ကအ်သံၚ်၊ မေ ၁၉။
အပ္ဍဲကဵုရးတနၚ်သဳ ပွိုၚ်ဍုၚ်ကအ်သံၚ် ကွာန်ဧမျသာယာ အဃောရပ်စၟဳစၟတ်မံၚ် သ္ကိုပ်ပရေၚ်အုပ်ဓုပ်မွဲတၠဂှ် ဂစာန်ဂြိပ်တိတ်ဂှ်ရ ဒးဒုၚ်ပန်တုဲ ချိုတ်အာလဝ်နွံမံၚ်ရဂှ် ဂွံတီကေတ်နူ ဂကောံစဵုဒၞာညးဍုၚ်ကွာန် ပွိုၚ်ဍုၚ်ကအ်သံၚ်ရ။
ပ္ဍဲဂိတုမေ ၁၃ လောန်ကၠုၚ်ဂှ် သ္ကိုပ်ပရေၚ်အုပ်ဓုပ် ကွာန်ဧမျသာယာ ဥူသဵုထိုက် အာယုက် ၄၄ သၞာံ ဒဳကၠုၚ်ကွဳစက် လပါ်ဍုၚ်ကအ်သံၚ်ဂှ် နူကဵုဂကောံစဵုဒၞာညးဍုၚ်ကွာန် ပွိုၚ်ဍုၚ်ကအ်သံၚ်တံ ရပ်ချုက်ဂွံလဝ် အပ္ဍဲကဵုသ္ကုတ်ဂၠံၚ် နာမ္မတောန် မွဲဒၞာဲရ။
အခိၚ်ရပ်စၟဳစၟတ်မံၚ် ဥူသဵုထိုက်ဂှ် ပ္ဍဲကွဳစက်ညး ဆဵုညာတ်အာ ကယျိုၚ်ယူနဳဖံၚ်ပၞာန် ရဲပၠန်ဂတးတံ ဗိုက်လတက်လဝ် ၁၀ စောံ၊ ဒၞပ် ၃ ဆော၊ တဆိပ်နာနာ ၈ စောံ ကေုာံ ခြပ်ဒၞာမကမ်မွဲစောံတံ ဆဵုညာတ်လဝ်တုဲ သၟာန်သၟုက်စၟဳစၟတ်ဂှ်တှ်ေ သွက်ဂွံအာပလံၚ် ဇရေၚ် စကခ ၂၀ ရောၚ် ညးဒုၚ်လဝ်ဝန်နွံရ။
အခိၚ်စၟဳစၟတ်မံၚ်ဂှ် ဥူသဵုထိုက် အာတ်အခေါၚ်သွက်ဂွံအာပဿဴတုဲ ဒက်လဝ်ဇုက်တဲမွဲလပါ် ကရောံသ္ဂံၚ်မွဲတၠ ဗလးဏာလဝ်ဂှ် ညးရုန်တိတ်အတေၚ် ဂစာန်ဂြိပ်အာဂှ်၊ အဃောဗက်ထဍေၚ်ရပ် ပန်ဏာဂှ် ဒးအာမကမ်တုဲ ချိုတ်အာလဝ်ရောၚ် ညးတာလျိုၚ်လလောၚ်ပရိုၚ် ဂကောံစဵုဒၞာညးဍုၚ်ကွာန်ပွိုၚ်ဍုၚ်ကအ်သံၚ် ဟီုကဵု ဌာန်ပရိုၚ်သြၚ်လောန်တိုၚ်မ်ရ။
တုဲပၠန် ပ္ဍဲဖုၚ်တဲ ဥူသဵုထိုက်ဂှ်လေဝ် စပ်ကဵုတၚ်နၚ်ပရိုၚ် ဂကောံဒပ်ပၠန်ဂတးတံဂှ် ပလံၚ်ကဵုလဝ် ဒပ်ကဝ်မယှေန်ပၞာန်တံကီု၊ သွက်ဒပ်ကဝ်မယှေန်ပၞာန် ဂွံဖ္ဍိုက်ပလံၚ်ကဵု လွဟ်မကမ်၊ စၞစဇွောံမပၞာန် ကေုာံ မၞိဟ်တံဂှ်လေဝ် ဆဵုညာတ်လဝ်ကီုရောၚ် သ္ဂးရ။
အပ္ဍဲသၞာံ ၂၀၂၃ ဂိတုမာတ် ၄ လောန်ကၠုၚ်တေံလေဝ် ပေါဲဗတိုက်က္တဵု ဒှ်လဝ် ပ္ဍဲကွာန်ဝိုင်ဒေန် ပွိုၚ်ဍုၚ်ခမောက်ဂျဳဂှ် ရဲဒပ်စဵုဒၞာညးဍုၚ်ကွာန် PDF ၉ တၠ ချိုတ်အာလဝ်ဂှ် အလဵု ဥူသဵုထိုက် က္ဍိုက်ပ်ထ္ၜးလဝ် ဂၠံၚ်နွံတုဲ ထမံက်ဗ္ဒျ်လဝ်ပေါဲဗတိုက်နွံရောၚ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
Photo – ကအ်သံင်ပကဖ