မတ်မလီု၊ အံက်တဝ်ပါ ၂၃
ပ္ဍဲကဵုတွဵုရးမန် ပေါဲရုဲမာဲကဝ်မယှေန်ပၞာန်ကၠောန်အာဏံဂှ် အလံၚ်ညးစၞးအမာတ် ၂၅၄ တၠ ဘိုအ်ဂွံလုပ်ပြိုၚ်အာနွံမံၚ် အတိုၚ်ကဝ်မယှေန်ပေါဲရုဲမာဲ လလောၚ်တြးလဝ် ဂွံတီရ။
သွက်ဂွံလုပ်ပြိုၚ်အာ ပေါဲရုဲမာဲဂှ် ဗော်”တိုင်းရင်းသားစည်းလုံးညီညွတ်ရေးပါတီ” ဗော်”ပအိုဝ်အမျိုးသားဖွံ့ဖြိုးတိုးတက်ရေးပါတီ” ဗော်ပျဳခိုၚ်ဖျိုဝ်” ဗော်“ပြည်သူ့ပါတီ”၊ ဗော် “ပြည်သူ့ရှေ့ဆောင်ပါတီ” ဗော်ညဳသၟဟ်မန်၊ ဗော် “ရှမ်းနှင့်တိုင်းရင်းသားများ ဒီမိုကရက်တစ် ပါတီ (ဗော်ကၠဗု)၊ ဗော် “မြန်မာနိုင်ငံတောင်သူလယ်သမား ဖွံ့ဖြိုးတိုးတက်ရေးပါတီ” ဗော် “အမျိုးသားအကျိုးစီးပွား တိုးတက်ရေးပါတီ” တံ ပၠုပ်ပတိုန်လဝ်စရၚ် အလံၚ်ညးစၞးအမာတ်တံရ။
အပ္ဍဲဏံ ဗော်ပျဳခိုၚ်ဖျိုဝ် ဒှ်မံၚ်ဓယံက်ဒပ်ပၞာန်ဂှ် အပ္ဍဲကဵုဒၞာဲဆန္ဒမာဲ သီုဖအိုတ် ၄၅ ဒၞာဲ သွက်ဂွံလုပ်ပြိုၚ်အာ စုတ်လဝ်စရၚ်မၞိဟ်တံရ။
ဗော်ညဳသၟဟ်မန် မဒှ် ဗော်ပရေၚ်ဍုၚ်ကွာန်မန်ဂှ် အပ္ဍဲကဵုဒၞာဲဆန္ဒမာဲ ၃၈ ဒၞာဲ ဘိုအ်ဂွံလုပ်ပြိုၚ်အာမဒှ်တုဲ ဥူကိုကိုကျဳ သ္ကိုပ်သ္ကလဝ် ဗော်ညးဍုၚ်ကွာန်(ပြည်သူ့ပါတီ) ဂှ် အပ္ဍဲကဵုဒၞာဲဆန္ဒမာဲ ၂၈ ဒၞာဲ လုပ်ပြိုၚ်အာရောၚ်။
ဗော် “ပြည်သူ့ရှေ့ဆောင်ပါတီ” “ဒေါ်သက်သက်ခိုင်” သ္ကိုပ်သ္ကဂှ်တှ်ေ အပ္ဍဲကဵုဒၞာဲဆန္ဒမာဲ ၃၀ ဒၞာဲ ဘိုအ်ဂွံလုပ်ပြိုၚ်တုဲ ဗော်ကၠဗု ကော် ဗော် “ရှမ်းနှင့်တိုင်းရင်းသားများ ဒီမိုကရက်တစ်ပါတီ” အလံၚ်ညးစၞး ၁၃ ဒၞာဲ သွက်ဂွံလုပ်ပြိုၚ်အာ ရန်လဝ်နွံရ။
ဗော် “တိုင်းရင်းသားစည်းလုံးညီညွတ်ရေးပါတီ” ဂှ် အလံၚ်ညးစၞး ၄၂ ဒၞာဲ၊ ဗော် “အမျိုးသားအကျိုးစီးပွား တိုးတက်ရေးပါတီ” ဂှ် အလံၚ်ညးစၞး ၄၄ ဒၞာဲ၊ ဗော် “ပအိုဝ်အမျိုးသားဖွံ့ဖြိုးတိုးတက်ရေး ပါတီ” ဂှ် အလံၚ်ညးစၞး ၁၀ ဒၞာဲ၊ ဗော် “မြန်မာနိုင်ငံတောင်သူ လယ်သမား ဖွံ့ဖြိုးတိုးတက်ရေးပါတီ” ဂှ် အလံၚ်ညးစၞး ၃ ဒၞာဲ၊ အလံၚ်ညးစၞးပုဂ္ဂလ ၁ ဒၞာဲတံ လုပ်ပြိုၚ်အာရောၚ် မဒှ်ရ။
စိုပ်ဒဳဇြမ်ပါ ၂၈ ဏံ ကဝ်မယှေန်ပၞာန် ပ္ဍဲကဵုကၠောန်အာပေါဲရုဲမာဲ သ္ကုတ် ၁ ဂှ်တှ်ေ ပွိုၚ်ဍုၚ်ကျာ်ထဝ်၊ သဓီု၊ မတ်မလီု၊ ၜါသွာၚ်ကဵု ကျာ်မြဟ်တံ သွက်ဂွံကၠောန်အာပေါဲရုဲမာဲ ဖန်ဇန်မံၚ်ရ။
ပရိုၚ်-သြၚ်လောန်တိုၚ်မ်
Photo – Social Media