တိုကျို-ဒဳဇြမ်ပါ ၆
နကဵုဗီုပြၚ်ထ္ၜးဇြဟတ်ဒပ်ဍာ်ကြုက် ဇြဟတ်ဇၞော်အိုတ် အခိၚ်တ္ၚဲဏံ ပ္ဍဲမွဲဒမြိပ်ဗလးၜဳဗၟံက်အာယှ ဖျေံစွံလဝ်ၜၚ်ပၞာန်ဂှ် နူကဵုဌာနပရိုၚ်ရိုက်တာ ပတိတ်လဝ်ပရိုၚ်တုဲ ပ္ဍဲဒေသ ဟိုတ်နူကဵု ပရေၚ်ချဳဒရာၚ်ပၞာန်ကြုက်တံ ထာဲဝါန်ကဵု ဂျပါန်တံ ဒှ်ဒွိၚ်ကွေံ ဟီုလဝ်ပ္ဍဲဒဳဇြမ်ပါ ၅ ရ။
ပ္ဍဲမွဲဒမြိပ်ဗလးၜဳဗၟံက်အာယှဂှ် ကြုက်ဖျေံစွံလဝ် ၜၚ်ပၞာန် ကေုာံ ၜၚ်မၚ်ကၚ်ဇိုၚ်ၜဳ ဗွဲမဂၠိုၚ်တုဲ ပ္ဍဲအကာဲအရာမွဲဂှ် ဒဒှ်ရဖျေံစွံလဝ်ၜၚ် ၁၀၀ ပြၚ် နူကဵုဌာနပရိုၚ်ရိုက်တာ ထမံက်ပတိတ်ပရိုၚ် စၞောန်လဝ်ကဵု တၚ်နၚ်ရိုက်ကၞက်ပရိုၚ်တံကဵု ပရိုၚ်ထံၚ်ပရိုၚ်တံ ပ္ဍဲကဵုဒဳဇြမ်ပါ ၄ ရ။
ကမၠောန်ကြုက်တံ ကၠောန်မံၚ် ပ္ဍဲကာရာန် ကူအိုမ္ဂး ရန်တၟံလဝ်ကဵု အကြာဇၞောဝ်ဍာ်ထာဲဝါန်မွဲဟွံသေၚ်၊ နူကဵုၜဳဍာ်မိတ် စိုပ်ဇရေၚ်ဒၞာဲၜဳကြုက် ကရပ်တ္ကအ်သာန်ကာကူ ဒၞာဲဒှ်မံၚ်ပရေၚ်ကယျာန်ဓဝါတ်တေံ၊ ဒဵုစိုပ်ၜဳကြုက်သၠုၚ်ကျာတေံ၊ ဒဵုစိုပ်ဗလးၜဳ ပလိုတ်ပသိဖိတ်တေံ ရန်တၟံကၠောန်မံၚ်ရောၚ် ပ္ဍဲကဵုပေါဲသောၚ်ကလးပရိုၚ် တိုၚ်ပေဂှ် ညးအခေါၚ်ဟီုဂးနွံ ရုၚ်သမ္မတထာဲဝါန် ဟီုရ။
ပရေၚ်ဏံဂှ် ဒှ်ပွမဘပဠ မွဲအလုံဒေသ အေန်ဒို-ပသိဖိတ်မဒှ်တုဲ ပရေၚ်ဇီုကပိုက်တံနွံမံၚ်ရောၚ် ညးတေံထပ်ဟီုဗပေၚ်လဝ်ရ။
အဓိကဍုၚ်ဇြဟတ်ဇၞော်မွဲ နကဵုကြုက်ဂှ် အတိုၚ်တာလျိုၚ်ဇကု သွက်ဂွံရေၚ်တၠုၚ်အာ ကေုာံ ထိၚ်ဒဝ်ကၠောန်ပရေၚ်ကမၠောန်ညိဂှ် နကဵုဇကုတံ မိက်ဂွံဗတိုက်ဖအောဝ် ညးအခေါၚ်ဟီုဂးနွံ ကာရန် သ္ဂးရ။
