ကျောန်သု၊ အံက်တဝ်ပါ ၂၈
ပ္ဍဲရးတနၚ်သဳ ပွိုၚ်ဍုၚ်ကျောန်သုဂှ် ညးကဵုအရီုဗၚ်ကဵုပေါဲရုဲမာဲအလီ ကဝ်မယှေန်ပၞာန်ကၠောန်အာဏံ ယဝ်ရ ထံၚ်ပရိုၚ် ဂၠိုက်ဂၠာဲစၟဳစၟတ်တုဲ တီအာမ္ဂး နဲကဲပိုတ်တ်ကေတ်အာအရေဝ်ရောၚ် ဒပ်စဵုဒၞာညးဍုၚ်ကွာန် ပွိုၚ်ဍုၚ်ကျောန်သု ပတိတ်လဝ်လိက်ကဵုသတိရ။
ပ္ဍဲကဵုပေါဲရုဲမာဲကဝ်မယှေန်ပၞာန် ကၠောန်အာပ္ဍဲပွိုၚ်ဍုၚ်ဏံ နကဵုရဲဂကောံ ပရေၚ်အုပ်ဓုပ်တံဂှ် စပ်ကဵုပကောံစရၚ်မာဲ၊ ညးဍုၚ်ကွာန်တံ ညံၚ်ဂွံအာရၚ်စရၚ်မာဲ ကဵုဇြဟတ်ဟရိုဟ်တံ၊ ပၟိက်ဆန္ဒညးဍုၚ်ကွာန်တံဟွံပါကီုလေဝ် ကဵုညးတံကဵုမာဲ ညံၚ်ဟွံဂွံကၠောန်ပရေၚ်တံဏံ ကဵုလဝ်သတိရ။
အကြာကဵုမံၚ်သတိဗီုတံဂှ် ဟွံဒဂေတ်ဗက်ကီု နကဵုပရေၚ်ဍုၚ် ကဵုအရီုဗၚ်ကဵုကဝ်မယှေန်ပၞာန် ညံၚ်သ္ဂောံဂွံအာ ပၞော်တိတ်မာန် ကဵုမံၚ်အရီုဗၚ် ပရေၚ်လးဆီညးဍုၚ်ကွာန်တံဂှ် ဂၠိုက်ဂၠာဲတီဂွံမ္ဂး နကဵုနဲကဲကြံၚ်ၚ် ကဵုအာဒုဟ်ပိုတ်တ်ရောၚ် ဒပ်ပကဖ ကျောန်သု ပတိတ်လဝ်လိက်ရ။
တုဲပၠန် ပ္ဍဲကဵုပွိုၚ်ဍုၚ်ကျောန်သု စရၚ်ယၟု ရဲကၠောန်မံၚ်ကမၠောန် ဂကောံပရေၚ်အုပ်ဓုပ် သၟဝ်တဲကဝ်မယှေန်ပၞာန် နူကဵုအဆံၚ်ပွိုၚ်ဍုၚ် ဒဵုစိုပ်အဆံၚ်ကွာန်/အရာပ်တံဂှ် သီုကဵုဌာန်ဒၟံၚ်ပေၚ်ၚ် ပကောံဂွံလဝ်စရၚ်တုဲတုဲရောၚ် သ္ဂးရ။
နကဵုကဝ်မယှေန်ပၞာန် ဟၟဲကဵုဗဗွဲဓဝ် သီကေတ်လဝ်အဝဵုဍုၚ်ဂှ် အခေါၚ်ကၠောန်ပေါဲရုဲမာဲလေဝ်ဟၟဲကီု ဆန္ဒညးဍုၚ်ကွာန်တံ ဟွံပါလုပ်မွဲသာ် ဖန်ဗ္ဒျ်ကၠောန်ပတောအ်ကေတ် ပေါဲရုဲမာဲအလီမ္ဂး ဖံက်ပကဝ်မံၚ် ဂၠံၚ်တရဴသၞောတ်ဒဳမိုကရေသဳတုဲ ဂစာန်ပၠံၚ်ကေတ်မံၚ် အဝဵုညးဍုၚ်ကွာန်တံ မဒှ်ရောၚ်သ္ဂးလဝ်ရ။
သွက်အယုက်ကဝ်မယှေန်ညံၚ်ဂွံဂၠိၚ် ဖန်ဗ္ဒျ်ကၠောန်အာမံၚ် ပေါဲရုဲမာဲအလီ ဟွံလုပ်ဗဗွဲသၞောဝ်ကေုာံ လၟေၚ်ကမၠောန် ပရေၚ်ၜိုဟ်လလမ်အလီဂှ်လေဝ် ဒစဵုဒစးအာတုဲ ကဵုအခေါၚ်ကၠောန်ဗ္ဒျ်ဟွံသေၚ်ပုဟ် လလောၚ်တြးလဝ်ရ။
ပရိုၚ်-သြၚ်လောန်တိုၚ်
ဗီု – ကျွန်းစု ပကဖ