ရေဝ်၊ ဒဳဇြေမ်ဗာ (၁၇)
ဒပ်အမၠံက်ကံၚ်ဇြဳပၞာန် ပါၚ်ဂၠံၚ်လုပ်ကွာန်ကလအ်၊ ပွိုၚ်ဍုၚ်ရေဝ်၊ တွဵုရးဍုၚ်မန်ဂှ်ဝွံ ပ္ဍဲဂိတုဒဳဇြေမ်ဗာ (၁၆) ပယျာံဂယးဂှ် ဒးဒုၚ်ပန်ပှော်ဗ္တိုက်လဝ်ကဵု လွဟ်ဇၞော်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ဒပ်အမၠံက်ကံၚ်ဇြဳပၞာန် စၟတ် (၃၁၆) မၞုံပါၚ်ဂၠံၚ် ကွာန်ကလအ်ဂှ် ဂကောံလကိုဟ်ဍုၚ်ရေဝ်တံ အာစိုပ်ဗ္တိုက်လဝ် နကဵု (၄၀) မမရ။
ကြဴနူဒးဒုၚ်ပန်ပှော် ကဵုလွဟ်ဇၞော်တုဲ လ္ပာ်ကံၚ်ဇြဳပၞာန် လလအ်ဗ္ဒါဲမွဲနာဍဳပြၚ် ကလေၚ်ပန်ပှော်ဗ္တိုက်လဝ် ကဵုလွဟ်ဇၞော်၊ လွဟ်ဍောတ်တံရ။
က္ဍိုပ်သ္ကိုပ်ဂကောံလကိုဟ်ဍုၚ်ရေဝ်ဂှ်လေဝ် ပရေၚ်ပန်ပှော်ဏံဂှ် ဂကောံဍေံတံ အာစိုပ်ကၠောန်သ္ပလဝ်ရောၚ် ချူပ္တိုန်လဝ် လ္တူမုက်လိက်ပရေၚ်မၞိဟ်တံကီုလေဝ် အကာဲအရာဂွံဝပ်ဇီုကပိုက် ဗွဲလစှ်ေတံဂှ် လလောၚ်ပ္တိတ်လဝ် ဟွံမွဲရ။
အတိုၚ်ဂလာန်ညးဒေသတံဂှ်မ္ဂး ၜိုန်ရဒပ်အမၠံက်ကံၚ်ဇြဳပၞာန် ဒးဒုၚ်ဗ္တိုက်ကီုလေဝ် လ္ပာ်ကံၚ်ဇြဳပၞာန် တိတ်မ္ၚးဒပ်တုဲ ဂၠိုက်ဂၠါဲစၟဳစၟတ်ကၟာတ်ဂဒဵုတံ ဟွံမွဲပုဟ်ဂှ် သ္ဂးရ။
ဂကောံဒပ်စဵုဒၞါညးဍုၚ်ကွာန်ဒေသတံဂှ် မွဲဏှမွဲဏှ ပန်ပှော်ဗ္တိုက်မံၚ် ဒပ်ကံၚ်ဇြဳပၞာန် မၞုံပ္ဍဲပွိုၚ်ဍုၚ်ရေဝ်တံ နကဵုလွဟ်ဇၞော်၊ လွဟ်ဍောတ်တံရ။
ပရိုၚ်−သြၚ်လောန်တိုၚ်(မ်)
sanlontai