ကျာ်ထဝ်၊ ဖေဖဝ်ဝါရဳ ၉
တွဵုရးမန် ပ္ဍဲကဵုပွိုၚ်ဍုၚ်ကျာ်ထဝ်ကဵုၜဳကလေၚ်တံ ဟိုတ်နူ ဒပ်ကဝ်မယှေန်ပၞာန် ပန်ကၠဟ်မံၚ်လွဟ်ဇၞော် အဆက်က်အရိုဟ်ဟ်တ္ၚဲဂှ်ရ ညးဒေသ ၅၀၀၀ ပြၚ်တံ ထောံဌာန်ဒၞာဲတုဲ ဒးဂြိပ်ပါဲမံၚ်ရောၚ် ဂွံတီနူကဵု KNU ခရိုၚ်သဓီုရ။
အတိုၚ်တင်နၚ် ဗော်သွးကောန်ဂကူကရေၚ် KNU မဟာဒပ်(၁) ခရိုၚ်သဓီုမ္ဂး အကြာဂိတုဏံ ဒပ်ကဝ်မယှေန် ပန်လဝ်လွဟ်ဇၞော် ပ္ဍဲကဵုပွိုၚ်ဍုၚ်ကျာ်ထဝ်ကဵုၜဳကလေၚ် လၟိဟ်ဟွံအောန်နူကဵု ၂၀ အလန်နွံရ။
ဟိုတ်နူလွဟ်ဇၞော်ဂှ် နူပွိုၚ်ဍုၚ်ၜဳကလေၚ် ကွာန် ၅ ကွာန်ဂှ် ညးဒေသ ၃၀၀၀ ပြၚ်၊ နူပွိုၚ်ဍုၚ်ကျာ်ထဝ် ၄ ကွာန်ဂှ် ညးဒေသ ၂၀၀၀ ပြၚ်တံ ထောံသ္ၚိဌာန်ဒၞာဲတုဲဒးဂြိပ်ပါဲမံၚ်ရ။
ပေါဲဗတိုက်ဟၟဲမွဲသာ် ဒပ်ကဝ်မယှေန်ပၞာန် အတိုၚ်ရန်တၟံနွံနွံ ဒၞာဲသ္ၚိဌာန်ညးဍုၚ်ကွာန်တံဂှ် စွံပွန် ပန်စုတ်မံၚ်လွဟ်ဇၞော်တံရောၚ် ညးအုပ်ကာခရိုၚ်သဓီု KNU ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဟိုတ်နူဘဲဒဏ်လွဟ်ဇၞော် ညးဒေသဒးဂြိပ်ပါဲဒဴလဝ်ဒၞာဲဝါဲတံဂှ် နွံမံၚ်ပၟိက်ကဵု စၞစသုၚ်ဇွောံမနာနာတံရောၚ် သ္ဂးရ။
ပ္ဍဲပွိုၚ်ဍုၚ်ကျာ်ထဝ်ကဵု ပွိုၚ်ဍုၚ်ၜဳကလေၚ်တံ မွဲအခိၚ်ကာလသီအဝဵုဏံ ဟိုတ်နူကဝ်မယှေန်ပၞာန် ပန်မံၚ်လွဟ်ဇၞော်ဂှ်ရ ညးဒေသတံဒးဂြိပ်ပါဲမံၚ်နူဌာန်ဒၞာဲမွဲဏှမွဲဏှ မဒှ်ရ။
ပရိုၚ်-သြၚ်လောန်တိုၚ်မ်
Photo – CJ