်(၉) ဂှ် KNU ဗဟဵု လလောၚ်ပတိတ်လဝ်ပရိုၚ်ရ။
ကောန်ဒပ်ယိုက်ဂၠေၚ်ဝန်ပၞာန် နူကဵုတမ်ဒပ် ခလရ ၇၅ ဖျေံလဝ်သ္ဇိုၚ် ပွိုၚ်ဍုၚ်ကျံက်ဂျဳတံ ဂြိပ်ပြံၚ်လုပ်ကၠုၚ်လဝ်ရ။
ပ္ဍဲအံက်တဝ်ပါ ၁၅ ဂှ် ကောန်ဒပ်ယိုက်ဝန်ပၞာန် ၇ တၠဏံ ကေတ်အဆက်ချိက်ဂွံကဵု ဒပ်ပၞာန်ဗၠးၜး ကောန်ဂကူကရေၚ် KNLA တမ်ဒပ်(၉) တုဲ ဂြိပ်ပြံၚ်လုပ်ကၠုၚ် မဒှ်ရ။
ကောန်ဒပ် ကျဝ်ဇေယျ၊ ကောန်ဒပ် သဳဟနိုၚ်၊ ကောန်ဒပ် အံၚ်မျဵုဥူ၊ ကောန်ဒပ် သဳတူဟိၚ်၊ ကောန်ဒပ် မံၚ်မှံက်၊ ကောန်ဒပ် တာန်နိုၚ်ဥူ ကဵု ကောန်ဒပ် ရာဇာထက် တံ ဂြိပ်ပြံၚ်လုပ်ကၠုၚ် လပါ်ဒပ် KNLA ရ။
ဍေံတံ ၇ တၠဂှ် တိုန်လဝ်ဘာပၞာန် အရာယိုက်ဂၠေၚ်ဝန်ပၞာန် လၟေၚ် (၇) (၁၀) ကဵု (၁၃) တံမဒှ်တုဲ အပ္ဍဲဏံ ကောန်ဒပ် တာန်နိုၚ်ဥူကဵု ကောန်ဒပ်ရာဇာထက်တံဂှ် ဒးဒုၚ်သွံစလဝ်တုဲ စိုပ်ကၠုၚ်လဝ်ဘဝ ကောန်ပၞာန်ယိုက်ဝန်ပၞာန်တံ သ္ဂးရ။
ဒၟာနူဟိုတ်နာနာသာ်တုဲ ညးဒးဒုၚ်စကာလဝ် ယိုက်ဝန်ပၞာန်ဟၟဲကဵုဗဗွဲဓဝ်တံ စိုပ်ကၠုၚ် ပ္ဍဲကဵုဒပ်ပၞာန်သီအဝဵုမ္ဂး နကဵုကောန်ဒပ်တံ နဲလဵုဒှ်ဒှ် ညံၚ်ဂွံပြံၚ်လုပ်ကၠုၚ်ဖျေံလွဟ် လပါ်ဒပ်ပၠန်ဂတးတံညိဂှ် ဗော်သွးကောန်ဂကူကရေၚ် KNU ဗတိုက်ဖအောဝ်လဝ်ရ။
ပရိုၚ်-သြၚ်လောန်တိုၚ်မ်
Photo – KNLA