ထဝါဲ၊ ဖေဖဝ်ဝါရဳ ၉
ရးတနၚ်သဳ ပ္ဍဲကဵုဒၞာဲဒဒန်ကမျဝ်ကေၚ် လုပ်ဍုၚ်ထဝါဲဂှ် ပ္ဍဲဖေဖဝ်ဝါရဳ ၆ အခိၚ်နူဂယး သၟတ် ၇ တၠတံ ဒးဒုၚ်တံၚ်ပဝ်တာရဂှ် ရဲလ္တူဍုၚ်တံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ရဲဒပ်ကဝ်မယှေန်ပၞာန် မၚ်ဒၟံၚ်ကၚ် ဒၞာဲဒဒန်ကမျဝ်ကေၚ်ဂှ် ဗဒေါအ်လဝ်ကွဳစက်ကဵု ကွဳလိုန်ဓါတ် အာမံၚ်လ္တူဒဒန်တံတုဲ ရပ်ဏာပဝ်တာ သၟတ် ၇ တၠတံ မဒှ်ရ။
သၟတ်နူလ္တူဍုၚ်ထဝါဲကဵု နူကဵုပွိုၚ်ဍုၚ်လံၚ်လုၚ် အကြာအယုက် ၂၀ သၞာံကဵု ၃၅ သၞာံ အဝဲသၟတ်တံဒှ်မံၚ်ဂှ် ဂွံတီရ။
ပ္ဍဲတ္ၚဲရပ်ဏာအခိၚ်နူဂယးဂှ် ရဲဒပ်ကဝ်မယှေန်ပၞာန် မၚ်ဒဒန်ကမျဝ်ကေၚ်တံ ဗဒေါအ်လဝ်ကွဳစက်အာတရဴ စၟဳစၟတ်မံၚ်တုဲ နူကဵုဂှ် ကော်ရပ်ဏာလဝ်သၟတ် ၇ တၠရောၚ် သ္ဂးရ။
သၟတ်ဒးဒုၚ်ရပ်လဝ်တံဂှ် ပလံၚ်ဗစိုပ်ကော်ဏာလဝ် ဒၞာဲတမ်ဒပ် ခမရ ၄၀၁ ဍုၚ်ထဝါဲဂှ် ဂွံပရိုၚ်ရ။
သွက်ဂွံတိုန်ဘာယိုက်ဝန်ပၞာန် လၟေၚ် ၂၂ ဂှ် ဗီုဟွံထေၚ်ခယျလဝ်မွဲသာ် အတိုၚ်ပၟိက်စိုတ်ကဝ်မယှေန်ပၞာန် ရပ်ကော်ဏာသၟတ် နူကဵုပွိုၚ်ဍုၚ်ထဝါဲတံတုဲ ပကောံမံၚ်ကောန်ပၞာန်တၟံတံရ။
ပ္ဍဲကဵုဂျာန်နဝါရဳ ၈ ကဵု ၉ တေံလေဝ် သွက်ဂွံတိုန်ဘာယိုက်ဝန်ပၞာန်ဂှ် ကဝ်မယှေန်ပၞာန် တံၚ်ရပ်ပဝ်တာ သၟတ်နူအရာပ်လ္တူဍုၚ်ထဝါဲ ၈၀ တၠပြၚ်ၚ်တံနွံမံၚ် ဂွံတီနူကဵုညးဒေသတံရ။
ပရိုၚ်-သြၚ်လောန်တိုၚ်မ်
Photo – Social Media