လၟိုန်ကာလ ညံၚ်ဂွံတီလဝ်အကာဲအရာတံမာန် ဒပ်ဂီုကၠီုတံ သ္ပသတိတုဲ အခိၚ်မွဲဒမြိပ်ညံၚ်ဂွံဂွံပရိုၚ်ဂှ် သွက်ဂွံရေၚ်တၠုၚ်အာ သမ္မတထာဲဝါန် လိုၚ်ချေၚ်တဳ ကဵုလဝ်စၞောန် ညးတေံဟီုရ။
ပရေၚ်ၜိုဟ်လလမ် ဒေသအေန်ဒို-ပသိဖိတ်ကေုာံ သွက်ဂွံပံၚ်တောဲစဵုဒၞာအာ ပရေၚ်ညိၚ်ဝပ်တံဂှ် ဆက်စၠောံပံၚ်တောဲရေၚ်တၠုၚ်အာကဵု ဍုၚ်မိတ်သဟာဲဍုက်ကေဝ်ကဵုဇကုတံရ ညးသ္ဂးလဝ်ရ။
ပ္ဍဲမွဲဒမြိပ်ဗလးၜဳဗၟံက်အာယှ စပ်ကဵုကြုက်တံချဳဒရာၚ်မံၚ်တုဲ သၟာန်ဏာ ဝန်ဇၞော်ပရေၚ်စဵုဒၞာဂျပါန် ယှေန်ဂျဳရို ကိုအိဇုမိဂှ် နကဵုညးတေံ သ္ပလဝ်သတိကဵုပရိုၚ်ဏံကီု ပရေၚ်ချဳဒရာၚ် ဒပ်ပၞာန်ကြုက်တံဂှ် စွံလဝ်အာရီုဇၞော်ဇၞော်တုဲ မၚ်ရံၚ်အာရောၚ် ဟီုလဝ်ပ္ဍဲတိုကျိုရ။
ဍုၚ်ထာဲဝါန် နကဵုသၞောတ်ဒဳမဝ်ကရေသဳ ပရေၚ်အုပ်ဓုပ်ဇကုဂှ် ဒှ်မံၚ်ဒေသကြုက်ပိုၚ်ပြဳရောၚ် ညာတ်လဝ်တုဲ ညံၚ်ဂွံကလေၚ်စိုပ်တဲညးတေံမ္ဂး ယဝ်ခါရ မ္ဒးစကာအာဇြဟတ်တှ်ေလေဝ် စကာအာရောၚ် ဟီုလဝ်ရ။
ယဝ်ရ ကြုက် ကၠုၚ်ဗတိုက်ထာဲဝါဲမ္ဂး နကဵုပရေၚ်ပၞာန် ဇကုတံ ပါလုပ်အာမာန်ရောၚ် သ္ကိုပ်ဝန်ဇၞော် သာနေ တာကာအဳချဳ ဟီုဂးလဝ်တုဲ အကြာကြုက်ကဵုဂျပါန်တံ အသိၚ်ကြံၚ်မ္ၚိုဟ် ဂၠိုၚ်တိုန်ရ။
အခိၚ်ဂိတု နိုဝမ်ပါကဵု ဒဳဇြမ်ပါမ္ဂး သွက်ဒပ်ပၞာန်ကြုက်တံ ကာလကမၠောန်ယှုက် လၟေၚ်ဓမ္မတာမွဲဒှ်ကီုလေဝ် ပြဟ်ဟ်ဏံ သွက်အစဳဇန်ဒပ်ဍာ်ကြုက် ဗီုပြၚ်ဇြဟတ်ဇၞော်မံၚ်ဏံဂှ် မုလေဝ်လလောၚ်တြးလဝ်ဟၟဲဏီပုဟ်။
Ref:Reuters