ထဝါဲ၊ ဖေဖဝ်ဝါရဳ ၁၀
ရးတနၚ်သဳ ပ္ဍဲဒေသဂြိုပ်ဗၟံက် ပွိုၚ်ဍုၚ်ထဝါဲဂှ် နူကဵုဒပ်ပၞာန်ကျာ ကဝ်မယှေန်ပၞာန် ကြဳဖျေံဗုမ်ဗတိုက်လဝ် ဘာလကျာ် ကွာန်ဟုၚ်တာ ဗော်သွးကောန်ဂကူကရေၚ် KNU လလောၚ်ပတိတ်လဝ်ရ။
ဒၞာဲဘာလကျာ် ကွာန်ဟုၚ်တာ ပ္ဍဲဒေသဂြိုပ်ဗၟံက် ပွိုၚ်ဍုၚ်ထဝါဲဂှ် တုဲကၠုၚ်ဖေဖဝ်ဝါရဳ ၄ အခိၚ်နူဂယး ၜိုတ် ၉ နာဍဳဂှ် ၜၚ်ကျာ ဂျက်ဖိုက်တာဒပ်ကဝ်မယှေန်ပၞာန် ကြဳဖျေံဏာဗုမ် ၃၀၀ ပံၚ် ၜါမရ။
ဟိုတ်နူဗုမ်ဒတုံခတိုဟ်အာ ပ္ဍဲဘာလကျာ် ကွာန်ဟုၚ်တာဂှ် စမြိုၚ်ဒၞာဲ ဘာလကျာ်တံလီုအာနွံ ခၟဳသင်မွဲဇကုလေဝ် ဒးအာဝပ်နွံမံၚ် KNU သ္ဂးရ။
ပ္ဍဲဖေဖဝ်ဝါရဳ ၂ ဂှ်လေဝ် ပ္ဍဲပွိုၚ်ဍုၚ်ဘာအၚ်ဂှ် ဟိုတ်နူၜၚ်ကျာပၞာန် ကြဳဗုမ်တုဲ သ္ၚိမွဲမကဵု ကွဳစက်ပိမ လီုလာ်ဆောံလေၚ်အာလဝ်နွံ နူကဵုဗဟဵု KNU ပတိတ်လဝ်ပရိုၚ်ရ။
နူကဵုပေါဲရုဲမာဲတုဲအာတုဲ ပ္ဍဲကဵုဒၞာဲကွာန် ဒပ်ပၠန်ဂတးကဵု ဒပ်ကောန်ဍုၚ်အရၚ်ရပ်လွဟ် ထိၚ်ချုက်လဝ်တံဂှ် နူကဵုဒပ် ကဝ်မယှေန်ပၞာန် ဆက်ကြဳဖျေံမံၚ်ဗုမ် မဒှ်ရ။
ပရိုၚ်-သြၚ်လောန်တိုၚ်မ်
Photo – KNU