နေပျဳဒဝ်၊ အေဗရာ ၁၀
က္ဍိုပ်သ္ကိုပ်ပၞာန် ဂဥုပ်သ္ကိုပ်ပၞာန်ဇၞော် မေန်အံၚ်လှိုၚ် ဒှ်ကၠုၚ်သမ္မတတုဲ ပၠုပ်ဂလာန်ပတိုန်လဝ် ဝန်ဇၞော်ကၟိန်ဍုၚ် ၃၀ တၠတံဂှ် အပ္ဍဲကဵုစၠတ်ထဝ်ကၟိန်ဍုၚ် သ္ပဒတန်ခါန်ကၞက်ကဵုလဝ်ရ။
အပ္ဍဲကောံဓရီု စၠတ်ထဝ်ကၟိန်ဍုၚ် ကၠောန်ဗဒှ်လဝ် ဂိတုအေဗရာ ၉ ဂှ် ညးဒစဵုဒစးဟၟဲ သ္ပဒတန်ခါန်ကၞက်ကဵုလဝ် မဒှ်ကီုရ။
စပ်ကဵု ဝန်ဇၞော်ကၟိန်ဍုၚ် ၃၀ တၠ က္ဍိုပ်သ္ကိုပ်ပၞာန် ပၠုပ်လဝ်ဂလာန်ဏံဂှ် ပူဂဵုသွက်ဂွံဒစဵုဒစး သဳကၠဳဟၟဲတုဲ စၠတ်ထဝ် ကၟိန်ဍုၚ် သ္ပဒတန်ခါန်ကၞက်လဝ်ရောၚ်ဂှ် နာယက ဥူအံၚ်လေၚ်ဒွေဝ် လလောၚ်တြးဏာရ။
အပ္ဍဲဝန်ဇၞော်ကၟိန်ဍုၚ် ၃၀ တၠ စၠတ်ထဝ် သ္ပလဝ်ဒတန်တံဂှ်တှ်ေ ဥူခေန်မံၚ်ယဳ၊ ဥူအံၚ်ကျဝ်ဟဵု၊ ဥူတေန်အံၚ်သာန်၊ ဥူမျထောန်ဥူ၊ သ္ကိုပ်ပၞာန်ဇၞော် ထောန်အံၚ်၊ ဒုသ္ကိုပ်ပၞာန်ဇၞော် ညောအ်ဝေန်သွိုယ်၊ ဥူတေန်မံၚ်သွိုယ်၊ ဒံက်တာကာန်ဇြဝ်၊ ဒုသ္ကိုပ်ပၞာန်ဇၞော် ဖုၚ်မျာတ်၊ ဥူတာန်မံၚ်၊ ဒံက်တာသဳတာဥူ တံ မဒှ်ရ။
တုဲပၠန် ဒံက်တာချဝ်ချဝ်သိၚ်၊ ဒံက်တာမျဵုတိၚ်ကျဝ်၊ ဒံက်တာတိတ်ခိုၚ်ဝေၚ်၊ ဒံက်တာတိတ်တိတ်ဇြေန်၊ ဥူထိၚ်လေန်၊ ဥူတေန်ဥူလွေန်၊ ဥူမေန်ဏံၚ်၊ ဥူမျဵုဇဝ်တိၚ်၊ ဥူသာန်ဥူ၊ ဥူကိုကိုလွေန်၊ ဒံက်တာချာလဳတာန်၊ ဥူမျေတ်ကျိုၚ်၊ ဥူခေန်မံၚ်သဵု၊ ဥူထောန်အုၚ်၊ ဥူယေဝ်မျေတ်ထောန်၊ ဒံက်တာမံၚ်တေန်၊ ဥူမျဵုတ၊ ဒံက်တာသဵုဝေန် ကေုာံ ဥူမံၚ်မျေတ်တံ မဒှ်ကီုရ။
အပ္ဍဲဝန်ဇၞော် ၃၀ တၠ သ္ပလဝ်ဒတန်ဏံ ၂၀ တၠဂှ် ဒှ်ဝန်ဇၞော် ယိုက်ဂၠေၚ်မံၚ်တာလျိုၚ် ပ္ဍဲကဝ်မယှေန်ပၞာန်လၟုဟ်တုဲ ဝန်ဇၞော်သှ်ေမံၚ်ဂှ်တှ်ေ ဒှ်သ္ကိုပ်ပၞာန်တြေံ ကေုာံ ညးဒုၚ်အသံဒပ်ပၞာန် ဒှ်မၞိဟ်ပတေဟ် က္ဍိုပ်သ္ကိုပ်ပၞာန် မဒှ်ရ။
အလဵုအသဳဒပ်ပၞာန်တၟိဝွံ ဒှ်ဆအရာပြံၚ်သၠာဲလဝ်ယၟု သၟးရတုဲ က္ဍိုပ်သ္ကိုပ်အဓိက ဂကောံဒပ်ပၞာန်တံဂှ် ပရေၚ်ထောံကၠေံအဝဵုဟၟဲတုဲ ဆၜိုတ်အရာပြံၚ်သၠာဲအာ ဒၞာဲတာလျိုၚ်ကေုာံ အရာမခါန်ကၞက်စုတ် ယၟုဂကောံတၟိဟေၚ်ရောၚ်ဂှ် ဂကောံပရိုၚ်ဗၟာဂၠးကဝ် BNI သ္ၚဳဂၠိပ် ပါ်ပါဲလဝ်ရ။
ပရိုၚ် – သြၚ်လောန်တိုင်မ်
Photo – MOI