တိုကျို၊ အံက်တဝ်ပါ ၂
Asian Games Aichi-Nagoya 2026 မရနုက်ကဵု ၂၀ ဝါ ကၠောန်မံၚ် ဍုၚ်ဂျပါန် ပ္ဍဲကဵု Esports နဲဝေၚ် Mobile Legends: Bang Bang (MLBB) ဂှ် ဂကောံဇနက သ္ပစၞးနိဂီုဍုၚ်ဗမာ ၜှ်ဂွံလာဘ်တဆိပ်ထဝ် ဒှ်အာချာန်ပဳယာန်ရ။
ပ္ဍဲအံက်တဝ်ပါ ၁ ရးနိဂီုဍုၚ်ဂျပါန် ဒၞာဲ Aichi Sky Hall ဍုၚ်နာဂိုယာ ပေါဲဖိုၚ်နေဝ် ပြိုၚ်အလန်လက်ကရဴအိုတ်ဂှ် ဂကောံဍုၚ်ဗမာကဵု အေၚ်ဒိုနဳယှာတံ ဆဵုဂဗပြိုၚ်ပကာန်တုဲ အပ္ဍဲ ၇ ပေါဲ ညးဂွံလဝ်ဇၞး ၄ ပေါဲ လုပ်ပြိုၚ်အာဂှ် ဂွံဇၞး နကဵုစၟတ် ၄-၀ ပိုတ်တ်ရောၚ်။
ဟိုတ်နူကဵု ပရေၚ်ဇြဟတ်ဟရိုဟ်ဂှ် ညးတံကျဟွံသေၚ်၊ အတိုၚ်ဝေၚ်ကၠုၚ်မံၚ်လၟေၚ်ဓမ္မတာ ဝေၚ်ကဵုဟွံမာန်ရောၚ် သၟာဝေၚ်ဇြဟတ် သာယူကဳ နူအေၚ်ဒိုနဳယှာ ဟီုရ။ ဂကောံအေၚ်ဒိုနဳယှာ ဒးဗလးတဲတဆိပ်ထဝ်တုဲ ဒးပရေအာစိုတ် နကဵုတဆိပ်သြန်ရ။
ကၠာဟွံတိုန်ဝေၚ်ဖိုၚ်နေဝ်ဏီ ပ္ဍဲကဵု သဳမဳဖိုၚ်နေဝ်ဂှ် ဂကောံဗမာ ဇၞးလဝ် ဂကောံအေၚ်ဒိုနဳယှာ ၂-၀ တုဲ ဂွံလာ်ဃရိုတ်ရ။
ပရေၚ်အံၚ်ဇၞး ဂကောံ MLBB မျာန်မာ ပဵုတုဲ ဂွံတၟေၚ်ဟ်အာဂှ် စုတ်ဏာ Mobile Legends: Bang Bang ပ္ဍဲကဵု ပေါဲပြိုၚ်ဇြဟတ် နဲကဲပရေၚ်ဝေၚ်ဇြဟတ် ကဵုတဆိပ်လာဘ်မွဲတုဲ ပ္ဍဲသၞာံဏံ စုတ်လဝ်အလန်ပထမကၠာ မဒှ်ရ။ ဟိုတ်ဂှ်တုဲ ဂကောံဗမာတံ ပ္ဍဲကဵုဝၚ် MLBB ဂှ် လုပ်အာချာန်ပဳယာန် တဆိပ်ထဝ် အလန်ပထမ ကၠာအိုတ် မဒှ်ရ။
စနူဂိတုဂျောန် ၁၈ စိုပ် ၂၁ ပ္ဍဲကဵုပေါဲပြိုၚ်ဝေၚ်ဇြဟတ်အာယှ သၚ်ကာပူဂှ် ဂကောံဗမာ တတ်ၜက်ကၠုၚ် ပေါဲစမ်ဇြဟတ်တဲကိုပ်ကၠာတုဲမှ ဂွံလုပ်ပြိုၚ်အာ ကရောံ ဖိလေတ်ပိုၚ်၊ ခမေန်၊ အေၚ်ဒိုနဳယှာကဵု မလေဝ်ယှာ နူဒေသအာယှာအဂၞဲ ပါလုပ်အာ ဂကောံဂွံအခေါၚ်အဓိက ၅ ဍုၚ် သွက်ဂွံလုပ်ပြိုၚ်အာရ။
ပ္ဍဲကဵုပေါဲပြိုၚ်ဝေၚ်ဇြဟတ် အာယှ သၞာံဏံ ပေါဲပြိုၚ် Esports ဂှ် MLBB မွဲဂကူဓဝ်ဟွံသေၚ် နဲကဲဝေၚ် Honor of Kings၊ PUBG Mobile၊ eFootball Mobile ကေုာံ eFootball Console (၅) ဂကူတံကီု ဂကောံဍုၚ်ဗမာ ဂွံအခေါၚ်လုပ်ပြိုၚ်ပကာန်ရ။ ပရေၚ်ဏံဝွံ သွက် Esports မျာန်မာမ္ဂး ပရေၚ်အံၚ်ဇၞး လုပ်ဝၚ်မွဲရောၚ် နူဂဥုပ်ဂကောံ Esports မျာန်မာ ဟီုလဝ်မဒှ်ရ။
Ref:antaranews