ပံၚ်၊ နဝ်ဝေမ်ဗာ (၉)
ပ္ဍဲပွိုၚ်ဍုၚ်ပံၚ်၊ တွဵုရးဍုၚ်မန်ဂှ် ဗွဲကြဴပရေၚ်ပန်ပှော် အကြာဂကောံဒပ်စဵုဒၞါညးဍုၚ်ကွာန်တံကဵု ဒပ်ကံၚ်ဇြဳပၞာန်တံ က္တဵုဒှ်တုဲဂှ် ညးဒေသ ဟွံအောန်နူကဵု (၁၀) တၠ ဒးဒုၚ်ရပ်ဒက်လဝ်ရောၚ် ညးမစုက်လုက်ကဵု ကံၚ်ဇြဳပၞာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
တုဲကၠုၚ် ဂိတုအံက်တဝ်ဗာ (၂၇) တေံ ပ္ဍဲကဵုကွာန်ကအ်ကာန် (အလယ်)၊ ဂကောံကွာန် (အုန်းတပၚ်) ပွိုၚ်ဍုၚ်ပံၚ်တံဂှ် ဒပ်ကံၚ်ဇြဳပၞာန်တံ လုပ်စိုပ်ဗ္တိုက်လဝ် ဒၞါဲဂကောံဒပ်စဵုဒၞါညးဍုၚ်ကွာန်တံ အောပ်မာဒၟံၚ်ဂှ်တုဲ က္တဵုဒှ်လဝ် ပရေၚ်ပန်ပှော် မွဲလ္ပာ်ကုမွဲလ္ပာ်ရ။
ကြဴနူပရေၚ်ပန်ပှော်ဏံတုဲဂှ် ဒပ်ကံၚ်ဇြဳပၞာန်တံ ရပ်ဒက်ဏာလဝ် ညးဍုၚ်ကွာန်ဒေသ ဟွံအောန်နူကဵု (၁၀) တၠတံ နကဵုတၚ်ထ္ၜးဟိုတ် ဆက်စပ်ဒၟံၚ်ကဵု ဂကောံဒပ်စဵုဒၞါညးဍုၚ်ကွာန်တံ မဒှ်ရ။
ဒပ်ကံၚ်ဇြဳပၞာန်တံ ရပ်ဒက်ထိၚ်ဒဝ်လဝ် ညးဒးဒုၚ်ရပ်တံ ဒၞါဲလဵုရောဟီုဂှ် ဟွံဂွံတီကေတ်ဏီတုဲ ကဵုသ္ၚိကၟိန်တံလေဝ် ဟွံဂွံအဆက်ဏီဖိုဟ်ရ။
အပ္ဍဲပရေၚ်ပန်ပှော်ၜါလ္ပာ်ဏံဂှ် ကောန်သ္ဂံၚ် လ္ပာ်ဒပ်စဵုဒၞါညးဍုၚ်ကွာန်မွဲတၠ ပြဟ်လလုဲအာလဝ်တုဲ မွဲတၠဂှ် ရပ်ဂွံလဝ် ဂျိုၚ်ၚ်ရ။
အခိၚ်လၟုဟ်ဂှ် ဒပ်ကံၚ်ဇြဳပၞာန်ဝွံ ပတေၚ်ဂြတ်လဝ် ပရေၚ်ဂီုကၠီု ပ္ဍဲပွိုၚ်ဍုၚ်ပံၚ်တုဲ ပ္ဍဲကဵုဂကောံကွာန် မၞုံလ္ပာ်ဗၟံက်ဒဵုတံဂှ်လေဝ် စကာဇြဟတ်ဒပ်ဗွဲမဂၠိုၚ်ဂၠေၚ်တုဲ မၚ်တောပ်ဗ္တိုက်ဒၟံၚ်ဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
sanlontai