မတ်မလီု၊ ဒဳဇြမ်ပါ ၆
သွက်ဂွံကဵုမာဲပ္ဍဲပေါဲရုဲမာဲဂးတုဲ ကောန်ထံၚ်ပရေၚ်ဍုၚ်ကွာန် ဒးလဝ်ဒုဟ်ဒဏ် ၝောံပိုဒ် ၅၀၅ (က)တံ ကလေၚ်ဗၠးတိတ်ကၠုၚ်လဝ် နကဵု အခေါၚ်သၠးဒုဟ်ကီုလေဝ် ညးလ္ၚဵု ကလေၚ်ဒးဒုၚ်ရပ်လဝ်နွံမံၚ်ရဂှ် ဂွံတီကေတ်နူကဵု ဂကောံကောန်ထံၚ်ညးဗြဴ WOPP ရ။
နကဵုအမှုရာဇသာဒ်ဇၞော် ၝောံပိုဒ် ၅၀၅ (က) ကောန်ထံၚ် ပရေၚ်ဍုၚ်ကွာန် နူကဵုဇၟာပ်ပ်ထံၚ်ဒၞာဲအလုံဍုၚ်မွဲတံဂှ် ကဝ်မယှေန်ပၞာန် ကဵုအခေါၚ်သၠးဗၠးဒုဟ်ဒဏ် ဗလးကဵုလဝ် ပ္ဍဲကဵုနဝ်ဝမ်ပါ ၂၆-၂၇ ကဵု ဒဳဇြမ်ပါ ၁ တေံ မဒှ်ရ။
ကောန်ထံၚ်ပရေၚ်ဍုၚ်ကွာန်တံဂှ် နူကဵုကဝ်မယှေန်ပၞာန် ဗလးကဵုလဝ်ကီုလေဝ် ကောန်ထံၚ်ပရေၚ်ဍုၚ်ကွာန်လ္ၚဵုလ္ၚဵုတံ နကဵုၝောံပိုဒ် ၅၂ (က)၊ ၁၇ (၁) ကေုာံ ၅၀ (ည) တံ ကလေၚ် ဒးဒုၚ်ရပ်မံၚ်နွံရ။
ပြဟ်ဟ်ဏံ နကဵုအခေါၚ်သၠးဒုဟ်ဒဏ် ပ္ဍဲကဵုကဝ်မယှေန်ပၞာန် ဗလးကဵုလဝ် ကောန်ထံၚ်ပရေၚ်ဍုၚ်ကွာန် ညးဗြဴတံမ္ဂး ၃၀ တၠ ကလေၚ်ဒးဒုၚ်ရပ်လဝ်ဂှ်ကီု ကောန်ထံၚ်ပရေၚ်ဍုၚ်ကွာန် ညးတြုံလ္ၚဵုတံလေဝ် ကလေၚ်ဒးဒုၚ်ရပ်လဝ်နွံမံၚ်ရဂှ် ညးတာလျိုၚ်ဂကောံကောန်ထံၚ်ညးဗြဴမွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ကောန်ထံၚ်ပရေၚ်ဍုၚ်ကွာန် ကလေၚ်ဗၠးလဝ်တံ ဗွဲတၟေၚ် စွံလဝ်သတိကဵုပရေၚ်ဂီုကၠီုညိ ဆက်လ္ၚတ်မၚ်ရံၚ်အာ အကာဲအရာ ပွဳပွူဇကုလၟိုန်န်တုဲ အကာဲအရာ ဒးကလေၚ်ဒုၚ်ရပ်မာန်ဂှ် စွံဂရုမံၚ်စံၚ်အာညိဂှ်လေဝ် ဗတိုက်ဖအောဝ်လဝ်ရ။
မုက်ပေါဲရုဲမာဲ ညံၚ်ဂွံခိုဟ်တိုန်အာဂးတုဲ အကာဲအရာ ကဝ်မယှေန်ပၞာန် ပတောအ်ဗလးကဵုနၚ် ကောန်ထံၚ် ပရေၚ်ဍုၚ်ကွာန်တံကီုလေဝ် လက်ကရဴ ခြိုၚ်တိုၚ်ပသဲဂှ် ကောန်ထံၚ် ပရေၚ်ဍုၚ်ကွာန် ညးတြုံညးဗြဴတံဗွဲမဂၠိုၚ် သှ်ေမံၚ်ဏီရောၚ်သ္ဂးရ။
အတိုၚ်တင်နၚ် ဂကောံဇာဖိုၚ်ကောန်ထံၚ်ပရေၚ်ဍုၚ်ကွာန် အလုံဍုၚ် ဗမာ PPNM မ္ဂး ပ္ဍဲကဵုကဝ်မယှေန်ပၞာန် ကဵုအခေါၚ်သၠးဗၠးဒုဟ်ဒဏ် ဗလးကဵုလဝ်တံဂှ် ကောန်ထံၚ်ပရေၚ်ဍုၚ်ကွာန် ညးတြုံညးဗြဴ အပံၚ်ဖအိုတ် ၈၅၉ တၠဟေၚ် ပါလုပ်ကၠုၚ်ဂှ် ဂွံတီရ။
ပရိုၚ်-သြန်လောန်တိုၚ်မ်
Photo – MOI