ရေဝ်၊ အံက်တဝ်ပါ ၂၈
တွဵုရးဍုၚ်မန် ပွိုၚ်ဍုၚ်ရေဝ် ပ္ဍဲကဵုကွာန်နှေဟ်ဇုက် ဂိက်သၞေဟ်ကၚ် ဒပ်ပၞာန်ကရေၚ် ဒတုဲဖဵုဒဳမဝ်ကရေသဳ DKBA သၟဝ်တဲကဝ်မယှေန်ပၞန်ဂှ် ဂကောံလကိုဟ်ရေဝ် လုပ်ဗတိုက်လဝ် ဂွံတီရ။
ပ္ဍဲကဵုဒၞာဲဂိက်သၞေဟ်ကၚ် DKBA ဏံ ဖျေံလဝ်ဒပ် ၂၀ ပြၚ်နွံမံၚ်ဂှ် မွဲအလန်ဓဝ် ပ္ဍဲအံက်တဝ်ပါ ၂၇ အခိၚ်နူဂယးၜိုတ် ၇ နာဍဳ ဂကောံလကိုဟ်ရေဝ် လုပ်ဗတိုက်လဝ် မဒှ်ရ။
ရဲဒပ် DKBA ချိုတ် ၄ တၠတုဲ ညးတာလျိုၚ်ဂိက်သၞေဟ်ကၚ် နှေဟ်ဇုက် အဆံၚ်ဗိုလ်ဇၞော် တုၚ်တာန် ကဵု ကောန်ရဲဍေံ တံ၄ တၠ ဒးအာဝပ်ဂှ် က္ဍိုပ်သ္ကိုပ် ဂကောံလကိုဟ်ရေဝ် ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပေါဲဗတိုက် ဂိက်သၞေဟ်ကၚ် DKBA တုဲဒှ်အာတုဲ အဃောကလေၚ်စဴဂှ် ကောန်ဒပ် ဂကောံလကိုဟ်ရေဝ်မွဲတၠ ဒးဘဲဝပ်မကမ်ကီုလေဝ် ဟွံဒးဂွိၚ်ကဵု အန္တရာဲလမျီုပုဟ် သ္ဂးရ။
ပေါဲဗတိုက်တုဲဒှ်အာဂှ် နူကဵုဒပ်ကဝ်မယှေန်ပၞာန် ဖျေံသ္ဇိုၚ်ဍုၚ်ရေဝ်တံ ပန်ပလံၚ်မံၚ်လွဟ်ဇၞော် ပွဳပွူကွာန်နှေဟ်ဇုက်ကီုလေဝ် ပရေၚ်ဒးဘဲဝပ် ချိုတ်ဂျိုၚ်ဂှ် ဟွံဂွံပရိုၚ်ဏီ။
ပ္ဍဲကဵုပွိုၚ်ဍုၚ်ရေဝ် ကြပ်ကၠုၚ်ကဵုပေါဲရုဲမာဲဟဍၚ် ပ္ဍဲကဵုဒၞာဲဒေသတိဍာ် ဒပ်ပၠန်ဂတးတံထိၚ်ချုက်လဝ်တံဂှ် ဒပ်ကဝ်မယှေန်ပၞာန် ထပက်မံၚ်ကရောၚ်ပၞာန်ကီု သီုကဵု သၠုၚ်ဟလိုၚ်ပတိုန်လဝ် ဇြဟတ်ကီုရ။
ပရိုၚ်-သြၚ်လောန်တိုၚ်
ဗီု – လကိုဟ်ဍုၚ်ရေဝ်