ၜံၚ်ကံက်၊ အံက်တဝ်ပါ ၂၃
နူကဵုတာလျိုၚ်သ္ကိုပ်ဝန်ဇၞော်သေံ ဖေဝ်ထံၚ်ထာန် ဒးနုက်ပတိတ်အာလဝ်တုဲ ပ္ဍဲအံက်တဝ်ပါ ၂၂ ဂှ် နူကဵုတာလျိုၚ်က္ဍိုပ်သ္ကိုပ်ဗော် အပါညးတေံဒက်ပ္တန်လဝ်ကီုလေဝ် နုက်တိတ်ပၠန်အာရ။
အဝဲ ၃၉ သၞာံ ဖေဝ်ထံၚ်ထာန် နဒဒှ်သ္ကိုပ်ဝန်ဇၞော် ယိုက်ဂၠေၚ်တာလျိုၚ် မွဲသၞာံဟွံပေၚ်ဏီ စပ်ကဵုရပ်စပ်လဝ်ပြဿနာ ပယျဵုတိဍာ် ခမေန်ဂှ်တုဲ နူကဵုရုၚ်သၞောတ်ဓရ် နုက်ပတိတ်ထောံ နူကဵုတာလျိုၚ်ရ။
ကၟိန်သ္ၚိဌာန် ယှေန်နာဝါထရာတံဂှ် အုပ်ဓလီုလဝ် လောကပရေၚ်ဍုၚ်ကွာန်သေံ ၜိုတ်ဗွဝ်စှ်သၞာံၜါဗွဝ်နွံတုဲ ကၟိန်သ္ၚိဌာန်ညးတံပၠန် အဓိကဒှ်မံၚ်သၞကဵု ရဲဒပ်ပၞာန် ညးထံက်ဂလာန်ကဵု နန်ဧကရာဇ်တံရ။
ဆဂး အခိၚ်သ္ကိုပ်ဝန်ဇၞောံတြေံတက်သေန် အဝဵုနွံမံၚ်တေံ ပရေၚ်စလဝ်လာဘ်ဗဇဴတံ ပ္ဍဲသၞာံဏံ ဒးကလေၚ်ဖျေံထံၚ်ကီု ကၟိန်သ္ၚိဌာန် ယှေန်နာဝါထရာတံဂှ် နကဵုပရေၚ်ဍုၚ်ကွာန်၊ ပရေၚ်သၞောဝ်ဓရ်တံကီုဂှ် ဒးဆဵုဂဗမံၚ်ကဵု တင်ဆုတ်ယောၚ်တံရ။
ဟိုတ်နူကဵုဇကု နုက်တိတ်အာဂှ် နကဵုဗော် ပရေၚ်ပလေဝ်ပလေတ်စ ဂၠံၚ်ဍာန်ထောၚ်အာဒှ်တုဲ ရန်စၞောန်ကဵု အတိုၚ်လဟီု ဖေဝ်ထံၚ်ထာန် နုက်တိတ်အာ နူကဵုတာလျိုၚ်ဂှ် နူကဵုဗော်ဖေအ်ထာဲ ပ္ဍဲအံက်တဝ်ပါ ၂၂ လလောၚ်တြးလဝ်ရ။
ဟိုတ်နူနုက်တိတ်အာ နူကဵုတာလျိုၚ်က္ဍိုပ်သ္ကိုပ်ဗော်တုဲ သွက်ဗော်ညံၚ်ဂွံဇၞးအာပေါဲရုဲမာဲမာန် နကဵုအလဵုဇကု သၠုၚ်အဆံၚ်ကၠောန်ၜိုတ်အာမံၚ်ရောၚ် ဖေဝ်ထံၚ်ထာန် ဟီုရ။
နဒဒှ်ကောန်ဗော်မွဲ ညးတေံဆက်နွံအာတုဲ သွက်ဍုၚ် ဂစာန်ကၠောန်အာကမၠောန်ရောၚ် ဟီုရ။
ပ္ဍဲကဵုသၞာံ ၁၉၉၀ တေံ တက်သေၚ် ဒက်ပ္တန်ကၠုၚ်လဝ် ဗော်ဖေအ်ထာဲဝွံ ပ္ဍဲကဵုဒပ်ပၞာန်သီအဝဵု သၞာံ ၂၀၀၆ ဂှ် ဒးပတိတ်ထောံတုဲ ဒးပါဲဓလေတ်မံၚ် ပ္ဍဲကဵုဍုၚ်မ္ၚး ၁၀ သၞာံပြၚ် မဒှ်ရ။
ကၟိန်သ္ၚိဌာန် ယှေန်နာဝါထရာမ္ဂး အပါ တက်သေင်၊ ဣစဳ ယေန်လာတ်တံတုဲ ဖေဝ်ထံၚ်ထာန်ဝွံ မရနုက်ကဵု တတိယ ဒှ်ကၠုၚ်သ္ကိုပ်ဝန်ဇၞော်ရ။
ပ္ဍဲကၟိန်သ္ၚိဌာန် ယှေန်နာဝါထရာ ချဳဒရာၚ်မံၚ် ပရေၚ်ဍုၚ်ကွာန်ဏံ ဖေဝ်ထံၚ်ထာန် ဒှ်လက်ကရဴအိုတ်တုဲ ပ္ဍဲလောက ပရေၚ်ဍုၚ်ကွာန်သေံတံ ခေတ်ကၟိန်သ္ၚိဌာန် ယှေန်နာဝါထရာ အိုတ်ရဟာ တၚ်သၟာန်တံဏံ မံက်တိတ်ကၠုၚ်မံၚ်ရ။
Ref:AFP