ဗုက်ပျေၚ်၊ ဂိတုမာတ် ၁၁
အပ္ဍဲရးတနၚ်သဳ ပွိုၚ်ဍုၚ်ဗုက်ပျေၚ် ပ္ဍဲသ္ကုတ်ဂၠံၚ် လေညာ-ယတနာဗုၚ် ဂှ် ဟိုတ်နူကရောၚ်ပၞာန် ဒပ်ကဝ်မယှေန်ပၞာန် ဒးဒုၚ်ကြတ်ပန်တုဲ ချိုတ်အာ ပန်တၠရောၚ် ဂွံတီ နူခရိုၚ်ဗိက်-ထဝါဲ ဗော်သွးကောန်ဂကူကရေၚ် KNU ရ။
ကရောၚ်ပၞာန်ကဝ်မယှေန်ပၞာန် ဇြဟတ်ၜိုတ် ၅၀ ထပက်လုပ်ကၠုၚ် ပ္ဍဲသ္ကုတ်ဂၠံၚ် လေညာ-ယတနာဗုၚ် တုဲကၠုၚ်ဂိတုမာတ် ၉ အခိၚ်နူဂယး ၜိုတ် ၁၀ နာဍဳဂှ် ဒပ်ပံၚ်ကောံမဟာမိတ်ပၠန်ဂတးတံ အာကြတ်ပန် ဗတိုက်လဝ်ရောၚ်။
ဟိုတ်နူပေါဲဗတိုက်ဒှ်လဝ်ဂှ်ရ အကြာၜါလပါ်ပေါဲဗတိုက် ဒှ်အာ ၜိုတ်ၜါနာဍဳတုဲ ကောန်ပၞာန်ကဝ်မယှေန်ပၞာန် ပန်တၠ ချိုတ်တုဲ ဒးလဝ်ဘဲဝပ် ၁၀ တၠပြၚ်ရောၚ် သ္ဂးရ။
ကရောၚ်ပၞာန်ဏံဂှ် သွက်ဂွံအာဗပေၚ်ဇြဟတ် စၞစဇွောံမ ဇရေၚ်ဗ္ဒိုပ်ပၞာန် မၞုံဒေသ ယတနာဗုၚ် အဃော ကၠုၚ်မံၚ်ဂှ် ဟိုတ်နူဒးအာဝပ်သ္ကာတ်မြဟ်တုဲ ကလေၚ်ဆုတ်တိတ်အာ လပါ်ဒေသလေညာရောၚ် ညးတာလျိုၚ်လလောၚ်ပရိုၚ် ခရိုၚ်ဗိက်-ထဝါဲ KNU ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပ္ဍဲပေါဲဗတိုက်ဏံ နူဒပ်ကဝ်မယှေန်ပၞာန် သီဂွံသေနာတ် MA1 မွဲဇကိုအ်၊ MA3 ၜါဇကိုအ် ကေုာံ လွဟ်မကမ်လ္ၚဵုတံရောၚ် အတိုၚ်လိက်လလောၚ်တြး ခရိုၚ်ဗိက်- ထဝါဲ KNU ဂှ် ဂွံတီရ။
ပရိုၚ် – သြၚ်လောန်တိုၚ်မ်
ဗီုရုပ် – KNU