ရေဝ်၊ အံက်တဝ်ပါ ၂၂
တွဵုရးမန် ပွိုၚ်ဍုၚ်ရေဝ် ပ္ဍဲကွာန်မုဟ်ဒဵု တြုံကဵုဗြဴ ဒပ်မၚ်ကွာန်ၜါတၠ ဗက်ထံၚ်မံၚ်ပရိုၚ် ဒပ်ပၠန်ဂတးတံဂှ် ရပ်ဂွံလဝ်ရောၚ် က္ဍိုပ်သ္ကိုပ် ဂကောံလကိုဟ်ရေဝ် ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲအံက်တဝ်ပါ အခိၚ်ဒေါဝ်တ္ၚဲ ၜိုဟ် ၂ နာဍဳဂှ် တြုံကဵုဗြဴ ဒပ်မၚ်ကွာန်ၜါတၠ မံၚ်ဒၟံၚ်ပ္ဍဲကၠအ်ရာဘာ ကရပ်ဇိုၚ်ကွာန် မုဟ်ဒဵုတုဲ ထံၚ်မံၚ်ပရိုၚ် ဒပ်ပၠန်ဂတးတံဂှ် ဂကောံလကိုဟ်ရေဝ် ဂွံပရိုၚ်တုဲ ရပ်လဝ်မဒှ်ရ။
ညးလုပ်ဂကောံဒပ်မံၚ်ကွာန် မျဵုဇြဝ် ဒးဒုၚ်ရပ်လဝ်ဏံဝွံ ဒှ်မံၚ် ကောန်ကွး လေန်ဥူ က္ဍိုပ်သ္ကိုပ်ဒပ်မၚ်ကွာန် ကွာန်အရုတံၚ် ပွိုၚ်ဍုၚ်ရေဝ် မွဲဂှ် အလဵုညးတေံ ဟီုပတိတ်လဝ်နွံ သ္ဂးရ။
တုဲပၠန် ညးလုပ်ဂကောံဒပ်မံၚ်ကွာန် မျဵုဇြဝ်ဂှ် ဒှ်မံၚ်ညးတာလျိုၚ် ထံၚ်ပရိုၚ်ကဵု ပရေၚ်ကမၠောန်ရုၚ် ပ္ဍဲကဵုဒပ်မၚ်ကွာန် ဂကောံ လေန်ဥူ တံရောၚ် က္ဍိုပ်သ္ကိုပ်ဂကောံလကိုဟ်ရေဝ် ဟီုရ။
စပ်ကဵုလၟေၚ်ပရူဒဒှ် ရပ်ဂွံလဝ် တြုံဗြဴဒပ်မၚ်ကွာန်ၜါတၠဏံတုဲ ပတိုန်ထ္ၜးဒုၚ်စဳရေၚ်လဝ်ကဵု ဌာနအဆံၚ်လ္တူတေံတုဲ ဟိုတ်နူဒှ်မံၚ် ညးလုပ်ဂကောံရပ်လွဟ်ဂှ်ရ ကေတ်အာအရေဝ်ပိုတ်တ်ရောၚ် သ္ဂးရ။
ပ္ဍဲပွိုၚ်ဍုၚ်ရေဝ်ဝွံ ကၠာဟွံစိုပ်အခိၚ်ပေါဲရုဲမာဲဏံ ကရောၚ်ပၞာန် ဒပ်ကဝ်မယှေန်ပၞာန် ဗက်ထပက်မံၚ်ကရောၚ်ပၞာန် ဒၞာဲကဵုတိဍာ် ဂကောံဒပ်ပၠန်ဂတး ထိၚ်ချုက်လဝ်သၟးဟွံက နူကဵုပၞာန်ကျာလေဝ် ထံၚ်ပရိုၚ်ဂေတ်ကၚ်တံ ဆက်ကၠောန်မံၚ်နွံရ။
ဌာန်ပရိုၚ်-သြင်လောန်တိုင်မ်
Photo – ဂကောံလကိုဟ်ရေဝ်